ԳՈՐԾՔ ԱՌԱՔԵԼՈՑ 4:30 - Գրաբար Աստվածաշունչ (1895)

³⁰ ի ձգել զձեռն քո ի բժշկութիւն, եւ նշանս եւ արուեստս լինել անուամբն սրբոյ Որդւոյ քո Յիսուսի։

ԳՈՐԾՔ ԱՌԱՔԵԼՈՑ 4:30 ပူးပေါင်းရင်းမြစ်များ

ԵԼՔ 6:6

Երթ խօսեաց ընդ որդիսն Իսրայելի, եւ ասասցես. Ես եմ Տէր. եւ հանից զձեզ ի բռնութենէ Եգիպտացւոցդ, եւ փրկեցից զձեզ ի ծառայութենէ դոցա, եւ ապրեցուցից զձեզ բարձր բազկաւ եւ մեծամեծ դատաստանօք։

ՄԱՐԳԱՐԷՈՒԹԻՒՆ ԵՐԵՄԵԱՅ 15:15

Դու գիտես, Տէր. յիշեա զիս, Տէր. այց արա ինձ. անարատ արա զիս՝՝ ի հալածչաց իմոց, եւ մի՛ յերկարեր վասն իմ՝՝. ծանիր՝ ո՛րչափ առի վասն քո նախատինս յարհամարհողաց բանից քոց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 4:48

Ասէ ցնա Յիսուս. Եթէ ոչ նշանս ինչ եւ արուեստս տեսանէք, ոչ հաւատայք։

ԳՈՐԾՔ ԱՌԱՔԵԼՈՑ 2:22

Արք Իսրայելացիք, լուարուք զբանս զայսոսիկ. զՅիսուս Նազովրեցի, զայր ցուցեալ յԱստուծոյ ի ձեզ զօրութեամբ եւ նշանօք եւ արուեստիւք, զոր արար նովաւ Աստուած ի միջի ձերում, որպէս եւ դուք իսկ գիտէք,

ԳՈՐԾՔ ԱՌԱՔԵԼՈՑ 2:43

Եւ լինէր ամենայն անձին ահ եւ երկեւղ, եւ բազում նշանք եւ արուեստք ի ձեռս առաքելոցն գործէին։

ԳՈՐԾՔ ԱՌԱՔԵԼՈՑ 3:13

Աստուած Աբրահամու եւ Աստուած Իսահակայ եւ Աստուած Յակովբայ, Աստուած հարցն մերոց, փառաւորեաց զՈրդի իւր զՅիսուս, զոր դուքն մատնեցէք եւ ուրացարուք առաջի Պիղատոսի ի դատել նորա արձակել։

ԳՈՐԾՔ ԱՌԱՔԵԼՈՑ 3:16

Եւ հաւատովք անուան նորա զսա զոր տեսանէք եւ գիտէք՝ հաստատեաց անուն նորա. եւ հաւատքն որ նովաւ՝ ետուն դմա զառողջութիւնս զայս յանդիման ձեր ամենեցուն։

ԳՈՐԾՔ ԱՌԱՔԵԼՈՑ 3:6

Եւ ասէ Պետրոս. Արծաթ եւ ոսկի ոչ ունիմ, բայց զոր ունիմս՝ զայս տաց քեզ. յանուն Յիսուսի Քրիստոսի Նազովրեցւոյ արի եւ գնա։

ԳՈՐԾՔ ԱՌԱՔԵԼՈՑ 4:10

Յայտնի լիցի ամենեցուն ձեզ եւ ամենայն ժողովրդեանդ Իսրայելի, զի յանուն Յիսուսի Քրիստոսի Նազովրեցւոյ զոր դուքն խաչեցէք, զոր Աստուած յարոյց ի մեռելոց, նովաւ սա կայ աւասիկ առաջի ձեր ողջացեալ։

ԳՈՐԾՔ ԱՌԱՔԵԼՈՑ 4:27

Ժողովեցան արդարեւ ի քաղաքիս յայսմիկ ի վերայ սրբոյ Որդւոյ քո Յիսուսի զոր օծերն՝ Հերովդէս եւ Պոնտիոս Պիղատոս ազգօք եւ ժողովրդովք Իսրայելի,

ԳՈՐԾՔ ԱՌԱՔԵԼՈՑ 5:12

Եւ ի ձեռս առաքելոցն լինէին նշանք եւ արուեստք բազումք ի ժողովրդեանն. եւ էին միաբան ամենեքեան ի սրահին Սողոմովնի։

ԳՈՐԾՔ ԱՌԱՔԵԼՈՑ 6:8

Ստեփանոս, այր լի շնորհօք եւ զօրութեամբ, առնէր արուեստս եւ նշանս մեծամեծս ի ժողովրդեանն։

ԵՐԿՐՈՐԴՈՒՄՆ ՕՐԻՆԱՑ 4:34

եթէ յօժարեա՞լ իցէ Աստուծոյ մտանել առնուլ իւր ազգ ի միջոյ ազգի, փորձութեամբ եւ նշանօք եւ արուեստիւք եւ պատերազմաւ, հզօր ձեռամբ եւ բարձր բազկաւ եւ մեծամեծ տեսլեամբք, ըստ ամենայնի զոր արար Տէր Աստուած մեր յԵգիպտոս յանդիման քո իսկ տեսանելով։