ԱՌ ԿՈՂՈՍԱՑԻՍ ԹՈՒՂԹ 3:19 - Գրաբար Աստվածաշունչ (1895)

¹⁹ Արք, սիրեցէք զկանայս ձեր, եւ մի՛ դառնացուցանէք զնոսա՝՝։

ԱՌ ԿՈՂՈՍԱՑԻՍ ԹՈՒՂԹ 3:19 ပူးပေါင်းရင်းမြစ်များ

ԾՆՈՒՆԴՔ 24:67

Եւ եմուտ Իսահակ ի տուն Սառայի մօր իւրոյ, եւ առ զՌեբեկա եւ եղեւ նորա կին. եւ սիրեաց զնա, եւ մխիթարեցաւ Իսահակ վասն Սառայի մօր իւրոյ։

ԺՈՂՈՎՕՂ 9:9

Եւ տես կեանս ընդ կնոջ քո՝ զոր սիրեցեր զամենայն աւուրս կենաց ընդունայնութեան քո, որ տուեալ է քեզ ընդ արեգակամբ մինչեւ յաւուրս վախճանի՝՝ քո. զի այն է բաժին քո ի կեանս քո, եւ ի վաստակս զոր վաստակես ի ներքոյ արեգական։

ԱՒԵՏԱՐԱՆ ԸՍՏ ՂՈՒԿԱՍՈՒ 14:26

Եթէ ոք գայ առ իս, եւ ոչ ատեայ զհայր իւր եւ զմայր եւ զկին եւ զորդիս եւ զեղբարս եւ զքորս, նա՝ եւ զանձն եւս իւր, ոչ կարէ իմ աշակերտ լինել։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 3:14

որոց բերանք անիծիւք եւ դառնութեամբ լի են։

ԱՌ ԵՓԵՍԱՑԻՍ ԹՈՒՂԹ 4:31

Ամենայն դառնութիւն եւ բարկութիւն եւ սրտմտութիւն եւ աղաղակ եւ հայհոյութիւն բարձցի ի ձէնջ ամենայն չարութեամբն հանդերձ։

ԱՌ ԵՓԵՍԱՑԻՍ ԹՈՒՂԹ 5:25

Արք, սիրեցէք զկանայս ձեր, որպէս եւ Քրիստոս սիրեաց զեկեղեցի, եւ զանձն իւր մատնեաց վասն նորա.

ԱՌ ԵՓԵՍԱՑԻՍ ԹՈՒՂԹ 5:33

Այլ եւ դուք նոյնպէս մի ըստ միոջէ, զի՝՝ իւրաքանչիւր ոք զիւր կին այնպէս սիրեսցէ իբրեւ զիւր անձն, եւ կին երկնչիցի յառնէ իւրմէ։

ԱՌ ԿՈՂՈՍԱՑԻՍ ԹՈՒՂԹ 3:21

Հարք, մի՛ զայրացուցանէք զորդիս ձեր, զի մի՛ տրտմեսցին։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:14

Ապա եթէ նախանձ եւ դառնութիւն եւ հակառակութիւն ունիցիք ի սիրտս ձեր, մի՛ պարծիք սուտ առնել զճշմարտութիւնն։

ՊԵՏՐՈՍԻ ԱՌԱՋԻՆ՝՝ 3:7

Սոյնպէս եւ արք իմաստութեամբ բնակեսցեն ընդ նոսա, իբրեւ տկար անօթոյ առնիցեն պատիւ կանանց, իբրեւ ժառանգակցաց շնորհացն կենաց, զի մի՛ խափան լիցին աղօթիցն ձերոց։