ԵՐԿՐՈՐԴՈՒՄՆ ՕՐԻՆԱՑ 1:8 - Գրաբար Աստվածաշունչ (1895)

⁸ Տեսէք զի ահա մատնեցի առաջի ձեր զերկիրն, մտէք ժառանգեցէք զերկիրն զոր երդուայ ես հարցն ձերոց, Աբրահամու եւ Իսահակայ եւ Յակոբայ, տալ նոցա եւ զաւակի նոցա յետ նոցա զերկիրն որ բղխէ զկաթն եւ զմեղր՝՝։

ԵՐԿՐՈՐԴՈՒՄՆ ՕՐԻՆԱՑ 1:8 ပူးပေါင်းရင်းမြစ်များ

ԾՆՈՒՆԴՔ 12:7

Եւ երեւեցաւ Տէր Աբրամու, եւ ասէ ցնա. Զաւակի քում տաց զերկիրս զայս։ Եւ շինեաց անդ Աբրամ սեղան Տեառն որ երեւեցաւ նմա։

ԾՆՈՒՆԴՔ 15:16

Եւ ի չորրորդում ազգի դարձցին այսրէն. քանզի չեւ եւս լցեալ է մեղք Ամովրհացւոցն մինչեւ ցայժմ։

ԾՆՈՒՆԴՔ 15:18

Յաւուր յայնմիկ եդ Տէր ուխտ ընդ Աբրամու, եւ ասէ. Զաւակի քում տաց զերկիրդ զայդ, ի գետոյն Եգիպտացւոց մինչեւ ի գետն մեծ Եփրատ,

ԳԻՐՔ ՆԷԵՄԵԱՅ 9:15

Եւ զհաց երկնից ետուր նոցա ի կերակուր, եւ զջուր բղխեցուցեր ի վիմէ եւ արբուցեր նոցա. եւ բացեր նոցա մտանել ժառանգել զերկիրն յոր համբարձեր զձեռն քո տալ նոցա։

ԵԼՔ 23:31

Եւ եդից զսահմանս քո ի Կարմիր ծովէ մինչեւ ի ծովն Փղշտացւոց, եւ յանապատէն մինչեւ ի գետն մեծ Եփրատ. եւ մատնեցից ի ձեռս ձեր զբնակիչս երկրին, եւ մերժեցից զնոսա ի քէն։

ԵԼՔ 33:1

Եւ ասէ Տէր ցՄովսէս. Երթ ել աստի, դու եւ ժողովուրդն քո զոր հաներ յերկրէն Եգիպտացւոց, յերկիրն զոր երդուայ Աբրահամու, Իսահակայ եւ Յակոբայ, ասեմ. Զաւակի ձերում տաց զնա։

ՄԱՐԳԱՐԷՈՒԹԻՒՆ ԵՐԵՄԵԱՅ 32:22

Եւ ետուր նոցա զերկիրս զայս զոր երդուար հարցն նոցա՝ տալ նոցա զերկիր որ բղխէ զկաթն եւ զմեղր.

ՄԱՐԳԱՐԷՈՒԹԻՒՆ ԵԶԵԿԻԵԼԻ 47:14

եւ ժառանգեսցեն զնա իւրաքանչիւր ոք՝ որպէս եւ եղբայրն իւր, յոր ամբարձի զձեռն իմ տալ հարցն նոցա. եւ անկցի երկիրն այն ձեզ ի վիճակ ժառանգութեան։

ԹԻՒՔ 14:23

թէ տեսանիցեն զերկիրն զոր երդուայ հարցն նոցա. այլ որդիք նոցա որ են աստ ընդ իս, որ ոչ գիտեն զչար կամ զբարի, ամենայն մանուկ տխմար, նոցա տաց զերկիրն.՝՝ եւ ամենեքին որ բարկացուցին զիս՝ ոչ տեսցեն զնա.

ԹԻՒՔ 32:11

Մի՛ տեսցեն արք որ ելին յԵգիպտոսէ, ի քսանամենից եւ ի վեր, որ գիտիցեն զչար եւ զբարի,՝՝ զերկիրն զոր երդուայ տալ Աբրահամու եւ Իսահակայ եւ Յակոբայ, զի ոչ եկին զհետ իմ.

ԵՐԿՐՈՐԴՈՒՄՆ ՕՐԻՆԱՑ 1:11

Տէր Աստուած հարցն մերոց յաւելցէ ի ձեզ եւս քան որչափ էքդ հազարապատիկ, եւ օրհնեսցէ զձեզ որպէս եւ խօսեցաւ ընդ ձեզ։

ԵՐԿՐՈՐԴՈՒՄՆ ՕՐԻՆԱՑ 1:35

Թէ տեսանիցէ ոք յարանցդ յայդցանէ զերկիրն բարի զոր երդուայ տալ հարցն նոցա.

ԵՐԿՐՈՐԴՈՒՄՆ ՕՐԻՆԱՑ 10:11

Եւ ասէ ցիս Տէր. Գնա չուեա առաջի ժողովրդեանդ այդորիկ, եւ մտցեն եւ ժառանգեսցեն զերկիրն զոր երդուայ հարցն դոցա տալ դոցա։

ԵՐԿՐՈՐԴՈՒՄՆ ՕՐԻՆԱՑ 11:24

Ամենայն տեղի ուր կոխիցեն գնացք ոտից ձերոց՝ ձեզ լիցի. յանապատէ անտի մինչեւ ցԱներն Լիբանանու, եւ ի գետոյն մեծէ, գետոյն՝՝ Եփրատայ մինչեւ ցծովն արեւմտից եղիցին սահմանք ձեր։

ԵՐԿՐՈՐԴՈՒՄՆ ՕՐԻՆԱՑ 11:9

զի երկայնօրեայք լինիցիք ի վերայ երկրին զոր երդուաւ Տէր հարցն ձերոց տալ նոցա եւ զաւակի նոցա յետ նոցա՝՝, երկիր՝ որ բղխէ զկաթն եւ զմեղր։

ԵՐԿՐՈՐԴՈՒՄՆ ՕՐԻՆԱՑ 2:29

որպէս արարին ինձ որդիքն Եսաւայ բնակեալքն ի Սէիր, եւ Մովաբացիքն բնակեալք յԱրոյէր, մինչեւ անցից ընդ Յորդանան յերկիրն զոր Տէր Աստուած տացէ մեզ։

ԵՐԿՐՈՐԴՈՒՄՆ ՕՐԻՆԱՑ 26:15

Արդ հայեաց ի սրբոյ բնակութենէ քումմէ յերկնից, եւ օրհնեա զժողովուրդ քո զԻսրայէլ, եւ զերկիրն զոր ետուր նոցա. որպէս երդուար հարցն մերոց, տալ մեզ զերկիր որ բղխէ զկաթն եւ զմեղր։

ԵՐԿՐՈՐԴՈՒՄՆ ՕՐԻՆԱՑ 26:3

եւ երթիցես առ քահանայն որ կայցէ յաւուրսն յայնոսիկ, եւ ասասցես ցնա. Գոհանամ այսօր զՏեառնէ Աստուծոյ իմմէ, զի մտի յերկիրն զոր երդուաւ Տէր հարցն մերոց տալ մեզ։

ԵՐԿՐՈՐԴՈՒՄՆ ՕՐԻՆԱՑ 28:11

Եւ բազմացուսցէ զքեզ Տէր Աստուած քո՝՝ ի բարութիւնս ծննդեամբք որովայնի քո եւ արդեամբք երկրի քո եւ ծննդեամբք խաշանց քոց ի վերայ երկրին զոր երդուաւ Տէր հարցն քոց տալ քեզ, ըստ աւուրց երկնից ի վերայ երկրի։՝՝

ԵՐԿՐՈՐԴՈՒՄՆ ՕՐԻՆԱՑ 29:12

յանցանել քո զուխտիւ Տեառն Աստուծոյ քո, եւ զնզովիւք նորա զոր Տէր Աստուած քո ուխտէ քեզ այսօր,

ԵՐԿՐՈՐԴՈՒՄՆ ՕՐԻՆԱՑ 30:20

սիրել զՏէր Աստուած քո եւ լսել ձայնի նորա եւ ունել զնմանէ, զի այն են կեանք քո եւ երկայնութիւն աւուրց քոց, բնակել յերկրին զոր երդուաւ Տէր հարցն քոց Աբրահամու եւ Իսահակայ եւ Յակոբա՝ տալ նոցա։

ԵՐԿՐՈՐԴՈՒՄՆ ՕՐԻՆԱՑ 31:7

Եւ կոչեաց Մովսէս զՅեսու եւ ասէ ցնա առաջի ամենայն Իսրայելի. Քաջ լեր եւ զօրացիր. քանզի դու մտանելոց ես առաջի երեսաց ժողովրդեանդ այդորիկ յերկիրն զոր երդուաւ Տէր հարցն ձերոց տալ նոցա, եւ դու ժառանգեցուսցես զնոսա։

ԵՐԿՐՈՐԴՈՒՄՆ ՕՐԻՆԱՑ 34:4

Եւ ասէ Տէր ցՄովսէս. Այս է երկիրն զոր երդուայ Աբրահամու եւ Իսահակայ եւ Յակոբայ եւ ասեմ. Զաւակի քում տաց զդա. ցուցի աչաց քոց, եւ անդր մի՛ մտանիցես։

ԵՐԿՐՈՐԴՈՒՄՆ ՕՐԻՆԱՑ 4:1

Եւ այժմ, Իսրայէլ, լուր իրաւանց եւ դատաստանաց զոր ես ուսուցանեմ քեզ այսօր առնել. զի կեցջիք, եւ մտանիցէք ժառանգիցէք զերկիրն զոր Տէր Աստուած մեր տացէ ձեզ։

ԵՐԿՐՈՐԴՈՒՄՆ ՕՐԻՆԱՑ 6:10

Եւ եղիցի յորժամ տանիցի զքեզ Տէր Աստուած քո յերկիրն զոր երդուաւ Տէր հարցն քոց Աբրահամու եւ Իսահակայ եւ Յակոբայ՝ տալ քեզ քաղաքս մեծամեծս եւ գեղեցիկս զոր ոչ շինեցեր,

ԵՐԿՐՈՐԴՈՒՄՆ ՕՐԻՆԱՑ 7:12

Եւ եղիցի յորժամ լուիցէք զամենայն իրաւունս զայսոսիկ եւ պահիցէք եւ առնիցէք զսոսա, պահեսցէ քեզ Տէր Աստուած քո զուխտն եւ զողորմութիւն որպէս երդուաւ հարցն մերոց,

ԵՐԿՐՈՐԴՈՒՄՆ ՕՐԻՆԱՑ 7:13

եւ սիրեսցէ զքեզ եւ օրհնեսցէ զքեզ. եւ բազմացուսցէ զքեզ. եւ օրհնեսցէ զծնունդս որովայնի քո եւ զպտուղ երկրի քո, զցորեան քո եւ զգինի քո եւ զեւղ քո, զանդեայս արջառոց քոց եւ զհօտս ոչխարաց քոց յերկրին զոր երդուաւ Տէր հարցն քոց տալ զնա քեզ։

ԵՐԿՐՈՐԴՈՒՄՆ ՕՐԻՆԱՑ 7:8

այլ վասն սիրելոյ զձեզ Տեառն եւ պահելոյ զերդումնն զոր երդուաւ հարցն ձերոց՝ եհան զձեզ Տէր հզօր ձեռամբ եւ բարձր բազկաւ՝՝, եւ փրկեաց զձեզ ի տանէ ծառայութեան, ի ձեռաց փարաւոնի արքային Եգիպտացւոց։

ԵՐԿՐՈՐԴՈՒՄՆ ՕՐԻՆԱՑ 8:1

Ամենայն պատուիրանաց զոր ես պատուիրեմ ձեզ այսօր, զգոյշ լինիջիք առնելոյ, զի կեցջիք եւ բազմապատիկք լինիցիք, եւ մտանիցէք ժառանգիցէք զերկիրն զոր երդուաւ Տէր հարցն մերոց։

ԵՐԿՐՈՐԴՈՒՄՆ ՕՐԻՆԱՑ 9:5

Քանզի ոչ վասն արդարութեան քո եւ ոչ վասն անբծութեան սրտի քո մտանես ժառանգել զերկիր նոցա, այլ վասն անօրէնութեան ազգացն այնոցիկ Տէր Աստուած քո սատակեսցէ զնոսա յերեսաց քոց, եւ զի հաստատեսցէ զուխտն զոր երդուաւ Տէր հարցն մերոց Աբրահամու եւ Իսահակայ եւ Յակոբայ։

ԱՌ ԵԲՐԱՅԵՑԻՍ ԹՈՒՂԹ 6:13

Զի Աբրահամու խոստացեալ զաւետիսն՝ Աստուծոյ, քանզի յայլ ոք ի մեծ ոչ գոյր երդնուլ,

ԱՌ ԵԲՐԱՅԵՑԻՍ ԹՈՒՂԹ 6:14

յանձն իւր երդուաւ եւ ասէ. Այո, օրհնելով օրհնեցից զքեզ, եւ բազմացուցանելով բազմացուցից զքեզ։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 1:6

Զօրացիր եւ քաջ լեր. զի դու բաժանեսցես ժողովրդեանդ այդմիկ զերկիրն զոր երդուայ հարցն քոց տալ դոցա։

ԴԱՏԱՒՈՐՔ 2:1

Եւ ել հրեշտակ Տեառն ի Գաղգաղայ ի Լալետղն, եւ ի Բեթէլ եւ ի տունն Իսրայելի, եւ ասէ ցնոսա. Այսպէս ասէ Տէր. Տէր եհան՝՝ զձեզ յԵգիպտոսէ, եւ ած զձեզ յերկիրդ՝ յոր երդուաւ հարցն ձերոց տալ ձեզ, եւ ասէ ցձեզ. Ոչ՝՝ ցրեցից զուխտն իմ որ ընդ ձեզ յաւիտեան։