ՄԱՐԳԱՐԷՈՒԹԻՒՆ ԱՄՈՎՍԱՅ 6:2 - Գրաբար Աստվածաշունչ (1895)

² Անցէք ամենեքին ի Քաղանէ եւ տեսէք. եւ անցէք անտի ի մեծն Եմաթ Հռաբայ, եւ իջէք ի Գէթ այլազգեաց, զօրաւորս քան զամենայն քաղաքսն զայնոսիկ, եթէ՝՝ իցե՞ն մեծ սահմանք նոցա քան զսահմանս ձեր։

ՄԱՐԳԱՐԷՈՒԹԻՒՆ ԱՄՈՎՍԱՅ 6:2 ပူးပေါင်းရင်းမြစ်များ

ԾՆՈՒՆԴՔ 10:10

Եւ եղեւ սկիզբն թագաւորութեան նորա Բաբելովն եւ Որէք եւ Աքադ եւ Քաղանէ յերկրին Սենաար։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:9

Եւ լուաւ Թովու արքայ Եմաթայ, եթէ եհար Դաւիթ զամենայն զօրն Ադրաազարայ,

ԹԱԳԱՒՈՐՈՒԹԵԱՆՑ ԵՐՐՈՐԴ 8:65

Եւ արար Սողոմոն յաւուր յայնմիկ տօն, եւ ամենայն Իսրայէլ ընդ նմա եկեղեցի մեծ, ի մտիցն Եմաթայ մինչեւ ցգետն Եգիպտացւոց. առաջի Տեառն Աստուծոյ մերոյ ի տանն զոր շինեաց, ուտելով եւ ըմպելով եւ ուրախ լինելով առաջի Տեառն Աստուծոյ մերոյ՝՝ զեւթն օր եւ զեւթն օր, աւուրս չորեքտասան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:24

Եւ ած արքայն Ասորեստանեայց ի Բաբելոնէ եւ ի Քութայ եւ յԱյայ եւ յԵմաթայ եւ ի Սեփարուիմայ, եւ բնակեցան ի քաղաքս Սամարիայ փոխանակ որդւոցն Իսրայելի, եւ ժառանգեցին զՍամարիա, եւ բնակեցին ի քաղաքս նորա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:30

Եւ արք Բաբելոնի արարին զՍոքքովթ Բանովթ, եւ արք Քութայ արարին զԱնգեղ, եւ արք Եմաթայ արարին զԱսիմաթ,

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:34

Ո՞ւր է աստուածն Եմաթայ եւ Արփաթայ, եւ ո՞ւր է աստուածն Սեփարուիմայ քաղաքին, Անայ եւ Աւայ. միթէ փրկեցի՞ն զՍամարիա ի ձեռաց իմոց.

ԹԱԳԱՒՈՐՈՒԹԵԱՆՑ ՉՈՐՐՈՐԴ 19:13

Ո՞ւր է արքայն Եմաթայ եւ արքայն Արփաթայ, եւ արքայ քաղաքին Սեփարուիմայ, Անայ եւ Աւայ։

ՄՆԱՑՈՐԴԱՑ ԵՐԿՐՈՐԴ 26:6

Եւ ել եւ պատերազմեցաւ ընդ այլազգիս, եւ քակեաց զպարիսպն Գեթայ եւ զպարիսպն Յաբնեայ եւ զպարիսպն Ազովտայ, եւ շինեաց զքաղաքսն Ազովտայ՝՝ ի մէջ այլազգեացն։

ՄԱՐԳԱՐԷՈՒԹԻՒՆ ԵՐԵՄԵԱՅ 49:23

Ի վերայ Դամասկոսի։ Յամօթ եղեւ Եմաթ եւ Արփաթ, զի լուր չարեաց լուան, յիմարեցան. ի ծովուն զայրացան՝ եւ հանգչել ոչ կարասցեն՝՝։

ՄԱՐԳԱՐԷՈՒԹԻՒՆ ՆԱՒՈՒՄԱՅ 3:8

Պատրաստեա բաժին, կազմեա ջնար, վիճակդ Ամովնայ. որ բնակեալ է՝՝ ի մէջ գետոց, եւ ջուրք շուրջ զնովաւ. որոյ սկիզբն ծով, եւ ջուրք պարիսպ նորա։

ԹԱԳԱՒՈՐՈՒԹԵԱՆՑ ԱՌԱՋԻՆ 17:23

Եւ մինչդեռ նա խօսէր, ահա այրն Յամինացի ելանէր, Գողիադ անուն նորա, Փղշտացի ի Գեթայ՝ ի ճակատուց այլազգեացն, եւ խօսեցաւ ըստ նմին բանից, եւ լուաւ Դաւիթ։

ԹԱԳԱՒՈՐՈՒԹԵԱՆՑ ԱՌԱՋԻՆ 17:4

Եւ ել այր զօրաւոր ի ճակատէ այլազգեացն, Գողիադ անուն նորա ի Գեթայ. բարձրութիւն նորա վեց կանգուն եւ թզաւ,

ԹԱԳԱՒՈՐՈՒԹԵԱՆՑ ԱՌԱՋԻՆ 5:10

Եւ առաքեցին զտապանակն Աստուծոյ յԱսկաղոն. եւ եղեւ ի մտանել տապանակին Աստուծոյ յԱսկաղոն, զբողոք բարձին Ասկաղոնացիքն եւ ասեն. Ընդէ՞ր դարձուցէք՝՝ զտապանակն Աստուծոյ Իսրայելի առ մեզ սպանանել զմեզ եւ զժողովուրդս մեր։

ԹԱԳԱՒՈՐՈՒԹԵԱՆՑ ԱՌԱՋԻՆ 5:8

Եւ առաքեցին ժողովեցին զամենայն նախարարս այլազգեացն առ ինքեանս, եւ ասեն. Զի՞նչ արասցուք տապանակին Աստուծոյ Իսրայելի։ Եւ ասեն Գեթացիքն. Փոխեսցի՝՝ տապանակն Աստուծոյ Իսրայելի առ մեզ՝՝. եւ փոխեցաւ տապանակն Աստուծոյ ի Գէթ։