ՄԱՐԳԱՐԷՈՒԹԻՒՆ ԱՄՈՎՍԱՅ 3:14 - Գրաբար Աստվածաշունչ (1895)

¹⁴ Զի յաւուր յայնմիկ յորժամ խնդրեցից զվրէժ ամպարշտութեանցն Իսրայելի ի նմանէ, առից վրէժ եւ զսեղանոյն Բեթելայ, եւ փշրեսցին եղջեւրք սեղանոյն եւ անկցին յերկիր։

ՄԱՐԳԱՐԷՈՒԹԻՒՆ ԱՄՈՎՍԱՅ 3:14 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:15

Եւ զսեղանն որ ի Բեթէլ զբարձր՝՝, զոր արար Յերոբովամ որդի Նաբատայ որ մեղոյցն զԻսրայէլ, եւ զայն եւս սեղան զբարձր կործանեաց եւ խորտակեաց զքարինս նորա՝՝, եւ մանրեաց իբրեւ զփոշի, եւ այրեաց զանտառն։

ՄՆԱՑՈՐԴԱՑ ԵՐԿՐՈՐԴ 31:1

Եւ իբրեւ կատարեցաւ այն ամենայն, ել ամենայն Իսրայէլ գտեալքն՝ ի քաղաքսն Յուդայ, եւ փշրեցին զարձանսն եւ կոտորեցին զանտառսն եւ կործանեցին զբարձրաւանդակսն եւ զբագինսն յամենայն Հրէաստանի եւ Բենիամինի եւ յԵփրեմի եւ ի Մանասէի մինչեւ ի սպառ. եւ դարձաւ ամենայն Իսրայէլ իւրաքանչիւր ոք ի ժառանգութիւն իւր, եւ ի քաղաքսն իւրեանց։

ԵԼՔ 32:34

Բայց արդ՝ երթ էջ եւ առաջնորդեա ժողովրդեանն այնմիկ ի տեղին յոր ասացի քեզ. եւ ահա հրեշտակ իմ երթիցէ առաջի երեսաց քոց. բայց յաւուր յորում այց արարից, ածից ի վերայ նոցա զմեղս իւրեանց։

ՄԱՐԳԱՐԷՈՒԹԻՒՆ ԱՄՈՎՍԱՅ 2:8

Եւ զձորձս իւրեանց առագաստ ձգէին ընդ ինքեանս եւ ընդ սեղանն՝՝, եւ գինի զրպարտութեանց ըմպէին ի տան աստուծոյ իւրեանց։

ՄԱՐԳԱՐԷՈՒԹԻՒՆ ԱՄՈՎՍԱՅ 4:4

Մտէք ի Բեթէլ եւ ամպարշտեցայք, եւ ի Գաղգաղա յաճախեցէք ամպարշտել. եւ մատուցէք զզոհս ձեր ընդ առաւօտս, եւ յերիր աւուր զտասանորդս ձեր։

ՄԱՐԳԱՐԷՈՒԹԻՒՆ ԱՄՈՎՍԱՅ 7:10

Եւ առաքեաց Ամասիա քուրմ Բեթելայ առ Յերոբովամ արքայ Իսրայելի, եւ ասէ. Ժողովս կուտէ ի վերայ քո Ամովս ի մէջ տանս Իսրայելի, եւ երկիրս ոչ կարէ հանդարտել ամենայն բանից նորա.

ՄԱՐԳԱՐԷՈՒԹԻՒՆ ԱՄՈՎՍԱՅ 7:13

ի Բեթէլ մի՛ եւս յաւելուցուս մարգարէանալ, զի սրբութիւն թագաւորի է եւ տուն թագաւորութեան։

ՄԱՐԳԱՐԷՈՒԹԻՒՆ ԱՄՈՎՍԱՅ 7:9

Եւ ապականեսցին բագինք կատակութեան, եւ մեհեանք՝՝ Իսրայելի աւերեսցին. եւ յարեայց ի վերայ տանն Յերոբովամայ սրով։

ՄԱՐԳԱՐԷՈՒԹԻՒՆ ԱՄՈՎՍԱՅ 9:1

Տեսի զՏէր զի կայր ի վերայ սեղանոյ, եւ ասէ. Բախեա զսեղանդ, եւ շարժեսցին դրանդիք, եւ կտրեա արկ ի գլուխս ամենեցուն. եւ զմնացորդս նոցա սրով կոտորեցից, եւ մի՛ ապրեսցէ ի նոցանէն փախուցեալն, եւ մի՛ զերծցի ի նոցանէ զերծեալն։