Եւ եղեն ի հանդիսէն իւրեանց քսան եւ երեք հազարք, ամենայն արու յամսօրէից եւ ի վեր. քանզի ոչ անցին ի հանդիսի ի մէջ որդւոցն Իսրայելի, զի ոչ էր նոցա տուեալ վիճակ ի մէջ որդւոցն Իսրայելի։
եւ ուրախ լինիջիք առաջի Տեառն Աստուծոյ մերոյ, դուք եւ ուստերք ձեր եւ դստերք ձեր եւ ծառայք ձեր եւ աղախնայք ձեր, եւ Ղեւտացին որ ի դրունս ձեր, զի ոչ գոյ նորա բաժին եւ ոչ ժառանգութիւն ընդ ձեզ։
եւ եկեսցէ Ղեւտացին, քանզի ոչ գոյ նորա բաժին եւ ժառանգութիւն ընդ քեզ, եւ եկն եւ որբ եւ այրի ի քաղաքս քո, կերիցեն եւ յագեսցին. զի օրհնեսցէ զքեզ Տէր Աստուած քո յամենայն գործս քո զոր առնիցես։