ԳՈՐԾՔ ԱՌԱՔԵԼՈՑ 7:15 - Գրաբար Աստվածաշունչ (1895)

¹⁵ Եւ էջ Յակովբ յԵգիպտոս, եւ վախճանեցաւ ինքն եւ հարքն մեր։

ԳՈՐԾՔ ԱՌԱՔԵԼՈՑ 7:15 ပူးပေါင်းရင်းမြစ်များ

ԾՆՈՒՆԴՔ 46:1

Չուեաց Իսրայէլ, ինքն եւ ամենայն որ ինչ իւր էր, եւ եկն ի Ջրհորն երդման, եւ մատոյց պատարագ Աստուծոյ հօր իւրոյ Իսահակայ։

ԾՆՈՒՆԴՔ 47:30

Այլ ննջեցից ընդ հարսն իմ, եւ բարձցեն զիս յԵգիպտոսէ, եւ թաղեսցեն զիս ի գերեզմանի նոցա։ Եւ նա ասէ. Ես արարից ըստ բանի քում։

ԳԻՐՔ ՍԱՂՄՈՍԱՑ 105:23

Ասաց սատակել զնոսա, եթէ ոչ Մովսէս ընտրեալ կայր առաջի նորա. դարձաւ առ Տէր եւ անցոյց զբարկութիւն նորա զի մի՛ սատակեսցին նոքա։

ԵԼՔ 1:6

Վախճանեցաւ Յովսէփ եւ ամենայն եղբարք նորա, եւ ամենայն ազգն այն։

ԵԼՔ 13:19

Եւ առ Մովսէս զոսկերսն Յովսեփու ընդ իւր. քանզի երդմնեցոյց Յովսէփ զորդիսն Իսրայելի, եւ ասէ. Եթէ այցելութեամբ այց արասցէ ձեզ Տէր, հանջիք աստի զոսկերս իմ ընդ ձեզ։

ԹԻՒՔ 20:15

եւ ո՛րպէս իջին հարքն մեր յԵգիպտոս, եւ պանդխտեցաք յԵգիպտոս աւուրս բազումս. եւ չարչարեցին զմեզ Եգիպտացիքն եւ զհարսն մեր։

ԵՐԿՐՈՐԴՈՒՄՆ ՕՐԻՆԱՑ 10:22

Եւթանասուն ոգւովք իջին հարքն քո յԵգիպտոս, եւ արդ ահա արար զքեզ Տէր Աստուած քո իբրեւ զաստեղս երկնից բազմութեամբ։

ԵՐԿՐՈՐԴՈՒՄՆ ՕՐԻՆԱՑ 26:5

եւ պատասխանի տուեալ ասասցես առաջի Տեառն Աստուծոյ քո. ԶԱսորիս եթող՝՝ հայր իմ եւ էջ յԵգիպտոս, եւ պանդխտեցաւ անդ սակաւ ինչ թուով, եւ եղեւ անդ յազգ մեծ, եւ բազմացաւ անդ յոյժ յոյժ.

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:32

Եւ զոսկերսն Յովսեփու հանին որդիքն Իսրայելի յԵգիպտոսէ, եւ թաղեցին զնա ի Սիկիմ, ի բաժնի ագարակին զոր ստացաւ Յակոբ յԱմովրհացւոցն բնակելոցն ի Սիկիմ՝՝ որոջաց հարիւրոց, եւ ետ զայն Յովսեփայ ի բաժնի։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:4

եւ ետու Իսահակայ զՅակոբ եւ զԵսաւ. եւ ետու Եսաւայ զլեառնն Սէիր ի ժառանգութիւն. եւ Յակոբ եւ որդիք նորա իջին յԵգիպտոս։