ԳՈՐԾՔ ԱՌԱՔԵԼՈՑ 9:30 - Գրաբար Աստվածաշունչ (1895)

³⁰ Եւ իմացեալ եղբարց՝ իջուցին զնա ի Կեսարիա, եւ առաքեցին զնա ի Տարսոն։

ԳՈՐԾՔ ԱՌԱՔԵԼՈՑ 9:30 ပူးပေါင်းရင်းမြစ်များ

Մատթեոսի Աւետարան 10:23

Եւ յորժամ հալածիցեն զձեզ ի քաղաքիս յայսմիկ, փախիջիք յայլ. եւ եթէ յայնմանէ հալածիցեն զձեզ, փախիջիք ի մեւսն.՝՝ ամէն ասեմ ձեզ, ոչ ապառեսջիք զքաղաքս Իսրայելի մինչեւ եկեսցէ Որդի մարդոյ։

Մատթեոսի Աւետարան 16:13

Եւ ելեալ Յիսուս ի կողմանս Փիլիպպեայ Կեսարեայն՝ հարցանէր ցաշակերտսն եւ ասէր. Զո՞ ոք ասեն զինէն մարդիկն թէ իցէ Որդի մարդոյ։

ԳՈՐԾՔ ԱՌԱՔԵԼՈՑ 1:15

Եւ յաւուրսն յայնոսիկ յարուցեալ Պետրոս ի մէջ եղբարցն՝ ասէ. (եւ էր անդ բազմութիւն անուանց իբրեւ հարեւր եւ քսանից.)

ԳՈՐԾՔ ԱՌԱՔԵԼՈՑ 11:25

Եւ ել ի Տարսոն խնդրել զՍաւղոս, եւ գտեալ զնա ած յԱնտիոք։

ԳՈՐԾՔ ԱՌԱՔԵԼՈՑ 17:10

Բայց եղբարք վաղվաղակի գիշերայն յուղարկեցին զՊաւղոս եւ զՇիղա ի Բերիա. որք իբրեւ հասին անդր, ի ժողովուրդն Հրէից գնացին։

ԳՈՐԾՔ ԱՌԱՔԵԼՈՑ 17:15

Եւ որք տանէին զՊաւղոս՝ ածին զնա մինչեւ յԱթէնս. եւ առեալ պատուէր առ Շիղա եւ Տիմոթէոս զի վաղվաղակի եկեսցեն առ նա, եւ գնացին։

ԳՈՐԾՔ ԱՌԱՔԵԼՈՑ 28:14

Ուր եւ գտաք եղբարս, աղաչեցեալք ի նոցանէ լինել աւուրս եւթն. եւ ապա ելաք ի Հռովմ։

ԳՈՐԾՔ ԱՌԱՔԵԼՈՑ 8:40

Բայց Փիլիպպոս գտաւ յԱզովտոս. եւ շրջեալ աւետարանէր ամենայն քաղաքացն՝ մինչեւ ի գալ նորա ի Կեսարիա։

ԳՈՐԾՔ ԱՌԱՔԵԼՈՑ 9:11

Եւ ասէ ցնա Տէր. Յոտն կաց եւ գնա ընդ փողոցն որ կոչի Ուղիղ, եւ խնդրեսցես յապարանսն Յուդայ Սաւղոս անուն զՏարսոնացի. զի կայ դեռ յաղօթս։

ԱՌ ԳԱՂԱՏԱՑԻՍ ԹՈՒՂԹ 1:21

Ապա եկի ի կողմանս Ասորւոց եւ Կիլիկեցւոց։