ԵՐԿՐՈՐԴՈՒՄՆ ՕՐԻՆԱՑ 11:17 - Գրաբար Աստվածաշունչ (1895)

¹⁷ եւ սրտմտեալ բարկանայցէ Տէր ի վերայ ձեր, եւ արգելուցու զերկինս եւ ոչ լինիցի անձրեւ, եւ երկիր ոչ տացէ զպտուղ իւր, եւ կորնչիցիք արագ արագ յերկրէն բարութեան զոր ետ ձեզ Տէր։

ԵՐԿՐՈՐԴՈՒՄՆ ՕՐԻՆԱՑ 11:17 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 17:1

Եւ ասէ Եղիա մարգարէ ի Թեզբեայ Գաղաադու ցԱքաաբ. Կենդանի է Տէր Աստուած զօրութեանց՝՝, Աստուած Իսրայելի, որոյ կացի առաջի նորա, եթէ եղիցի յամսս յայսոսիկ ցօղ կամ անձրեւ, բայց եթէ բանիւ բերանոյ իմոյ։

ԹԱԳԱՒՈՐՈՒԹԵԱՆՑ ԵՐՐՈՐԴ 8:35

Եւ յարգելուլ երկնից եւ ի չլինել անձրեւի, զի մեղուցեալ իցեն քեզ, եւ յաղօթս կացցեն ի տեղւոջս յայսմիկ, եւ խոստովան լինիցին անուան քում, եւ ի մեղաց իւրեանց դառնայցեն, յորժամ նկուն առնիցես զնոսա,

ՄՆԱՑՈՐԴԱՑ ԵՐԿՐՈՐԴ 6:26

Յարգելուլ քո զերկինս ոչ լինել անձրեւ՝ թէ մեղիցեն քեզ, եւ յաղօթս կացցեն ի տեղւոջս յայսմ, եւ օրհնեսցեն զանուն քո, եւ ի մեղացն իւրեանց դարձցին, վասն զի նկուն արասցես զնոսա,

ՄՆԱՑՈՐԴԱՑ ԵՐԿՐՈՐԴ 7:13

Եթէ արգելից զերկինս եւ ոչ լինիցի անձրեւ, եւ եթէ պատուիրեցից մարախոյ ուտել զփայտ, եւ եթէ առաքեցից մահ ի ժողովուրդ իմ,

ԳԻՐՔ ՅՈԲԱՅ 12:15

Եթէ արգելցէ զջուրս՝ ցամաքեցուցանէ զերկիր, եւ եթէ թոյլ տացէ՝ կորոյս զնա կործանեալ։

ՂԵՒՏԱԿԱՆ 26:19

Եւ խորտակեցից զհպարտութիւն ամբարտաւանութեանց ձերոց. եւ արարից ձեզ զերկինս երկաթի եւ զերկիր ձեր իբրեւ պղնձի։

ՂԵՒՏԱԿԱՆ 26:20

Եւ եղիցի ընդունայն զօրութիւն ձեր. եւ մի՛ տացէ երկիր ձեր զսերմանիս իւր, եւ մի՛ ծառ վայրաց տացէ զպտուղ իւր։

ՄԱՐԳԱՐԷՈՒԹԻՒՆ ԱՄՈՎՍԱՅ 4:7

Եւ արգելի ի ձէնջ զանձրեւ երիւք ամսովք յառաջ քան զկութս. ի մի քաղաք տեղացի, եւ ի միւս քաղաք ոչ տեղացի. մի վիճակ թացից, եւ ի միւսն յորում ոչ տեղացից ցամաքեսցի։

ԵՐԿՐՈՐԴՈՒՄՆ ՕՐԻՆԱՑ 31:20

Քանզի տարայց զդոսա յերկիրն բարի զոր երդուայ հարց նոցա. երկիր՝ որ բղխէ զկաթն եւ զմեղր, եւ կերիցեն եւ լցեալ յագեսցին. եւ դառնայցեն յաստուածս օտարոտիս եւ պաշտիցեն զնոսա, եւ զայրացուցանիցեն զիս, եւ ցրիցեն զուխտն իմ զոր ուխտեցի նոցա։

ԵՐԿՐՈՐԴՈՒՄՆ ՕՐԻՆԱՑ 4:26

ունիմ ձեզ վկայս այսօր զերկինս եւ զերկիր, զի կորստեամբ կորնչիցիք յերկրէն յոր դուք անցանէք ընդ Յորդանան ժառանգել զնա. եւ ոչ բազմացուցանիցէք զժամանակս աւուրց ի վերայ նորա, այլ սատակելով սատակեսջիք։

ԵՐԿՐՈՐԴՈՒՄՆ ՕՐԻՆԱՑ 6:15

զի Աստուած նախանձոտ, Տէր Աստուած քո ի միջի քում. գուցէ բարկացեալ սրտմտիցի Տէր Աստուած քո սատակել զքեզ յերեսաց երկրէ։

ԵՐԿՐՈՐԴՈՒՄՆ ՕՐԻՆԱՑ 9:19

եւ զահի հարեալ եմ վասն բարկութեանն եւ սրտմտութեանն, զի բարկացաւ Տէր ի վերայ ձեր սատակել զձեզ. եւ լուաւ ինձ Տէր ի ժամանակին յայնմիկ։