ԳՈՐԾՔ ԱՌԱՔԵԼՈՑ 8:40 - Գրաբար Աստվածաշունչ (1895)

⁴⁰ Բայց Փիլիպպոս գտաւ յԱզովտոս. եւ շրջեալ աւետարանէր ամենայն քաղաքացն՝ մինչեւ ի գալ նորա ի Կեսարիա։

ԳՈՐԾՔ ԱՌԱՔԵԼՈՑ 8:40 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԶԱՔԱՐԵԱՅ 9:6

Եւ բնակեսցեն այլազգիք յԱզովտոս, եւ քակեցից զհպարտութիւն այլազգեաց.

ԳՈՐԾՔ ԱՌԱՔԵԼՈՑ 10:1

Այր մի էր ի Կեսարիա անուն Կոռնելիոս, հարիւրապետ ի գնդէ որ կոչէր Իտալացի.

ԳՈՐԾՔ ԱՌԱՔԵԼՈՑ 10:24

Եւ ի վաղիւ անդր մտին ի Կեսարիա. եւ Կոռնելիոս մնայր նոցա, կոչեցեալ զազգատոհմն իւր եւ զկարեւոր բարեկամսն։

ԳՈՐԾՔ ԱՌԱՔԵԼՈՑ 11:11

Եւ ահա անդէն երեք արք եկին կացին առ ապարանիցն ուր եսն էի, առաքեալք ի Կեսարիայ առ իս։

ԳՈՐԾՔ ԱՌԱՔԵԼՈՑ 12:19

Իսկ Հերովդէս իբրեւ խնդրեաց զնա եւ ոչ եգիտ, հարցեալ զպահապանսն՝ հրամայեաց սպանանել. եւ իջեալ ի Հրէաստանէ ի Կեսարիա եւ անդ լինէր։

ԳՈՐԾՔ ԱՌԱՔԵԼՈՑ 18:22

Ամբարձաւ յԵփեսեայ, եւ իջեալ ի Կեսարիայ՝ ել եւ ետ ողջոյն եկեղեցւոյն, էջ յԱնտիոք։

ԳՈՐԾՔ ԱՌԱՔԵԼՈՑ 21:16

Եկին ընդ մեզ եւ յաշակերտաց անտի Կեսարացւոց, եւ տանէին զմեզ առ որում վանս ունելոց էաք՝ Մնասովնի ումեմն Կիպրացւոյ առաջին աշակերտի։

ԳՈՐԾՔ ԱՌԱՔԵԼՈՑ 21:8

Եւ ի վաղիւ անդր ելեալ անտի՝ եկաք ի Կեսարիա, եւ մտեալ յապարանսն Փիլիպպոսի աւետարանչի որ էր յեւթանց անտի, ագաք առ նմա։

ԳՈՐԾՔ ԱՌԱՔԵԼՈՑ 23:23

Եւ կոչեաց երկուս ի հարիւրապետացն եւ ասէ. Պատրաստեցէք զօրականս երկերիւր, որպէս զի երթիցեն մինչեւ ի Կեսարիա, եւ հեծեալս եւթանասուն եւ տիգաւորս երկերիւր, յերից ժամուց գիշերոյն,

ԳՈՐԾՔ ԱՌԱՔԵԼՈՑ 23:33

Նոքա մտին ի Կեսարիա, եւ տուեալ ցդատաւորն զթուղթն՝ առաջի կացուցին նորա եւ զՊաւղոս։

ԳՈՐԾՔ ԱՌԱՔԵԼՈՑ 25:1

Փեստոս իբրեւ եհաս յիշխանութիւնն, յետ երից աւուրց ել յԵրուսաղէմ ի Կեսարեայ։

ԳՈՐԾՔ ԱՌԱՔԵԼՈՑ 25:13

Իբրեւ անցին աւուրք ինչ, Ագրիպպաս արքայ եւ Բերինիկէ եկին ի Կեսարիա յողջոյն Փեստոսի։

ԳՈՐԾՔ ԱՌԱՔԵԼՈՑ 25:4

Իսկ Փեստոս արար պատասխանի պահել զնա ի Կեսարիա, թէ ինքն իսկ ընդ հուպ անդր երթալոց էր։

ԳՈՐԾՔ ԱՌԱՔԵԼՈՑ 25:6

Եւ լեալ անդ աւուրս ոչ աւելի քան զութ կամ զտասն, եկն էջ ի Կեսարիա. եւ ի վաղիւ անդր նստեալ յատենի՝ հրամայեաց ածել զՊաւղոս։

ԳՈՐԾՔ ԱՌԱՔԵԼՈՑ 8:25

Եւ նոցա եդեալ վկայութիւն՝ խօսեցան զբանն Աստուծոյ, եւ դարձան յԵրուսաղէմ. եւ ի բազում գեղս Սամարացւոցն աւետարանէին։

ԳՈՐԾՔ ԱՌԱՔԵԼՈՑ 9:30

Եւ իմացեալ եղբարց՝ իջուցին զնա ի Կեսարիա, եւ առաքեցին զնա ի Տարսոն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:19

զօրութեամբ նշանաց եւ արուեստից, զօրութեամբ Հոգւոյն Սրբոյ, որպէս ինձ յԵրուսաղեմէ եւ շուրջ մինչեւ ի կողմանս Լիւրիկացւոց լնուլ զաւետարանն Քրիստոսի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 11:22

Եւ ոչ մնաց յԵնակիմացն յորդւոցն Իսրայելի, բայց միայն ի Գազա եւ ի Գէթ եւ յԱսեդովթ մնացին։

ԹԱԳԱՒՈՐՈՒԹԵԱՆՑ ԱՌԱՋԻՆ 5:1

Եւ այլազգիքն առին զտապանակն Աստուծոյ, եւ տարան զնա յԱբենեզերայ յԱզովտոս։