ԵՐԿՐՈՐԴՈՒՄՆ ՕՐԻՆԱՑ 1:1 - Գրաբար Աստվածաշունչ (1895)

¹ Այս են պատգամք զոր խօսեցաւ Մովսէս ընդ ամենայն Իսրայելի յայնկոյս Յորդանանու յանապատին յարեւմուտս՝ մերձ ի ծովն Կարմիր, ի մէջ Փառանտիփողայ, եւ Ղոբանայ, եւ Հանգրուանացն եւ Ոսկեկայ՝՝։

ԵՐԿՐՈՐԴՈՒՄՆ ՕՐԻՆԱՑ 1:1 ပူးပေါင်းရင်းမြစ်များ

ԾՆՈՒՆԴՔ 21:21

Եւ բնակէր յանապատին Փառանու, եւ ա՛ռ նմա մայր նորա կին յերկրէն Եգիպտացւոց։

ԹԱԳԱՒՈՐՈՒԹԵԱՆՑ ԵՐՐՈՐԴ 11:18

Եւ յարեան արքն ի քաղաքէ անտի Մադիամու՝՝ եւ եկին ի Փարան, եւ առին ընդ իւրեանս արս ի Փարանէ եւ եկին յԵգիպտոս առ փարաւոն արքայ Եգիպտացւոց, եւ եմուտ Ադեր առ փարաւոն.՝՝ եւ ետ նմա տուն եւ կարգեաց նմա հաց, եւ ետ նմա գետին։

ՄԱՐԳԱՐԷՈՒԹԻՒՆ ԱՄԲԱԿՈՒՄԱՅ 3:3

Աստուած ի Թեմանայ եկեսցէ, եւ Սուրբն ի հովանաւոր եւ յանտառախիտ լեռնէ՝՝։ Հանգիստ։ Ծածկեցին զերկինս փառք նորա, օրհնութեամբ նորա լի եղեւ երկիր։

ԹԻՒՔ 10:12

Եւ չուեցին որդիքն Իսրայելի հանդերձ աղխիւքն՝՝ իւրեանց յանապատէն Սինայի. եւ եկաց ամպն յանապատին Փառանու։

ԹԻՒՔ 11:35

Եւ ի Գերեզմանացն ցանկութեան չուեաց ժողովուրդն յԱսերովթ։

ԹԻՒՔ 13:26

Եւ դարձան անդրէն որդիքն Իսրայելի՝՝ լրտեսեալ զերկիրն յետ աւուրց քառասնից.

ԹԻՒՔ 13:3

Առաքեա արս եւ լրտեսեսցեն զերկիրն Քանանացւոց, զոր ես տաց որդւոցն Իսրայելի ի կալուածս. այր մի ըստ ցեղի, ըստ տանց նահապետաց իւրեանց առաքեսցես զնոսա՝ զամենայն գլխաւորս ի նոցանէ։

ԹԻՒՔ 32:19

Եւ ոչ եւս ժառանգեսցուք ի մէջ նոցա յանցիցն Յորդանանու եւ անդր. զի ունիմք զվիճակս մեր յայսկոյս Յորդանանու յարեւելից։

ԹԻՒՔ 32:32

Մեք անցցուք վառեալք առաջի Տեառն յերկիրն Քանանացւոց, եւ տաջիք մեզ կալուածս յայսկոյս Յորդանանու։

ԹԻՒՔ 32:5

Եւ ասեն. Եթէ գտաք շնորհս առաջի քո, տացի երկիրն այն ծառայից քոց ի կալուած, եւ մի՛ անցուցաներ զմեզ ընդ Յորդանան։

ԹԻՒՔ 33:20

Չուեցին յՌեմոնփարեսայ, եւ բանակեցան ի Ղեբոնա։

ԹԻՒՔ 33:21

Չուեցին ի Ղեբոնայ, եւ բանակեցան յՌեսսա։

ԹԻՒՔ 34:15

յայնկոյս Յորդանանու յանդիման Երիքովի ի հարաւոյ ընդ կողմն արեւելից։

ԹԻՒՔ 35:14

Երիս քաղաքս տաջիք յայնկոյս Յորդանանու, եւ երիս քաղաքս տաջիք յերկրին Քանանացւոց, եւ եղիցի այն ապաւինութիւն

ԵՐԿՐՈՐԴՈՒՄՆ ՕՐԻՆԱՑ 2:8

Եւ անցաք առ եղբարբք մերովք որդւովքն Եսաւայ բնակելովքն ի Սէիր, առ ճանապարհաւն Արաբացւոց յԵդովմայ՝՝, եւ ի Գասիոնգաբերայ. եւ դարձեալ անցաք ընդ ճանապարհ անապատին Մովաբու։

ԵՐԿՐՈՐԴՈՒՄՆ ՕՐԻՆԱՑ 27:1

Եւ պատուիրեաց Մովսէս եւ ծերակոյտն Իսրայելի եւ ասեն. Պահեցէք զամենայն պատուիրանս զոր ես պատուիրեմ ձեզ այսօր։

ԵՐԿՐՈՐԴՈՒՄՆ ՕՐԻՆԱՑ 29:1

Այս բանք են ուխտին զոր պատուիրեաց Տէր Մովսիսի, հաստատել որդւոցն Իսրայելի յերկրին Մովաբու, թող զայն ուխտ զոր ուխտեաց նոցա ի Քորեբ։

ԵՐԿՐՈՐԴՈՒՄՆ ՕՐԻՆԱՑ 31:1

Եւ կատարեաց Մովսէս խօսել զամենայն՝՝ զբանս զայսոսիկ առ ամենայն որդիսն Իսրայելի,

ԵՐԿՐՈՐԴՈՒՄՆ ՕՐԻՆԱՑ 33:2

եւ ասէ. Տէր ի Սինայէ եկեսցէ, եւ երեւեցաւ մեզ ի Սէիրայ, եւ փութացաւ ի լեռնէն Փառանու, բիւրաւորօքն ի Կադեսա՝՝, յաջմէ նորա հրեշտակք իւր ընդ իւր։

ԵՐԿՐՈՐԴՈՒՄՆ ՕՐԻՆԱՑ 4:46

յայնկոյս Յորդանանու, ի ձորն որ է մերձ ի տունն Փոգովրա՝՝, յերկրին Սեհոնի արքայի Ամովրհացւոց որ բնակեալ էր յԵսեբոն, զորս եհար Մովսէս եւ որդիքն Իսրայելի յելանել իւրեանց յերկրէն Եգիպտացւոց։

ԵՐԿՐՈՐԴՈՒՄՆ ՕՐԻՆԱՑ 5:1

Եւ կոչեաց Մովսէս զամենայն Իսրայէլ եւ ասէ ցնոսա. Լուր, Իսրայէլ, զիրաւունս եւ զդատաստանս զոր ես խօսիմ յականջս ձեր յաւուր յայսմիկ, եւ ուսջիք զնոսա եւ զգոյշ լիջիք առնել զնոսա։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:4

Եւ արդ հանգոյց Տէր Աստուած մեր զեղբարս ձեր, որպէս եւ ասաց նոցա. բայց արդ դարձեալ երթայք ի տունս ձեր յերկիր կալուածոց ձերոց, զոր ետ ձեզ Մովսէս ծառայ Տեառն յայնկոյս Յորդանանու։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 22:7

Եւ կիսոյ ցեղին Մանասէի ետ Մովսէս ի Բասանաստան, եւ կիսոյն ետ Յեսու ընդ եղբարս նոցա առ ծովեզերբն՝՝։ Եւ յորժամ արձակեաց զնոսա Յեսու ի տունս իւրեանց, եւ օրհնեաց զնոսա.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 3:16

եւ կացին ջուրքն որ իջանէին ի վերուստ՝ միաձոյլք, անջրպետեալք, հեռացեալք յոյժ յոյժ. յԱդամիտէս քաղաքէ որ է մասն Կարիաթարիմայ՝՝. եւ որ իջանէինն՝ իջին ի ծովն Արաբացւոց, ի ծովն Աղի, մինչեւ ի սպառ նուազելոյ. եւ ժողովուրդն կայր յանդիման Երիքովի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:1

Իբրեւ լուան ամենայն թագաւորքն Ամովրհացւոց որ յայնկոյս Յորդանանու՝ որ լեռնայինք եւ որ դաշտայինք, եւ որ յամենայն ծովեզեր ծովուն մեծի եւ որք առ Լիբանաներբն, եւ Քետացիքն եւ Ամովրհացիք եւ Գերգեսացիք եւ՝՝ Քանանացիք եւ Փերեզացիք եւ Խեւացիք եւ Յեբուսացիք,

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 9:10

եւ զոր ինչ արար ընդ երկուս թագաւորսն Ամովրհացւոց որ էին յայնկոյս Յորդանանու, ընդ Սեհոն թագաւորն Եսեբոնի, եւ ընդ Ովգ թագաւորն Բասանու՝ որ բնակեալ էր յԱստարովթ եւ յԵդրային՝՝.

ԹԱԳԱՒՈՐՈՒԹԵԱՆՑ ԱՌԱՋԻՆ 25:1

Եւ մեռաւ Սամուէլ, եւ ժողովեցան ամենայն Իսրայէլ եւ կոծեցան զնա, եւ թաղեցին զնա ի տան իւրում յԱրիմաթեմ։ Եւ յարեաւ Դաւիթ եւ էջ յանապատն Մաոնայ։