ՄԱՐԳԱՐԷՈՒԹԻՒՆ ԱՄՈՎՍԱՅ 8:14 - Գրաբար Աստվածաշունչ (1895)

¹⁴ ոյք երդնուին ի քաւութիւնս Շամրնի, եւ ասէին. Կենդանի է աստուած քո, Դան, եւ Կենդանի է աստուած քո, Բերսաբէէ՝՝. եւ կործանեսցին եւ մի՛ եւս կանգնեսցին։

ՄԱՐԳԱՐԷՈՒԹԻՒՆ ԱՄՈՎՍԱՅ 8:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 12:32

Եւ արար Յերոբովամ տօն յամսեանն ութերորդի յաւուր հնգետասաներորդի նորին ամսոյ ըստ տօնին որ յերկրին Յուդայ, եւ ել ի սեղանն զոր՝՝ արար ի Բեթէլ զոհել երնջոցն զոր արար եւ կացոյց ի Բեթէլ քուրմս բարձանցն զոր արար.

ԹԱԳԱՒՈՐՈՒԹԵԱՆՑ ԵՐՐՈՐԴ 14:16

եւ մատնեսցէ Տէր զԻսրայէլ վասն մեղացն Յերոբովամու, որ մեղաւ եւ մեղոյց զԻսրայէլ։

ԹԱԳԱՒՈՐՈՒԹԵԱՆՑ ԵՐՐՈՐԴ 16:24

Եւ ստացաւ Ամրի զլեառնն Սեմերոն ի Սամերայ տեռնէ լերինն՝՝ երկուց տաղանդաց արծաթոյ. եւ շինեաց զլեառնն, եւ կոչեաց զանուն լերինն զոր շինեաց՝ յանուն Սամերեայ տեառն լերինն՝ Սեմերոն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:29

Բայց ի մեղացն Յերոբովամու որդւոյ Նաբատայ որ յանցոյցն զԻսրայէլ՝ ոչ մեկնեցաւ Յէու, յերնջոցն ոսկեաց որ ի Բեթէլ եւ ի Դան։

ՄՆԱՑՈՐԴԱՑ ԵՐԿՐՈՐԴ 36:16

Արհամարհէին զհրեշտակս նորա, եւ անգոսնէին զբանս նորա, եւ խաղ առնէին զմարգարէսն. մինչեւ եղեւ բարկութիւն Տեառն ի վերայ ժողովրդեան իւրոյ, եւ ոչ եւս գոյր այնուհետեւ նոցա բժշկութիւն։

ԳԻՐՔ ՍԱՂՄՈՍԱՑ 140:10

Անկցին ի ցանցս նորա մեղաւորք, միայն եմ ես՝՝ մինչեւ անցից։

ԳԻՐՔ ՍԱՂՄՈՍԱՑ 36:12

Սպասէ մեղաւոր արդարոյ, եւ կրճտէ ի վերայ նորա զատամունս իւր։

ԱՌԱԿՔ ՍՈՂՈՄՈՆԻ 24:16

Զի եթէ եւթն անգամ անկանիցի արդարն՝ կանգնեսցի. իսկ ամպարիշտք տկարասցին ի չարիս։

ԱՌԱԿՔ ՍՈՂՈՄՈՆԻ 29:1

Լաւ է այր յանդիմանիչ՝ քան զայր խստապարանոց. զի յանկարծակի հուր հարեալ զնովաւ՝ չլինիցի բժշկութիւն։

ՄԱՐԳԱՐԷՈՒԹԻՒՆ ԵՍԱՅԵԱՅ 24:20

շարժելով շարժեսցի երկիր, իբրեւ զտաղաւար մրգապահաց. իբրեւ զարբեալն եւ զսխալակ,՝՝ գլորեսցի եւ մի՛ կարասցէ կանգնել. զի սաստկացաւ ի վերայ նորա անօրէնութիւն։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 43:17

որ հանէ զկառս եւ զերիվարս եւ բազում զօրս սաստիկս. այլ՝՝ ննջեցին եւ ոչ յարիցեն, շիջան իբրեւ զպատրոյկ շիջեալ.

ՄԱՐԳԱՐԷՈՒԹԻՒՆ ԵՐԵՄԵԱՅ 25:27

Եւ ասասցես ցնոսա. Այսպէս ասէ Տէր ամենակալ Աստուած Իսրայելի. Արբէք եւ արբեցարուք, յիմարեցարուք, եւ կործանեցարուք եւ մի՛ կանգնեսջիք յերեսաց սրոյն զոր եսն առաքեցից ի մէջ ձեր։

ՄԱՐԳԱՐԷՈՒԹԻՒՆ ԵՐԵՄԵԱՅ 51:64

եւ ասասցես. Այսպէս ընկղմեսցի Բաբելոն, եւ մի՛ կանգնեսցի ի չարեացն զոր ես ածից ի վերայ նորա։ Եւ կացին՝՝ մինչեւ ցայս վայր բանք Երեմեայ մարգարէի։

ՄԱՐԳԱՐԷՈՒԹԻՒՆ ՈՎՍԵԱՅ 10:5

Եւ եղիցին պանդուխտք՝՝ բնակիչք Շամրնի. զի սուգ առ ժողովուրդ նորա ի վերայ նորա. եւ որպէս դառնացուցին զնա, ոտնհար լիցին՝՝ ի վերայ փառաց նորա. զի գերեցան ի նմանէ։

ՄԱՐԳԱՐԷՈՒԹԻՒՆ ՈՎՍԵԱՅ 13:2

Եւ արդ դարձեալ յաւելին ի մեղանչել, եւ արարին իւրեանց ձուլածոյս յարծաթոյ իւրեանց, ի նմանութիւն պատկերի կռոց, գործ ճարտարաց՝ նուիրել նոցա. եւ նոքա ասեն. Զոհեցէք մարդիկ, զի պակասեցին որթք՝՝։

ՄԱՐԳԱՐԷՈՒԹԻՒՆ ՈՎՍԵԱՅ 4:15

Բայց դու, Իսրայէլ, մի՛ տգէտ լինիր, եւ Յուդա,՝՝ մի՛ մտանէք ի Գաղգաղա, եւ մի՛ ելանէք ի տուն Ովնայ, եւ մի՛ երդնուցուք ի Տէր կենդանի։

ՄԱՐԳԱՐԷՈՒԹԻՒՆ ԱՄՈՎՍԱՅ 5:1

Լուարուք զբանս զայս՝ զոր ես առից ի վերայ ձեր ողբս։

ՄԱՐԳԱՐԷՈՒԹԻՒՆ ԱՄՈՎՍԱՅ 5:2

Անկաւ տունդ Իսրայելի՝՝, եւ ոչ եւս յաւելուցու յառնել կոյսն Իսրայելի. կործանեցաւ յերկրի իւրում, եւ չիք ոք որ կանգնիցէ զնա։

ՄԱՐԳԱՐԷՈՒԹԻՒՆ ԱՄՈՎՍԱՅ 5:5

եւ մի՛ խնդրէք զԲեթէլ, եւ ի Գաղգաղա մի՛ մտանէք, եւ ի Ջրհորն երդման մի՛ ելանէք. զի Գաղգաղա գերելով գերեսցի, եւ Բեթէլ եղիցի իբրեւ զչեղեալ։

ՄԱՐԳԱՐԷՈՒԹԻՒՆ ՄԻՔԻԱՅ 1:5

Վասն ամպարշտութեանցն Յակոբու է այն ամենայն, եւ վասն մեղաց տանն Իսրայելի. իսկ արդ ո՞վ է ամպարշտութիւնն Յակոբայ, թէ ոչ Շամրին. եւ ո՞վ է մեղք տանն՝՝ Յուդայ, եթէ ոչ Երուսաղէմ։

ՄԱՐԳԱՐԷՈՒԹԻՒՆ ՍՈՓՈՆԻԱՅ 1:5

որ երկիր պագանեն ի տանիս զօրութեանց երկնից. եւ որք երդնուին յանուն Տեառն՝ արքային իւրեանց՝՝,

ԳՈՐԾՔ ԱՌԱՔԵԼՈՑ 18:25

Սա էր տեղեկացեալ ճանապարհին Տեառն, եւ եռայր հոգւով, խօսէր եւ ուսուցանէր ճշմարտութեամբ վասն Յիսուսի. գիտէր միայն զմկրտութիւնն Յովհաննու։

ԳՈՐԾՔ ԱՌԱՔԵԼՈՑ 19:23

Եւ եղեւ ի ժամանակին յայնմիկ խռովութիւն ոչ սակաւ վասն ճանապարհին։

ԳՈՐԾՔ ԱՌԱՔԵԼՈՑ 19:9

Իբրեւ ոմանք խստանային եւ ընդդէմ դառնային բամբասել զճանապարհն առաջի բազմութեանն, մեկնեալ ի նոցանէ՝ որոշեաց զաշակերտսն, հանապազօր խօսէր ի դիւանին Տիւրանեայ որումն։

ԳՈՐԾՔ ԱՌԱՔԵԼՈՑ 24:14

Բայց զայս խոստանամ քեզ, եթէ ըստ ճանապարհին զոր ասեն հերձուած, այնպէս պաշտեմ զհայրենի Աստուածն. հաւատացեալ ամենայնի որ ինչ յօրէնսն եւ ի մարգարէս գրեալ է։

ԳՈՐԾՔ ԱՌԱՔԵԼՈՑ 9:2

խնդրեաց ի նմանէ թուղթս ի Դամասկոս առ ժողովուրդսն. որպէս թէ զոք գտցէ զայնր ճանապարհաւ, արս կամ կանայս, կապեալս ածցէ յԵրուսաղէմ։

ԵՐԿՐՈՐԴՈՒՄՆ ՕՐԻՆԱՑ 33:11

Օրհնեա, Տէր, զզօրութիւն նորա, եւ ընկալ զգործս ձեռաց նորա. խորտակեա զմէջս ի վերայ յարուցելոց թշնամեաց նորա, եւ ատելիք նորա մի՛ կանգնեսցին։

ԵՐԿՐՈՐԴՈՒՄՆ ՕՐԻՆԱՑ 9:21

Եւ զմեղսն ձեր զոր արարէք, զորթն, առի եւ այրեցի զնա հրով, եւ կոտորեցի եւ խորտակեցի զնա յոյժ, մինչեւ եղեւ մանր իբրեւ զփոշի, եւ ընկեցի զփոշին ի վտակն որ իջանէր ի լեռնէ անտի։