ՄԱՐԳԱՐԷՈՒԹԻՒՆ ԱՄՈՎՍԱՅ 6:1 - Գրաբար Աստվածաշունչ (1895)

¹ Վա՜յ որ անգոսնեն զՍիոն, եւ յուսացեալ իցեն ի լեառն Շամրնի. կթեցին զիշխանութիւնս ազգաց, եւ մտին ի նոսա՝՝ տունդ Իսրայելի։

ՄԱՐԳԱՐԷՈՒԹԻՒՆ ԱՄՈՎՍԱՅ 6:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 16:24

Եւ ստացաւ Ամրի զլեառնն Սեմերոն ի Սամերայ տեռնէ լերինն՝՝ երկուց տաղանդաց արծաթոյ. եւ շինեաց զլեառնն, եւ կոչեաց զանուն լերինն զոր շինեաց՝ յանուն Սամերեայ տեառն լերինն՝ Սեմերոն։

ԳԻՐՔ ՍԱՂՄՈՍԱՑ 123:4

ապա եւ ջուրք ուրեմն ընկլուզանէին զմեզ, ընդ ուղխս անցին անձինք մեր.

ԱՌԱԿՔ ՍՈՂՈՄՈՆԻ 1:32

Փոխանակ զի զրկէին զտղայս՝ կոտորեսցին, եւ կշտամբութիւն զամպարիշտս սատակեսցէ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 33:14

Մերժեցան ի Սիոնէ՝՝ անօրէնք, դողումն կալցի զամպարիշտս։ Իսկ արդ ո՞ պատմեսցէ ձեզ եթէ հուր բորբոքեալ կայ, կամ ո՞ պատմեսցէ ձեզ զտեղւոյն՝՝ յաւիտենից։

ՄԱՐԳԱՐԷՈՒԹԻՒՆ ԵՐԵՄԵԱՅ 2:3

Ասէ Տէր՝ Սուրբն Իսրայելի. Տեառն է՝՝ սկիզբն արմտեաց նորա. ամենեքեան որ ուտեն զնա՝ զղջասցին, չարիք հասցեն ի վերայ նոցա, ասէ Տէր։

ՄԱՐԳԱՐԷՈՒԹԻՒՆ ԵՐԵՄԵԱՅ 48:11

Հանգուցեալ էր ի մանկութենէ իւրմէ Մովաբ, եւ յուսացեալ էր ի փառս՝՝ իւր, եւ չէր թափեալ աման յամանոյ, եւ ոչ երթեալ ի գերութիւն. վասն այնորիկ կայր համ նորա ի նմին, եւ հոտ նորա ոչ պակասեաց։

ՄԱՐԳԱՐԷՈՒԹԻՒՆ ԵՐԵՄԵԱՅ 49:31

Արի, ել՝՝ ի վերայ ազգին դադարելոյ՝ որ նստի ի հանգստեան, ասէ Տէր, որոց ոչ դրունք եւ ոչ նիգք, առանձինն բնակեալք։

ՄԱՐԳԱՐԷՈՒԹԻՒՆ ԵՐԵՄԵԱՅ 5:5

երթայց առ հարուստսն եւ խօսեցայց ընդ նոսա, թէ նոքա գիտացին զճանապարհ Տեառն եւ զիրաւունս Աստուծոյ. եւ նոքա աւանիկ առ հասարակ խորտակեցին զլուծն, եւ խզեցին զսամետէս։

ՄԱՐԳԱՐԷՈՒԹԻՒՆ ԵՐԵՄԵԱՅ 7:4

Եւ մի՛ յանձնապաստան լինիք ի բանս ստութեան, զի ամենեւին ոչ օգնեսցեն ձեզ՝՝ որ ասեն. Տաճար Տեառն, տաճար Տեառն, տաճար Տեառն է։

ՈՂԲՔ 1:1

Զիա՜րդ զատաւ նստաւ մենացեալ քաղաքն բազմաժողով, եւ եղեւ իբրեւ կին մի այրի լցեալ տրտմութեամբ՝՝ ի մէջ հեթանոսաց. իշխանն աշխարհի եղեւ հարկատու։

ՄԱՐԳԱՐԷՈՒԹԻՒՆ ԱՄՈՎՍԱՅ 3:2

Բայց զձեզ՝՝ ընտրեցի յամենայն ազգաց երկրի. վասն այնորիկ ի ձէնջ խնդրեցից զվրէժ ամենայն չարեաց ձերոց։

ՄԱՐԳԱՐԷՈՒԹԻՒՆ ԱՄՈՎՍԱՅ 3:9

Պատմեցէք ի գաւառս Ասորեստանեայց եւ ի գաւառս՝՝ երկրին Եգիպտացւոց, եւ ասացէք. Ժողովեցարուք ի լեառն Շամրնի, եւ տեսէք սքանչելիս բազումս՝՝ ի մէջ նորա, եւ զբռնութիւն ի մէջ նորա։

ՄԱՐԳԱՐԷՈՒԹԻՒՆ ԱՄՈՎՍԱՅ 4:1

Լուարուք, զբան Տեառն՝՝, երինջք Բասանու, որ էք ի լերինս Շամրնի որ զրկէք զաղքատս եւ առ ոտն հարկանէք զտնանկն, որ ասէիք ցտեարս ձեր. Մատուցէք մեզ գինի զի արբցուք։

ՄԱՐԳԱՐԷՈՒԹԻՒՆ ԱՄՈՎՍԱՅ 5:27

Եւ փոխեցից զձեզ՝՝ անդր քան զԴամասկոս, ասէ Տէր, Աստուած ամենակալ անուն է նորա։

ՄԱՐԳԱՐԷՈՒԹԻՒՆ ԱՄՈՎՍԱՅ 8:14

ոյք երդնուին ի քաւութիւնս Շամրնի, եւ ասէին. Կենդանի է աստուած քո, Դան, եւ Կենդանի է աստուած քո, Բերսաբէէ՝՝. եւ կործանեսցին եւ մի՛ եւս կանգնեսցին։

ՄԱՐԳԱՐԷՈՒԹԻՒՆ ԱՄՈՎՍԱՅ 9:10

Սրով վախճանեսցին ամենայն մեղաւորք ժողովրդեան իմոյ. որք ասէին. Ոչ մերձեսցին եւ ոչ հասցեն ի վերայ մեր չարիք։

ՄԱՐԳԱՐԷՈՒԹԻՒՆ ՄԻՔԻԱՅ 3:1

Եւ ասասցէ. Լուարուք իշխան տանն Յակոբայ, եւ մնացորդք՝՝ տանն Իսրայելի։ Ո՞չ ձեր է գիտել զիրաւունս.

ՄԱՐԳԱՐԷՈՒԹԻՒՆ ՍՈՓՈՆԻԱՅ 1:12

Եւ եղիցի յաւուր յայնմիկ՝ քննեցից զԵրուսաղէմ ճրագաւ, եւ խնդրեցից վրէժ յարանցն որ արհամարհեցին զպահպանութիւնս՝՝ իւրեանց. որ ասէին ի սիրտս իւրեանց. Ոչ բարի ինչ առնէ Տէր, եւ ոչ չար։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:18

Կամեցեալ ծնաւ զմեզ բանիւն ճշմարտութեան, լինել մեզ պտուղ ինչ ստացուածոց նորա։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:5

Փափկացայք ի վերայ երկրի եւ զբօսայք, սնուցէք զսիրտս ձեր իբրեւ աւուր սպանման։

ՊԵՏՐՈՍԻ ԱՌԱՋԻՆ՝՝ 5:7

Զամենայն հոգս ձեր ընկեցէք ի նա, զի նա է որ հոգայ վասն ձեր։

ԴԱՏԱՒՈՐՔ 18:7

Եւ գնացին հնգեքին արքն, եւ չոգան ի Լայիսա. եւ տեսին զժողովուրդն, որ ի նմա, որ բնակեալ նստէր յուսով՝ ըստ նմանութեան Սիդոնացւոցն հանդարտելոցն յուսով. եւ ոչ բաւական լինելոյ խօսել ումեք բան մի յերկրի գանձուցն ժառանգաւորի. եւ՝՝ հեռի էին ի Սիդոնէ, եւ բանք ինչ ոչ գոյին նոցա ընդ Ասորիս։