ԵՐԿՐՈՐԴՈՒՄՆ ՕՐԻՆԱՑ 15:11 - Գրաբար Աստվածաշունչ (1895)

¹¹ Զի ոչ պակասէ կարօտեալ յերկրէ, վասն այնորիկ ես պատուիրեմ զբանս զայս եւ ասեմ. Ընդարձակելով ընդարձակեսցես զձեռն քո յեղբայր քո, յաղքատ եւ ի տառապեալ որ իցէ յերկրին քում։

ԵՐԿՐՈՐԴՈՒՄՆ ՕՐԻՆԱՑ 15:11 ပူးပေါင်းရင်းမြစ်များ

ԵԼՔ 23:11

Եւ յամին եւթներորդի թողութիւն արասցես, եւ հանգուսցես զնա, եւ կերիցեն տնանկք ազգի քո, եւ զմնացեալն ի նոցանէ կերիցեն գազանք վայրի. այնպէս արասցես զայգի քո եւ զձիթենի քո։

ԱՌԱԿՔ ՍՈՂՈՄՈՆԻ 19:17

Փոխ տայ Աստուծոյ՝ որ ողորմի տնանկին, ըստ տրոց նորա հատուսցէ նմա։

ԱՌԱԿՔ ՍՈՂՈՄՈՆԻ 22:2

Մեծատուն եւ աղքատ միմեանց պատահեցին, երկոցունց այցելութիւն առնէ Տէր։

ԱՌԱԿՔ ՍՈՂՈՄՈՆԻ 31:20

Զձեռս իւր ընդարձակեաց աղքատաց, եւ կարկառ պտուղ տնանկին։

ՄԱՐԳԱՐԷՈՒԹԻՒՆ ԵԶԵԿԻԵԼԻ 18:7

եւ մարդոյ բուռն ոչ լինիցի, զգրաւ պարտապանի դարձուցանիցէ, յափշտակութիւն ոչ յափշտակիցէ, զհաց իւր տացէ քաղցելոց եւ զմերկն զգեցուցանիցէ,

Մատթեոսի Աւետարան 26:11

Յամենայն ժամ զաղքատս ընդ ձեզ ունիք, բայց զիս ոչ հանապազ ընդ ձեզ ունիք։

Մատթեոսի Աւետարան 5:42

Որում խնդրէ ի քէն՝ տուր. եւ որ կամի փոխ առնուլ ի քէն՝ մի՛ դարձուցաներ զերեսս։

ԱՒԵՏԱՐԱՆ ԸՍՏ ՄԱՐԿՈՍԻ 14:7

Յամենայն ժամ զաղքատս ընդ ձեզ ունիք, եւ յորժամ կամիք, կարող էք առնել նոցա բարիս. այլ զիս ոչ յամենայն ժամ ընդ ձեզ ունիք։

ԱՒԵՏԱՐԱՆ ԸՍՏ ՂՈՒԿԱՍՈՒ 12:33

Վաճառեցէք զինչս ձեր եւ տուք ողորմութիւն. եւ արարէք ձեզ քսակս առանց հնանալոյ, գանձ անպակաս յերկինս. ուր ոչ գող մերձենայ եւ ոչ ցեց ապականէ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:8

զաղքատս յամենայն ժամ ընդ ձեզ ունիք, զիս ոչ հանապազ ընդ ձեզ ունիք։

ԳՈՐԾՔ ԱՌԱՔԵԼՈՑ 2:45

Եւ զստացուածս եւ զինչս վաճառէին, եւ բաշխէին զայն ամենեցուն ում զիարդ պիտոյ ինչ լինէր։

ԵՐԿՐՈՐԴՈՒՄՆ ՕՐԻՆԱՑ 15:7

Եւ եթէ լինիցի ի միջի քում կարօտեալ յեղբարց քոց, ի միում ի քաղաքաց քոց յերկրին զոր տացէ քեզ Տէր Աստուած քո, մի՛ դարձուցանիցես զսիրտ քո, եւ մի՛ կծկիցես զձեռն քո յեղբօրէ քումմէ կարօտելոյ.

ԵՐԿՐՈՐԴՈՒՄՆ ՕՐԻՆԱՑ 15:8

այլ ընդարձակելով ընդարձակեսցես նմա զձեռն քո, եւ տալով տացես նմա փոխ որչափ եւ խնդրիցէ ի կարօտութեան իւրում՝՝։