ԵՐԿՐՈՐԴՈՒՄՆ ՕՐԻՆԱՑ 14:21 - Գրաբար Աստվածաշունչ (1895)

²¹ Եւ զամենայն մեռելոտի մի՛ ուտիցէք, այլ պանդխտին որ է ի քաղաքս քո տացես զնա եւ կերիցէ, կամ վաճառեսցես օտարոտւոյն. զի ժողովուրդ սուրբ ես դու Տեառն Աստուծոյ քո։ Մի՛ եփեսցես զգառն ի կաթն մօր իւրոյ։

ԵՐԿՐՈՐԴՈՒՄՆ ՕՐԻՆԱՑ 14:21 ပူးပေါင်းရင်းမြစ်များ

ԵԼՔ 19:6

Եւ դուք եղիջիք ինձ ի թագաւորութիւն եւ ի քահանայութիւն՝՝ եւ յազգ սուրբ. զայս բանս խօսեսցիս ընդ որդիսն Իսրայելի։

ԵԼՔ 22:30

Նոյնպէս արասցես զարջառ քո եւ զոչխար քո եւ զէշ քո՝՝. զեւթն օր եղիցի ընդ մարբ իւրով, եւ յաւուրն ութերորդի տացես զնա ինձ։

ԵԼՔ 23:19

Զպտուղս առաջին արմտեաց քոց բերցես ի տուն Տեառն Աստուծոյ քո։ Եւ մի՛ եփեսցես զգառն ի կաթն մօր իւրոյ։

ԵԼՔ 34:26

Զառաջին արմտիս երկրի քո տարցիս ի տուն Տեառն Աստուծոյ քո։ Մի՛ եփեսցես զգառն ի կաթն մօր իւրոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 4:14

Եւ ասեմ. Քաւ լիցի, Տէր Աստուած Իսրայելի, եթէ պղծեալ իցէ երբեք անձն իմ ի պղծութիւնս՝՝, եւ մեռելոտի եւ գազանաբեկ ոչ երբեք կերայ ի ծննդենէ իմմէ մինչեւ ցայժմ, եւ ոչ եմուտ ի բերան իմ ամենայն միս պիղծ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:31

Զամենայն զմեռելոտի եւ զգազանաբեկ ի թռչնոց եւ յանասնոց՝ մի՛ կերիցեն քահանայքն։

ՂԵՒՏԱԿԱՆ 11:40

Եւ որ բառնայցէ ի մեռելոյ նոցա՝ լուասցէ զձորձս իւր, եւ պղծեալ լիցի մինչեւ ցերեկոյ։

ՂԵՒՏԱԿԱՆ 17:15

Եւ ամենայն անձն որ ուտիցէ զմեռելոտի կամ զգազանաբեկ, ի բնակաց կամ ի պանդխտաց, ողողեսցէ զհանդերձս իւր, եւ լուասցէ զմարմին իւր, եւ պիղծ լիցի մինչեւ ցերեկոյ, եւ ապա սուրբ լիցի.

ՂԵՒՏԱԿԱՆ 22:8

Զմեռելոտի եւ զգազանաբեկ մի՛ ուտիցէ՝ պղծել նմա նոքօք. զի ես եմ Տէր։

ԳՈՐԾՔ ԱՌԱՔԵԼՈՑ 15:20

Այլ տալ թուղթս առ նոսա խորշել ի կերակրոց կռոց եւ ի պոռնկութենէ եւ ի մեռելոտւոյ եւ յարենէ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 12:2

եւ մի՛ կերպարանիք կերպարանօք աշխարհիս այսորիկ, այլ նորոգեցարուք ի նորոգութիւն մտաց ձերոց, առ ի քննել ձեզ զլաւն, եւ՝՝ եթէ զինչ են կամքն Աստուծոյ՝ բարին եւ հաճոյն եւ կատարեալն։

ԵՐԿՐՈՐԴՈՒՄՆ ՕՐԻՆԱՑ 14:2

զի ժողովուրդ ես դու սուրբ Տեառն Աստուծոյ քո. եւ զքեզ ընտրեաց Տէր Աստուած քո՝՝ լինել քեզ նմա ժողովուրդ սեպհական յամենայն ազգաց որ ի վերայ երեսաց երկրի։

ԵՐԿՐՈՐԴՈՒՄՆ ՕՐԻՆԱՑ 14:20

Եւ զամենայն թռչուն սուրբ՝ կերիջիք։

ԵՐԿՐՈՐԴՈՒՄՆ ՕՐԻՆԱՑ 7:6

Զի ժողովուրդ սուրբ ես դու Տեառն Աստուծոյ քում. եւ զքեզ ընտրեաց Տէր Աստուած քո լինել նմա ժողովուրդ սեպհական քան զազգս ամենայն որ ի վերայ երեսաց երկրի։

ՊԵՏՐՈՍԻ ԱՌԱՋԻՆ՝՝ 1:16

Վասն որոյ գրեալ է եթէ՝ Եղերուք սուրբ, զի ես սուրբ եմ։