ԵՐԿՐՈՐԴՈՒՄՆ ՕՐԻՆԱՑ 12:12 - Գրաբար Աստվածաշունչ (1895)

¹² եւ ուրախ լինիջիք առաջի Տեառն Աստուծոյ մերոյ, դուք եւ ուստերք ձեր եւ դստերք ձեր եւ ծառայք ձեր եւ աղախնայք ձեր, եւ Ղեւտացին որ ի դրունս ձեր, զի ոչ գոյ նորա բաժին եւ ոչ ժառանգութիւն ընդ ձեզ։

ԵՐԿՐՈՐԴՈՒՄՆ ՕՐԻՆԱՑ 12:12 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:66

Եւ յաւուրն ութերորդի արձակեաց զժողովուրդսն. եւ օրհնեցին զարքայ եւ գնացին իւրաքանչիւր ի բնակութիւնս իւրեանց, խնդութեամբ եւ սրտիւ զուարթութեամբ ի վերայ ամենայն բարեացն զոր արար Տէր ծառայի իւրում Դաւթի՝ եւ Իսրայելի ժողովրդեան իւրում։

ՄՆԱՑՈՐԴԱՑ ԵՐԿՐՈՐԴ 29:36

Եւ ուրախ եղեւ Եզեկիաս եւ ամենայն ժողովուրդն վասն պատրաստելոյ զսպասն Աստուծոյ՝՝ ժողովրդեանն. քանզի յանկարծակի եղեւ բանն։

ԳԻՐՔ ՆԷԵՄԵԱՅ 8:9

Եւ ասէ Նէեմի՝ որ է Աթարսաթա, եւ Եզրա քահանայ եւ գրիչ, եւ Ղեւտացիքն որ իմացուցանէին ժողովրդեանն. եւ ասեն ամենայն ժողովրդեանն. Օրս այս՝ օր սուրբ է Տեառն Աստուծոյ մերոյ, մի՛ սգայք եւ մի՛ լայք։ Քանզի լային ժողովուրդքն, յորժամ լուան զբանս օրինացն։

ԳԻՐՔ ՍԱՂՄՈՍԱՑ 147:1

Գովեա, Երուսաղէմ, զՏէր. եւ օրհնեա զԱստուած քո, Սիոն։

ՂԵՒՏԱԿԱՆ 23:40

Եւ առնուցուք ձեզ յաւուրն առաջնում պտուղս զգեղեցիկ ծառոց, կողերս յարմաւենեաց, եւ ոստս ի տերեւախիտ ծառոց եւ յուռեաց եւ ոստս հագնեաց՝՝ ի ձերոց, ուրախ լինել առաջի Տեառն զեւթն օր։

ԹԻՒՔ 18:20

Եւ խօսեցաւ Տէր ընդ Ահարոնի եւ ասէ. Յերկրի նոցա մի՛ ժառանգեսցես, եւ բաժին քո ընդ նոսա մի՛ լիցի, զի ես եմ բաժին քո եւ ժառանգութիւն ի մէջ որդւոցն Իսրայելի։

ԹԻՒՔ 18:26

Եւ ընդ Ղեւտացիսն խօսեսցիս եւ ասասցես ցնոսա. Եթէ առնուցուք յորդւոցն Իսրայելի տասանորդս զոր ետու ձեզ, հանիցէք եւ դուք անտի հաս՝՝ Տեառն՝ զտասանորդն ի տասանորդէ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 13:8

Ասէ ցնա Պետրոս. Ոչ լուասցես զոտս իմ յաւիտեան։ Պատասխանի ետ նմա Յիսուս. Եթէ ոչ լուացից զքեզ, ոչ ունիս ընդ իս մասն։

ԳՈՐԾՔ ԱՌԱՔԵԼՈՑ 8:21

Ոչ գոյ քեզ մասն եւ վիճակ ի բանիդ յայդմիկ, քանզի սիրտ քո ոչ է ուղիղ առաջի Աստուծոյ։

ԵՐԿՐՈՐԴՈՒՄՆ ՕՐԻՆԱՑ 10:9

Վասն այնորիկ ոչ գոյ Ղեւտացւոցն բաժին եւ ժառանգութիւն ի մէջ եղբարց իւրեանց, զի Տէր ինքնին է մասն եւ ժառանգութիւն նոցա, որպէս եւ ասաց նոցա։

ԵՐԿՐՈՐԴՈՒՄՆ ՕՐԻՆԱՑ 12:18

այլ առաջի Տեառն Աստուծոյ քո կերիցես զայն, ի տեղւոջն զոր ընտրեսցէ Տէր Աստուած՝ իւր՝՝, դու եւ ուստր քո եւ դուստր քո, ծառայն քո եւ աղախին քո եւ եկն որ ի քաղաքս քո. եւ ուրախ լինիցիս առաջի Տեառն Աստուծոյ քո ի վերայ ամենայնի յոր մխիցես զձեռն քո։

ԵՐԿՐՈՐԴՈՒՄՆ ՕՐԻՆԱՑ 12:19

Զգոյշ լեր անձին քում, գուցէ թողուցուս զՂեւտացին զամենայն ժամանակս քո որչափ եւ կեցցես ի վերայ երկրին։

ԵՐԿՐՈՐԴՈՒՄՆ ՕՐԻՆԱՑ 12:7

եւ կերիջիք առաջի Տեառն Աստուծոյ ձերոյ, եւ ուրախ լինիջիք ի վերայ ամենայնի յոր մխիցէք զձեռս ձեր, դուք եւ տունք ձեր, որպէս եւ օրհնեաց զքեզ Տէր Աստուած քո։

ԵՐԿՐՈՐԴՈՒՄՆ ՕՐԻՆԱՑ 14:29

եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։

ԵՐԿՐՈՐԴՈՒՄՆ ՕՐԻՆԱՑ 16:11

եւ ուրախ լիցիս առաջի Տեառն Աստուծոյ քո դու եւ ուստր քո եւ դուստր քո, ծառայ քո եւ աղախին քո, եւ Ղեւտացին որ ի քաղաքս քո, եւ եկն եւ որբն եւ այրին որ ի ձեզ, ի տեղւոջն զոր ընտրեսցէ Տէր Աստուած անուանել զանուն իւր անդ։

ԵՐԿՐՈՐԴՈՒՄՆ ՕՐԻՆԱՑ 16:14

Եւ ուրախ լիցիս ի տօնի քում դու եւ ուստր քո եւ դուստր քո, ծառայ քո եւ աղախին քո, եւ Ղեւտացին եւ եկն եւ որբն եւ այրին որ իցեն ի քաղաքս քո։

ԵՐԿՐՈՐԴՈՒՄՆ ՕՐԻՆԱՑ 18:6

Ապա թէ եկեսցէ Ղեւտացին ի մի ի քաղաքացն քոց յամենայն որդւոցն Իսրայելի, ուր իցէ ինքն բնակեալ, եւ եկեսցէ ըստ ցանկութեան անձին իւրոյ ի տեղին զոր ընտրեսցէ Տէր,

ԵՐԿՐՈՐԴՈՒՄՆ ՕՐԻՆԱՑ 26:11

եւ ուրախ լիցիս անդ յամենայն բարութիւնսն զոր ետ քեզ Տէր Աստուած քո եւ տան քում, դու եւ Ղեւտացին եւ պանդուխտն որ ի քեզ։

ԵՐԿՐՈՐԴՈՒՄՆ ՕՐԻՆԱՑ 26:12

Եւ եթէ կատարեսցես տասանորդել զամենայն տասանորդս երկրի քո, յամին երկրորդի կրկին տասանորդեսցիս՝՝ Ղեւտացւոյն, եւ եկին եւ որբոյ եւ այրւոյ. եւ կերիցեն ի քաղաքս քո եւ յագեսցին.

ԵՐԿՐՈՐԴՈՒՄՆ ՕՐԻՆԱՑ 27:7

եւ զենցես անդ զենումն փրկութեան Տեառն Աստուծոյ քում, եւ կերիցես եւ յագեսցիս՝՝ անդ, եւ ուրախ լիցիս առաջի Տեառն Աստուծոյ քո.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:14

Բայց ցեղին Ղեւեայ ոչ տուաւ բաժին եւ ժառանգութիւն. զի Տէր Աստուած Իսրայելի է նոցա ժառանգութիւն որպէս ասաց նոցա Տէր։ Եւ այս են բաժինք զոր բաժանեաց Մովսէս որդւոցն Իսրայելի, յՌաբովթ Մովաբ յայնկոյս Յորդանանու յանդիման Երեքոյի։՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 13:33

Եւ ցեղին Ղեւեայ ոչ ետ Մովսէս ժառանգութիւն. զի Տէր Աստուած Իսրայելի ինքնին է ժառանգութիւն նոցա, որպէս խօսեցաւ ընդ նոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 14:4

Զի էին որդիքն Յովսեփու երկու ցեղք, Մանասէ եւ Եփրեմ. եւ ոչ տուաւ բաժին յերկրին Ղեւտացւոցն, այլ՝ քաղաքք բնակելոյ, եւ զատուցեալս ըստ նոցին՝ խաշանց նոցա։