ԳՈՐԾՔ ԱՌԱՔԵԼՈՑ 5:12 - Գրաբար Աստվածաշունչ (1895)

¹² Եւ ի ձեռս առաքելոցն լինէին նշանք եւ արուեստք բազումք ի ժողովրդեանն. եւ էին միաբան ամենեքեան ի սրահին Սողոմովնի։

ԳՈՐԾՔ ԱՌԱՔԵԼՈՑ 5:12 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՐԵՄԵԱՅ 26:9

զի՞ մարգարէացար յանուն Տեառն եւ ասացեր թէ՝ Իբրեւ զՍելովմ եղիցի տունս այս, եւ քաղաքս աւերեսցի ի բնակչաց. եւ կուտեցաւ ժողովուրդն ի վերայ Երեմիայի ի տան Տեառն։

ԱՒԵՏԱՐԱՆ ԸՍՏ ՄԱՐԿՈՍԻ 16:20

Եւ նոքա ելեալ քարոզէին ընդ ամենայն երկիր Տեառն գործակցութեամբ, եւ զբանն հաստատէին ամենայն նշանօք որ երթայր զհետ նոցա։

ԱՒԵՏԱՐԱՆ ԸՍՏ ՅՈՎՀԱՆՆՈՒ 10:23

Եւ շրջէր Յիսուս ի տաճարին ի սրահին Սողոմովնի։

ԱՒԵՏԱՐԱՆ ԸՍՏ ՅՈՎՀԱՆՆՈՒ 4:48

Ասէ ցնա Յիսուս. Եթէ ոչ նշանս ինչ եւ արուեստս տեսանէք, ոչ հաւատայք։

ԳՈՐԾՔ ԱՌԱՔԵԼՈՑ 1:14

Սոքա ամենեքեան էին հանապազորդեալ միաբան յաղօթս հանդերձ կանամբք եւ Մարեմաւ մարբն Յիսուսի եւ եղբարբք նորա։

ԳՈՐԾՔ ԱՌԱՔԵԼՈՑ 14:3

Բազում ժամանակս շրջէին, համարձակեալք Տեառն վկայութեամբ, բանի շնորհաց իւրոց, եւ տալ՝՝ նշանս եւ արուեստս լինելոյ ի ձեռս նոցա։

ԳՈՐԾՔ ԱՌԱՔԵԼՈՑ 16:18

Եւ զայս առնէր ի բազում աւուրս. զայրացեալ Պաւղոս՝ դարձաւ եւ ասէ ցայսն. Պատուիրեմ քեզ յանուն Յիսուսի Քրիստոսի ելանել ի դմանէ։ Եւ ել ի նմին ժամու։

ԳՈՐԾՔ ԱՌԱՔԵԼՈՑ 19:11

Եւ զօրութիւնս ոչ սակաւս առնէր Աստուած ի ձեռն Պաւղոսի.

ԳՈՐԾՔ ԱՌԱՔԵԼՈՑ 2:46

Հանապազօր կանխեալ միաբանութեամբ ի տաճարն, եւ առտնին բեկանէին զհացն, եւ առնուին կերակուր ուրախութեամբ եւ միամտութեամբ սրտի.

ԳՈՐԾՔ ԱՌԱՔԵԼՈՑ 28:9

Եւ իբրեւ այս եղեւ, այլ հիւանդք որ էին ի կղզւոջն՝ գային եւ բժշկէին,

ԳՈՐԾՔ ԱՌԱՔԵԼՈՑ 3:11

Եւ մինչ նա ունէր զՊետրոս եւ զՅովհաննէս, ընթացաւ ամենայն ժողովուրդն առ նոսա ի սրահն որ կոչէր Սողոմովնի՝ զարմացեալք։

ԳՈՐԾՔ ԱՌԱՔԵԼՈՑ 4:30

ի ձգել զձեռն քո ի բժշկութիւն, եւ նշանս եւ արուեստս լինել անուամբն սրբոյ Որդւոյ քո Յիսուսի։

ԳՈՐԾՔ ԱՌԱՔԵԼՈՑ 9:33

Եւ եգիտ անդ այր մի, որում անուն էր Ենեա, ութեմեան դնէր ի մահիճս անդամալոյծ։

ԳՈՐԾՔ ԱՌԱՔԵԼՈՑ 9:40

Եւ հանեալ արտաքս զամենեսեան Պետրոսի՝ եդ ծունր, եկաց յաղօթս, եւ դարձաւ ի մարմինն եւ ասէ. Տաբիթա, արի կաց յանուն Տեառն Յիսուսի Քրիստոսի՝՝։ Եւ նա եբաց զաչս իւր, եւ տեսեալ զՊետրոս նստաւ կանգուն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:19

զօրութեամբ նշանաց եւ արուեստից, զօրութեամբ Հոգւոյն Սրբոյ, որպէս ինձ յԵրուսաղեմէ եւ շուրջ մինչեւ ի կողմանս Լիւրիկացւոց լնուլ զաւետարանն Քրիստոսի։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 12:12

Սակայն նշանք առաքելոյ գործեցան ի ձեզ ամենայն համբերութեամբ, նշանօք եւ արուեստիւք եւ զօրութեամբք։

ԱՌ ԵԲՐԱՅԵՑԻՍ ԹՈՒՂԹ 2:4

վկայեալ յԱստուծոյ նշանօք եւ արուեստիւք եւ պէսպէս զօրութեամբք եւ մասամբք Հոգւոյն Սրբոյ ըստ իւրոց կամաց։