ԵՐԿՐՈՐԴՈՒՄՆ ՕՐԻՆԱՑ 12:7 - Գրաբար Աստվածաշունչ (1895)

⁷ եւ կերիջիք առաջի Տեառն Աստուծոյ ձերոյ, եւ ուրախ լինիջիք ի վերայ ամենայնի յոր մխիցէք զձեռս ձեր, դուք եւ տունք ձեր, որպէս եւ օրհնեաց զքեզ Տէր Աստուած քո։

ԵՐԿՐՈՐԴՈՒՄՆ ՕՐԻՆԱՑ 12:7 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 29:22

Կերան եւ արբին առաջի Տեառն յաւուր յայնմիկ ուրախութեամբ. եւ թագաւորեցուցին երկրորդ անգամ զՍողոմոն որդի Դաւթի, եւ օծին զնա Տեառն ի թագաւոր, եւ զՍադովկ՝ ի քահանայութիւն։

ԳԻՐՔ ՆԷԵՄԵԱՅ 8:9

Եւ ասէ Նէեմի՝ որ է Աթարսաթա, եւ Եզրա քահանայ եւ գրիչ, եւ Ղեւտացիքն որ իմացուցանէին ժողովրդեանն. եւ ասեն ամենայն ժողովրդեանն. Օրս այս՝ օր սուրբ է Տեառն Աստուծոյ մերոյ, մի՛ սգայք եւ մի՛ լայք։ Քանզի լային ժողովուրդքն, յորժամ լուան զբանս օրինացն։

ԺՈՂՈՎՕՂ 3:12

Գիտացի թէ ոչ գոյ բարի ի նոսա՝ եթէ ոչ ուրախ լինել, եւ գործել բարիս ի կեանս իւրում։

ԺՈՂՈՎՕՂ 3:13

Քանզի ամենայն մարդ՝ որ ուտիցէ եւ ըմպիցէ եւ տեսանիցէ բարի յամենայն վաստակս իւր, այն պարգեւ Աստուծոյ է։

ԺՈՂՈՎՕՂ 5:18

Քանզի ամենայն մարդ՝ որում ետ նմա Աստուած մեծութիւն եւ ինչս, եւ իշխան արար զնա ուտել ի նոցանէ, եւ առնուլ զբաժին իւր եւ ուրախ լինել ի վաստակս իւր, այն պարգեւ Աստուծոյ է։

ՄԱՐԳԱՐԷՈՒԹԻՒՆ ԵՍԱՅԵԱՅ 23:18

Եւ եղիցի վարձ վաճառի նորա Տեառն նուիրեալ. ոչ անձանց ինչ ժողովեսցեն՝՝, այլ բնակելոցն առաջի Տեառն եղիցին ամենայն վաճառք նորա, ուտել, ըմպել եւ ուրախ լինել ի նշան յիշատակաց առաջի Տեառն՝՝։

ՄԱՐԳԱՐԷՈՒԹԻՒՆ ԵՍԱՅԵԱՅ 62:9

Այլ որ ամփոփեցինն կերիցեն զնա՝ եւ օրհնեսցեն զՏէր, եւ որ ժողովեցինն զնա՝ արբցեն ի սրահս սրբութեանց իմոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:3

Քանզի առաջնորդ իշխանն նա նստցի ի դմա ուտել հաց առաջի Տեառն, ընդ ճանապարհ կամարի դրանն մտցէ, եւ ընդ նոյն ճանապարհ ելցէ։

ՄԱՐԳԱՐԷՈՒԹԻՒՆ ՅՈՎԵԼԱՅ 1:16

Առաջի աչաց ձերոց պակասեցան կերակուրք՝ ի տանէ Աստուծոյ ձերոյ, ուրախութիւն եւ խնդութիւն։

ՄԱՐԳԱՐԷՈՒԹԻՒՆ ՅՈՎԵԼԱՅ 2:26

եւ ուտելով կերիջիք, եւ յագեսջիք, եւ օրհնեսջիք զանուն Տեառն Աստուծոյ ձերոյ որ արար ընդ ձեզ սքանչելիս. եւ մի՛ եւս ամաչեսցէ ժողովուրդ իմ յաւիտեան։

ՂԵՒՏԱԿԱՆ 23:40

Եւ առնուցուք ձեզ յաւուրն առաջնում պտուղս զգեղեցիկ ծառոց, կողերս յարմաւենեաց, եւ ոստս ի տերեւախիտ ծառոց եւ յուռեաց եւ ոստս հագնեաց՝՝ ի ձերոց, ուրախ լինել առաջի Տեառն զեւթն օր։

ՄԱՐԳԱՐԷՈՒԹԻՒՆ ՄԱՂԱՔԻԱՅ 2:13

Եւ զոր եսն ատէի՝ առնէիք. ծածկեցէք արտասուօք զսեղան իմ, եւ լալով եւ քքովք յաշխատութեանց. Եթէ արժա՞ն ինչ իցէ միւսանգամ հայել ի պատարագս ձեր, եւ կամ առնուլ ընդունելութիւն՝՝ ի ձեռաց ձերոց։

ԳՈՐԾՔ ԱՌԱՔԵԼՈՑ 2:46

Հանապազօր կանխեալ միաբանութեամբ ի տաճարն, եւ առտնին բեկանէին զհացն, եւ առնուին կերակուր ուրախութեամբ եւ միամտութեամբ սրտի.

ԵՐԿՐՈՐԴՈՒՄՆ ՕՐԻՆԱՑ 12:12

եւ ուրախ լինիջիք առաջի Տեառն Աստուծոյ մերոյ, դուք եւ ուստերք ձեր եւ դստերք ձեր եւ ծառայք ձեր եւ աղախնայք ձեր, եւ Ղեւտացին որ ի դրունս ձեր, զի ոչ գոյ նորա բաժին եւ ոչ ժառանգութիւն ընդ ձեզ։

ԵՐԿՐՈՐԴՈՒՄՆ ՕՐԻՆԱՑ 12:18

այլ առաջի Տեառն Աստուծոյ քո կերիցես զայն, ի տեղւոջն զոր ընտրեսցէ Տէր Աստուած՝ իւր՝՝, դու եւ ուստր քո եւ դուստր քո, ծառայն քո եւ աղախին քո եւ եկն որ ի քաղաքս քո. եւ ուրախ լինիցիս առաջի Տեառն Աստուծոյ քո ի վերայ ամենայնի յոր մխիցես զձեռն քո։

ԵՐԿՐՈՐԴՈՒՄՆ ՕՐԻՆԱՑ 12:8

Մի՛ առնիցէք զամենայն ինչ զոր այսօր մեք աստ ոչ առնեմք, իւրաքանչիւր զհաճոյն առաջի իւր։

ԵՐԿՐՈՐԴՈՒՄՆ ՕՐԻՆԱՑ 14:23

եւ կերիցես զայն առաջի Տեառն Աստուծոյ քո ի տեղւոջն զոր ընտրեսցէ Տէր Աստուած քո անուանել զանուն իւր ի վերայ նորա, անդ մատուսցես՝՝ զտասանորդս ցորենոյ քո եւ զգինւոյ քո եւ զիւղոյ քո, եւ զանդրանիկս արջառոյ քո եւ զոչխարի քո. զի ուսցիս երկնչել ի Տեառնէ Աստուծոյ քումմէ զամենայն աւուրս։

ԵՐԿՐՈՐԴՈՒՄՆ ՕՐԻՆԱՑ 14:26

եւ տացես զարծաթն ընդ ամենայնի որում ցանկանայցէ անձն քո, արջառոյ կամ ոչխարի կամ գինւոյ կամ ցքւոյ կամ ամենայնի որում ցանկանայցէ անձն քո, եւ կերիցես անդ առաջի Տեառն Աստուծոյ քո, եւ ուրախ լինիցիս դու եւ ուստր քո.

ԵՐԿՐՈՐԴՈՒՄՆ ՕՐԻՆԱՑ 15:20

Ամ յամէ կերիցես զնա առաջի Տեառն ի տեղւոջն զոր ընտրեսցէ Տէր Աստուած քո, դու եւ տուն քո։

ԵՐԿՐՈՐԴՈՒՄՆ ՕՐԻՆԱՑ 26:11

եւ ուրախ լիցիս անդ յամենայն բարութիւնսն զոր ետ քեզ Տէր Աստուած քո եւ տան քում, դու եւ Ղեւտացին եւ պանդուխտն որ ի քեզ։

ԵՐԿՐՈՐԴՈՒՄՆ ՕՐԻՆԱՑ 27:7

եւ զենցես անդ զենումն փրկութեան Տեառն Աստուծոյ քում, եւ կերիցես եւ յագեսցիս՝՝ անդ, եւ ուրախ լիցիս առաջի Տեառն Աստուծոյ քո.

ԵՐԿՐՈՐԴՈՒՄՆ ՕՐԻՆԱՑ 28:47

Փոխանակ զի ոչ պաշտեցեր զՏէր Աստուած քո ուրախութեամբ եւ ճշմարիտ սրտիւ վասն բազմութեանդ ամենեցուն՝՝,

ԱՌ ՓԻԼԻՊԵՑԻՍ ԹՈՒՂԹ 4:4

Ուրախ լերուք ի Տէր յամենայն ժամ. դարձեալ ասեմ. Ուրախ լերուք։