ՄԱՐԳԱՐԷՈՒԹԻՒՆ ԱՄՈՎՍԱՅ 2:7 - Գրաբար Աստվածաշունչ (1895)

⁷ որ կոխեն զհող երկրի. եւ կռփէին զգլուխս աղքատաց՝՝, եւ զճանապարհս խոնարհաց թիւրեն. եւ հայր եւ որդի առ մի բոզ մտանեն, զի պղծեսցեն զանուն Աստուծոյ իւրեանց։

ՄԱՐԳԱՐԷՈՒԹԻՒՆ ԱՄՈՎՍԱՅ 2:7 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 12:14

Բայց քանզի զայրացուցանելով զայրացուցեր զթշնամիս Տեառն բանիւն այնուիկ, որդին քո որ ծնանելոց է քեզ՝ մահու մեռցի։

ԹԱԳԱՒՈՐՈՒԹԵԱՆՑ ԵՐՐՈՐԴ 21:4

Եւ եկն Աքաաբ ի տուն իւր տխրեալ եւ լքեալ վասն բանին զոր խօսեցաւ ընդ նմա Նաբովթ Յեզրայելացի եւ ասէ. Ոչ տաց քեզ զժառանգութիւն հարց իմոց։ Եւ ննջեաց ի մահիճս իւր, եւ ծածկեաց զերեսս իւր, եւ ոչ եկեր հաց։

ԱՌԱԿՔ ՍՈՂՈՄՈՆԻ 28:21

Որ ակն ածէ զերեսս անօրինաց յանդիմանել՝ չէ բարւոք. այնպիսին պատառոյ հացի վաճառէ զմարդ։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 10:1

Վա՜յ այնոցիկ որ գրեն զչարիս, գրելով գրեն զչարիս իւրեանց.

ՄԱՐԳԱՐԷՈՒԹԻՒՆ ԵՍԱՅԵԱՅ 10:2

խոտորեն՝՝ զդատաստանս աղքատաց, եւ զիրաւունս տնանկաց ժողովրդեան իմոյ յափշտակեն. զի լինիցի նոցա այրին ի յափշտակութիւն, եւ որբն յաւար։

ՄԱՐԳԱՐԷՈՒԹԻՒՆ ԵՍԱՅԵԱՅ 3:14

ինքնին Տէր ի դատ եկեսցէ ընդ ծերս ժողովրդեան իւրոյ եւ ընդ իշխանս նոցա. դուք զի՞ հրկէզ արարէք զայգի իմ, եւ յափշտակութիւն տնանկին է ի տունս ձեր։

ՄԱՐԳԱՐԷՈՒԹԻՒՆ ԵՍԱՅԵԱՅ 3:15

Դուք զի՞ զրկէք զժողովուրդ իմ, եւ զերեսս տնանկաց լի առնէք ամօթով, ասէ Տէր՝ Տէր զօրութեանց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 22:11

Եւ իւրաքանչիւր զկին ընկերի իւրոյ պղծէին, եւ իւրաքանչիւր զնու իւր պղծէին ամպարշտութեամբ, եւ իւրաքանչիւր զքոյր իւր, զդուստր հօր իւրոյ լլկէին ի քեզ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 36:20

Եւ մտին յազգս. եւ ուր մտինն՝ եւ անդ պղծեցին զանուն իմ սուրբ, յասելն ցնոսա թէ՝ Ժողովուրդ Տեառն են դոքա, եւ յերկրէն նորա ելին։

ՄԱՐԳԱՐԷՈՒԹԻՒՆ ՈՎՍԵԱՅ 4:14

Եւ ոչ արարից այց դստերաց ձերոց յորժամ պոռնկեսցին, եւ հարսանց ձերոց՝ յորժամ շնասցին. զի նոքա ընդ պոռնիկս թաթաւէին եւ ընդ նուիրեալսն զոհէին, եւ ժողովուրդն քո որ ոչ իմանայր զայն՝ խառնակէր ընդ պոռնիկս։

ՂԵՒՏԱԿԱՆ 18:15

Զառականս նուոյ քո մի՛ յայտնեսցես, զի կին որդւոյ քո է. մի՛ յայտնեսցես զառականս նորա։ Եւ զդուստր ուստեր նորա, կամ զդուստր դստեր նորա մի՛ առնուցուս՝ յայտնել զառականս նոցա, զի ընտանի են քո. ամպարշտութիւն է։՝՝

ՂԵՒՏԱԿԱՆ 18:21

Եւ ի սերմանէ քումմէ մի՛ տացես ծառայել իշխանի՝՝, եւ մի՛ պղծեսցես զանուն իմ սուրբ. զի՝՝ ես եմ Տէր։

ՂԵՒՏԱԿԱՆ 18:8

Զառականս կնոջ հօր քո մի՛ յայտնեսցես. զի առականք հօր քում են։

ՂԵՒՏԱԿԱՆ 20:3

Եւ ես հաստատեցից զերեսս իմ ի վերայ մարդոյն այնորիկ, եւ կորուսից զնա ի ժողովրդենէ իւրմէ. զի ետ ի սերմանէ իւրմէ իշխանին՝՝ պղծել զսրբութիւն իմ, եւ գարշեցուցանել զանուն սրբեցելոցն իմոց՝՝։

ՄԱՐԳԱՐԷՈՒԹԻՒՆ ԱՄՈՎՍԱՅ 4:1

Լուարուք, զբան Տեառն՝՝, երինջք Բասանու, որ էք ի լերինս Շամրնի որ զրկէք զաղքատս եւ առ ոտն հարկանէք զտնանկն, որ ասէիք ցտեարս ձեր. Մատուցէք մեզ գինի զի արբցուք։

ՄԱՐԳԱՐԷՈՒԹԻՒՆ ԱՄՈՎՍԱՅ 5:11

Վասն այնորիկ փոխանակ զի կռփէիք զաղքատս եւ կաշառս ընտրանաւ առնուիք ի նոցանէն, ապարանս զարդարեալս շինեսջիք, եւ մի՛ բնակեսջիք ի նոսա, այգիս ցանկալիս տնկեսջիք, եւ զգինի նոցա մի՛ արբջիք։

ՄԱՐԳԱՐԷՈՒԹԻՒՆ ԱՄՈՎՍԱՅ 5:12

Զի գիտացի ես զբազում ամպարշտութիւնս ձեր. եւ սաստիկ են մեղք ձեր. առ ոտն կոխէիք զարդարն առնլով փոխանակս, եւ խոտորեցուցանէիք զաղքատն ի դրունս։

ՄԱՐԳԱՐԷՈՒԹԻՒՆ ԱՄՈՎՍԱՅ 8:4

Լուարուք զայս՝ որ նեղէիք զտնանկն ընդ առաւօտս, եւ զրկէիք զաղքատ յերեկորեայ՝՝.

ՄԱՐԳԱՐԷՈՒԹԻՒՆ ՄԻՔԻԱՅ 2:2

Ցանկային անդոց, եւ յափշտակէին, զորբս եւ զտունս բռնադատէին, յափշտակէին՝՝ զայր եւ զտուն նորա, զայր եւ զժառանգութիւն նորա։

ՄԱՐԳԱՐԷՈՒԹԻՒՆ ՄԻՔԻԱՅ 2:9

Վասն այնորիկ առաջնորդք ժողովրդեան իմոյ անկցին ի տանց փափկութեանց իւրեանց. վասն չարութեան գնացից իւրեանց մերժեցան. մերձեցարուք ի լերինսն յաւիտենից։

ՄԱՐԳԱՐԷՈՒԹԻՒՆ ՍՈՓՈՆԻԱՅ 3:3

Իշխանք նորա իբրեւ առիւծունք գոչեսցեն՝՝ եւ դատաւորք նորա իբրեւ զգայլս Արաբացւոց՝ որ ոչ թողուն ինչ ի վաղիւ։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 2:24

Զի անունն Աստուծոյ վասն ձեր հայհոյի ի մէջ հեթանոսաց, որպէս եւ գրեալ է։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 5:1

Բնաւ եւ անուանի իսկ ի ձեզ ընդէ՞ր պոռնկութիւն, եւ այնպիսի պոռնկութիւն՝ որ ոչ եւ ի հեթանոսս, որպէս թէ զկին հօր իւրոյ ունել։