ԵՐԿՐՈՐԴՈՒՄՆ ՕՐԻՆԱՑ 14:29 - Գրաբար Աստվածաշունչ (1895)

²⁹ եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։

ԵՐԿՐՈՐԴՈՒՄՆ ՕՐԻՆԱՑ 14:29 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 41:1

Ի կատարած. իմաստութիւն որդւոցն Կորխայ։

ԳԻՐՔ ՍԱՂՄՈՍԱՑ 41:2

Որպէս փափաքէ եղջերու յաղբերս ջուրց, այնպէս փափաքէ անձն իմ առ քեզ, Աստուած։

ԳԻՐՔ ՍԱՂՄՈՍԱՑ 94:6

Եկայք երկիր պագցուք նմա, անկցուք եւ լացցուք՝՝ առաջի Տեառն արարչին մերոյ։

ԱՌԱԿՔ ՍՈՂՈՄՈՆԻ 11:24

Են որ զիւրեանց սերմանեն՝՝ եւ բազմապատիկ առնեն, եւ են՝ որ յանիրաւութենէ ժողովեն՝՝ եւ կարօտանան։

ԱՌԱԿՔ ՍՈՂՈՄՈՆԻ 19:17

Փոխ տայ Աստուծոյ՝ որ ողորմի տնանկին, ըստ տրոց նորա հատուսցէ նմա։

ՄԱՐԳԱՐԷՈՒԹԻՒՆ ԵՍԱՅԵԱՅ 1:17

ուսարուք զբարիս գործել. խնդրեցէք զիրաւունս, փրկեցէք զզրկեալն, դատ արարէք որբոյն, եւ տուք իրաւունս այրւոյն։

ՂԵՒՏԱԿԱՆ 19:34

Իբրեւ զբնակն ձեր լինիցի ձեզ եւ եկն յարեալ ի ձեզ, եւ սիրեսցես զնա իբրեւ զանձն քո. զի պանդուխտք եղերուք եւ դուք յերկրին Եգիպտացւոց. ես եմ Տէր Աստուած ձեր։

ԹԻՒՔ 18:20

Եւ խօսեցաւ Տէր ընդ Ահարոնի եւ ասէ. Յերկրի նոցա մի՛ ժառանգեսցես, եւ բաժին քո ընդ նոսա մի՛ լիցի, զի ես եմ բաժին քո եւ ժառանգութիւն ի մէջ որդւոցն Իսրայելի։

ԱՒԵՏԱՐԱՆ ԸՍՏ ՂՈՒԿԱՍՈՒ 11:41

Բայց աղէ զարժանն իսկ՝՝ տուք ողորմութիւն, եւ ահա ամենայն սուրբ է ձեր։

ԱՒԵՏԱՐԱՆ ԸՍՏ ՂՈՒԿԱՍՈՒ 6:35

Բայց սիրեցէք զթշնամիս ձեր, եւ բարի արարէք ատելեաց ձերոց՝՝. եւ տուք փոխ՝ ուստի ոչ ակն ունիցիք առնուլ. եւ եղիցին վարձք ձեր բազում, եւ եղիջիք որդիք Բարձրելոյ. զի նա քաղցր է ի վերայ չարաց եւ ապաշնորհաց։

ԵՐԿՐՈՐԴՈՒՄՆ ՕՐԻՆԱՑ 10:9

Վասն այնորիկ ոչ գոյ Ղեւտացւոցն բաժին եւ ժառանգութիւն ի մէջ եղբարց իւրեանց, զի Տէր ինքնին է մասն եւ ժառանգութիւն նոցա, որպէս եւ ասաց նոցա։

ԵՐԿՐՈՐԴՈՒՄՆ ՕՐԻՆԱՑ 12:12

եւ ուրախ լինիջիք առաջի Տեառն Աստուծոյ մերոյ, դուք եւ ուստերք ձեր եւ դստերք ձեր եւ ծառայք ձեր եւ աղախնայք ձեր, եւ Ղեւտացին որ ի դրունս ձեր, զի ոչ գոյ նորա բաժին եւ ոչ ժառանգութիւն ընդ ձեզ։

ԵՐԿՐՈՐԴՈՒՄՆ ՕՐԻՆԱՑ 14:27

եւ Ղեւտացին որ ի քաղաքս քո, մի՛ թողուցուս զնա, զի ոչ գոյ նորա բաժին եւ ոչ ժառանգութիւն ընդ քեզ։

ԵՐԿՐՈՐԴՈՒՄՆ ՕՐԻՆԱՑ 15:10

Այլ պարգեւելով պարգեւեսցես նմա, եւ տալով տացես նմա փոխ որչափ եւ պիտոյ իցէ՝՝, եւ մի՛ տրտմիցիս ի սրտի քում զկնի տրոցն քոց նմա. զի վասն բանին այնորիկ օրհնեսցէ զքեզ Տէր Աստուած քո յամենայն ի գործս քո, եւ յամենայնի յոր ինչ եւ մխեսցես զձեռն քո։

ԵՐԿՐՈՐԴՈՒՄՆ ՕՐԻՆԱՑ 16:11

եւ ուրախ լիցիս առաջի Տեառն Աստուծոյ քո դու եւ ուստր քո եւ դուստր քո, ծառայ քո եւ աղախին քո, եւ Ղեւտացին որ ի քաղաքս քո, եւ եկն եւ որբն եւ այրին որ ի ձեզ, ի տեղւոջն զոր ընտրեսցէ Տէր Աստուած անուանել զանուն իւր անդ։

ԵՐԿՐՈՐԴՈՒՄՆ ՕՐԻՆԱՑ 16:14

Եւ ուրախ լիցիս ի տօնի քում դու եւ ուստր քո եւ դուստր քո, ծառայ քո եւ աղախին քո, եւ Ղեւտացին եւ եկն եւ որբն եւ այրին որ իցեն ի քաղաքս քո։

ԵՐԿՐՈՐԴՈՒՄՆ ՕՐԻՆԱՑ 23:21

Եւ եթէ ուխտիցես ուխտ Տեառն Աստուծոյ քում, մի՛ յամեսցես հատուցանել զայն. զի պահանջելով պահանջեսցէ Տէր Աստուած քո ի քէն, եւ լինիցի քեզ ի մեղս.

ԵՐԿՐՈՐԴՈՒՄՆ ՕՐԻՆԱՑ 28:8

Առաքեսցէ Տէր ի վերայ քո օրհնութիւն, ի շտեմարանս քո եւ յամենայն ինչ ուր մխեսցես զձեռն քո ի վերայ երկրին զոր Տէր Աստուած քո տացէ քեզ։

ԵՐԿՐՈՐԴՈՒՄՆ ՕՐԻՆԱՑ 6:11

եւ տունս լի ամենայն բարութեամբք զոր ոչ լցեր, եւ ջրհորս փորեալս զոր ոչ փորեցեր, եւ այգիս եւ ձիթենիս զորս ոչ տնկեցեր, եւ ուտիցես եւ յագիցիս,

ԱՌ ԵԲՐԱՅԵՑԻՍ ԹՈՒՂԹ 13:2

Զօտարսիրութիւն մի՛ մոռանայք, զի այնու ոմանք յանգէտս ընկալան զհրեշտակս։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:27

Կրօնաւորութիւն սուրբ եւ անարատ առ ի յԱստուծոյ եւ ի Հօրէ այս է. Այցելու լինել որբոց եւ այրեաց ի նեղութեան իւրեանց, անարատ պահել զանձն յաշխարհէ։