ԵՐԿՐՈՐԴՈՒՄՆ ՕՐԻՆԱՑ 10:3 - Գրաբար Աստվածաշունչ (1895)

³ Եւ արարի տապանակ յանփուտ փայտից, եւ կոփեցի երկուս տախտակս քարեղէնս իբրեւ զառաջինսն, եւ ելի ի լեառնն, եւ երկու տախտակքն յերկոսին ի ձեռս իմում։

ԵՐԿՐՈՐԴՈՒՄՆ ՕՐԻՆԱՑ 10:3 ပူးပေါင်းရင်းမြစ်များ

ԵԼՔ 25:10

Արասցես տապանակ վկայութեան յանփուտ փայտից. յերկուց կանգնոց եւ ի կիսոյ զերկայնութիւն նորա, եւ ի կանգնոյ եւ ի կիսոյ զլայնութիւն նորա, եւ ի կանգնոյ եւ ի կիսոյ զբարձրութիւն նորա։

ԵԼՔ 25:5

եւ մորթս խոյոց կարմիր ներկեալ, եւ մորթս կապուտակեալս, եւ փայտս անփուտս,

ԵԼՔ 34:4

Եւ կոփեաց երկուս տախտակս քարեղէնս ըստ օրինակի առաջնոցն. եւ կանխեալ Մովսիսի ընդ առաւօտն՝ ել ի լեառնն Սինա, որպէս հրամայեաց նմա Տէր, եւ ա՛ռ Մովսէս ընդ իւր զերկուս տախտակսն քարեղէնս։

ԵԼՔ 38:6

Եւ արար զլծակսն յանփուտ փայտից, եւ պատեաց զնոսա պղնձով։

ԵՐԿՐՈՐԴՈՒՄՆ ՕՐԻՆԱՑ 10:1

Ի ժամանակին յայնմիկ ասաց ցիս Տէր. Կոփեա դու քեզ երկուս տախտակս քարեղէնս իբրեւ զառաջինսն, եւ ել ի լեառնն. եւ արասցես դու քեզ տապանակ փայտեղէն.

ԱՌ ԵԲՐԱՅԵՑԻՍ ԹՈՒՂԹ 9:4

յորում կայր բուրվառն ոսկի, եւ արկղն կտակարանաց պատեալ ներքոյ եւ արտաքոյ ոսկւով, յորում սափորն ոսկի լի մանանայիւ, եւ գաւազանն Ահարոնի որ ծաղկեցաւ, եւ տախտակք կտակարանացն.