ԵՐԿՐՈՐԴՈՒՄՆ ՕՐԻՆԱՑ 10:16 - Գրաբար Աստվածաշունչ (1895)

¹⁶ Եւ թլփատեցէք զխստասրտութիւն ձեր՝՝, եւ զպարանոցս ձեր մի՛ եւս խստացուցանէք.

ԵՐԿՐՈՐԴՈՒՄՆ ՕՐԻՆԱՑ 10:16 ပူးပေါင်းရင်းမြစ်များ

ԾՆՈՒՆԴՔ 17:11

Թլփատեսցի ձեր ամենայն արու, եւ թլփատեսջիք զմարմին անթլփատութեան ձերոյ. եւ եղիցի նշանակ ուխտին ընդ իս եւ ընդ ձեզ։

ՄՆԱՑՈՐԴԱՑ ԵՐԿՐՈՐԴ 30:8

Եւ արդ մի՛ խստացուցանէք զպարանոցս ձեր. տուք փառս Աստուծոյ՝՝, եւ մտէք ի սրբութիւնս նորա զոր սրբեաց յաւիտեան, եւ ծառայեցէք Տեառն Աստուծոյ ձերում, եւ դարձուսցէ ի ձէնջ զբարկութիւն սրտմտութեան իւրոյ։

ՄԱՐԳԱՐԷՈՒԹԻՒՆ ԵՐԵՄԵԱՅ 4:14

Լուա ի չարեաց զսիրտ քո, Երուսաղէմ, զի ապրեսցիս. մինչեւ ցե՞րբ գտանիցին ի քեզ խորհուրդք ցաւոց քոց՝՝։

ՄԱՐԳԱՐԷՈՒԹԻՒՆ ԵՐԵՄԵԱՅ 4:4

Թլփատեցարուք Աստուծոյ ձերում՝՝, եւ թլփատեցէք զանթլփատութիւն սրտից ձերոց, արք Յուդայ եւ բնակիչք Երուսաղեմի. գուցէ ելանիցէ իբրեւ զհուր սրտմտութիւն իմ, բորբոքեսցի, եւ ոչ ոք իցէ որ շիջուցանիցէ յերեսաց չար գործոց ձերոց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:7

մուծանել ձեզ զորդիս այլազգիս՝ անթլփատս սրտիւ եւ անթլփատս մարմնով՝ լինել ի սրբութիւնս իմ, եւ պղծել զնոսա, ի մատուցանել ձեզ զհացդ իմ ճարպով եւ արեամբ, եւ անցանէք զուխտիւ իմով ամենայն անօրէնութեամբք ձերովք։

ՂԵՒՏԱԿԱՆ 26:41

եւ ես գնացից ընդ նոսա բարկութեամբ խոտորնակս, եւ կորուսից զնոսա յերկրի՝՝ թշնամեաց իւրեանց, յայնժամ ամաչեսցէ սիրտ նոցա անթլփատ, եւ յայնժամ հաճեսցին ընդ մեղս իւրեանց,

ԵՐԿՐՈՐԴՈՒՄՆ ՕՐԻՆԱՑ 30:6

եւ պարուրեսցէ Տէր զսիրտ քո եւ զսիրտ զաւակի քո, սիրել զՏէր Աստուած քո յամենայն սրտէ քումմէ եւ յամենայն անձն քումմէ, զի կեցցես դու եւ զաւակ քո՝՝։

ԵՐԿՐՈՐԴՈՒՄՆ ՕՐԻՆԱՑ 31:27

զի ես գիտեմ զհեստութիւն քո եւ զխիստ պարանոց քո. զի մինչդեռ ես ընդ ձեզ կենդանի եմ այսօր, դառնացուցիչք էք Աստուածակողմանն, ո՞րպէս ոչ ապաքէն եւ յետ մահուան իմոյ։

ԵՐԿՐՈՐԴՈՒՄՆ ՕՐԻՆԱՑ 9:13

Եւ ասէ ցիս Տէր. Խօսեցայ ընդ քեզ մի անգամ եւ երկիցս եւ ասեմ՝՝. Տեսի զժողովուրդդ զայդ, եւ ահա ժողովուրդ խստապարանոց է.

ԵՐԿՐՈՐԴՈՒՄՆ ՕՐԻՆԱՑ 9:6

Եւ ծանիցես այսօր զի ոչ վասն արդարութեան քո Տէր Աստուած քո տացէ քեզ զերկիրն բարի ժառանգել. զի ժողովուրդ խստապարանոց ես։

ԱՌ ԿՈՂՈՍԱՑԻՍ ԹՈՒՂԹ 2:11

որով թլփատեցարուք հաւատովք զանձեռագործ թլփատութիւնն՝ ի մերկանալ զանդամս մարմնոյ թլփատութեամբն Քրիստոսի.