ԳՈՐԾՔ ԱՌԱՔԵԼՈՑ 4:21 - Գրաբար Աստվածաշունչ (1895)

²¹ Նոքա սպառնացեալ արձակեցին զնոսա, եւ ոչինչ գտեալ թէ որպէս պատուհասեսցեն զնոսա վասն ժողովրդեանն, զի ամենեքեան փառաւոր առնէին զԱստուած վասն իրացն եղելոց։

ԳՈՐԾՔ ԱՌԱՔԵԼՈՑ 4:21 ပူးပေါင်းရင်းမြစ်များ

Մատթեոսի Աւետարան 15:31

մինչեւ զարմանալ ժողովրդոցն որ տեսանէին, զի համերք խօսէին, կաղք գնային, միակողմանիք բժշկէին, կոյրք տեսանէին. եւ փառաւոր առնէին զԱստուած Իսրայելի։

Մատթեոսի Աւետարան 21:46

Եւ խնդրէին զնա ունել, բայց երկեան ի ժողովրդոցն, քանզի իբրեւ զմարգարէ ունէին զնա։

Մատթեոսի Աւետարան 26:5

Բայց ասէին թէ՝ Մի՛ ի տօնի աստ, զի մի՛ խռովութիւն լինիցի ի ժողովրդեանն։

Մատթեոսի Աւետարան 9:33

Եւ յելանել դիւին՝ խօսեցաւ համրն. եւ զարմացան ժողովուրդքն եւ ասեն թէ. Եւ ոչ երբեք երեւեցաւ այսպիսի ինչ յԻսրայելի։

Մատթեոսի Աւետարան 9:8

Իբրեւ տեսին ժողովուրդքն, զարմացան եւ փառաւոր առնէին զԱստուած, զտուիչն այնպիսի իշխանութեան՝ մարդկան։

ԱՒԵՏԱՐԱՆ ԸՍՏ ՂՈՒԿԱՍՈՒ 13:17

Եւ զայս իբրեւ ասաց, յամօթ լինէին ամենեքին որ հակառակն կային նմա. եւ ամենայն ժողովուրդն ուրախ լինէր ի վերայ ամենայն փառաւորութեանցն որ գործէին ի նմանէ։

ԱՒԵՏԱՐԱՆ ԸՍՏ ՂՈՒԿԱՍՈՒ 20:19

Եւ խնդրէին դպիրքն եւ քահանայապետք արկանել ի նա ձեռս ի նմին ժամու, եւ երկեան ի ժողովրդենէն, զի գիտացին թէ առ նոսա ասաց զառակն զայն։

ԱՒԵՏԱՐԱՆ ԸՍՏ ՂՈՒԿԱՍՈՒ 20:6

Եթէ ասեմք. Յերկնից, ասէ. Իսկ ընդէ՞ր ոչ հաւատացէք նմա. եւ եթէ ասեմք. Ի մարդկանէ, ամենայն ժողովուրդն քարկոծ առնեն զմեզ. զի հաստատեալ է ի միտս զՅովհաննէ, թէ մարգարէ է։

ԱՒԵՏԱՐԱՆ ԸՍՏ ՂՈՒԿԱՍՈՒ 22:2

եւ խնդրէին քահանայապետքն եւ դպիրք թէ ո՛րպէս սպանանիցեն զնա, բայց երկնչէին ի ժողովրդենէ անտի։

ԱՒԵՏԱՐԱՆ ԸՍՏ ՂՈՒԿԱՍՈՒ 5:26

Զարմանք կալան զամենեսին, եւ փառաւոր առնէին զԱստուած. լի եղեն ահիւ, եւ ասեն եթէ՝ Տեսաք այսօր նոր նշան։

ԳՈՐԾՔ ԱՌԱՔԵԼՈՑ 4:17

Այլ զի մի՛ առաւել ճարակեսցի ի ժողովուրդն, սպառնասցուք նոցա մի՛ եւս խօսել յանունն յայն մի՛ ումեք ի մարդկանէ։

ԳՈՐԾՔ ԱՌԱՔԵԼՈՑ 4:22

Զի ամաց էր այրն աւելի քան զքառասուն, յորոյ վերայ եղեւ նշանս այս բժշկութեան։

ԳՈՐԾՔ ԱՌԱՔԵԼՈՑ 5:13

Եւ յայլոց անտի ոչ ոք իշխէր մերձենալ առ նոսա. այլ յարգէր զնոսա ժողովուրդն։

ԳՈՐԾՔ ԱՌԱՔԵԼՈՑ 5:26

Յայնժամ երթեալ իշխանն սպասաւորօքն հանդերձ՝ ած զնոսա ոչ բռնութեամբ, քանզի երկնչէին ի ժողովրդենէն զի մի՛ քարկոծեսցին։

ԳՈՐԾՔ ԱՌԱՔԵԼՈՑ 5:40

Հաւանեցան նմա, եւ կոչեցեալ զառաքեալսն՝ գան հարին, եւ պատուիրեցին մի՛ եւս խօսել յանուն Յիսուսի, եւ արձակեցին զնոսա։