ԳՈՐԾՔ ԱՌԱՔԵԼՈՑ 5:24 - Գրաբար Աստվածաշունչ (1895)

²⁴ Իբրեւ լուան զբանս զայս իշխանք տաճարին եւ քահանայապետքն՝՝, հիանային վասն նոցա, թէ զի՛նչ արդեւք լինիցի այն։

ԳՈՐԾՔ ԱՌԱՔԵԼՈՑ 5:24 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՍԱՅԵԱՅ 9:7

Եւ ես ածից զխաղաղութիւն ի վերայ իշխանաց նորա, եւ առողջութիւն նմա. մեծ է իշխանութիւն՝՝ նորա, եւ խաղաղութեան նորա չիք սահման յաթոռն Դաւթի նստցի, եւ զարքայութիւն նորա յաջողեսցէ, եւ զօրացուսցէ՝՝ զնա իրաւամբք եւ արդարութեամբ, յայսմ հետէ եւ յաւիտեանս ժամանակաց։ Նախանձ Տեառն զօրութեանց արասցէ զայս։

ԱՒԵՏԱՐԱՆ ԸՍՏ ՂՈՒԿԱՍՈՒ 22:4

Չոգաւ եդ բանս ընդ քահանայապետսն եւ ընդ դպիրս եւ ընդ իշխանս ժողովրդեանն, զի մատնեսցէ զնա նոցա։

ԱՒԵՏԱՐԱՆ ԸՍՏ ՂՈՒԿԱՍՈՒ 22:52

Եւ ասէ ցեկեալսն ի վերայ նորա, ցքահանայապետսն եւ ցիշխանս տաճարին եւ ցծերսն. Իբրեւ ի վերայ աւազակի՞ ելէք սուսերօք եւ բրօք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:19

Իսկ փարիսեցիքն ասէին ընդ միմեանս. Տեսանէ՞ք զի ոչինչ օգտիք. ահաւասիկ աշխարհ ամենայն զկնի նորա գնաց։

ԳՈՐԾՔ ԱՌԱՔԵԼՈՑ 2:12

Սքանչանային ամենեքեան զարմացեալք, եւ ասէին ցմիմեանս. Զի՞նչ կամիցի այս լինել։

ԳՈՐԾՔ ԱՌԱՔԵԼՈՑ 4:1

Եւ մինչդեռ խօսէին նոքա ընդ ժողովրդեանն, հասին ի վերայ նոցա քահանայքն եւ իշխանք տաճարին եւ սադուկեցիքն,

ԳՈՐԾՔ ԱՌԱՔԵԼՈՑ 4:21

Նոքա սպառնացեալ արձակեցին զնոսա, եւ ոչինչ գտեալ թէ որպէս պատուհասեսցեն զնոսա վասն ժողովրդեանն, զի ամենեքեան փառաւոր առնէին զԱստուած վասն իրացն եղելոց։

ԳՈՐԾՔ ԱՌԱՔԵԼՈՑ 5:23

եւ ասեն թէ՝ Զբանտն գտաք փակեալ ամենայն զգուշութեամբ, եւ զպահապանսն՝ զի կային առ դրանն, բացաք եւ ի ներքս զոք ոչ գտաք։

ԳՈՐԾՔ ԱՌԱՔԵԼՈՑ 5:25

Եւ եկն ոմն պատմեաց նոցա թէ՝ Ահա արքն զորս եդիք ի բանտին՝ կան ի տաճարին, եւ ուսուցանեն զժողովուրդն։

ԳՈՐԾՔ ԱՌԱՔԵԼՈՑ 5:26

Յայնժամ երթեալ իշխանն սպասաւորօքն հանդերձ՝ ած զնոսա ոչ բռնութեամբ, քանզի երկնչէին ի ժողովրդենէն զի մի՛ քարկոծեսցին։