ԳՈՐԾՔ ԱՌԱՔԵԼՈՑ 26:10 - Գրաբար Աստվածաշունչ (1895)

¹⁰ Զոր եւ արարի իսկ յԵրուսաղէմ. եւ զբազումս ի սրբոցն ես բանտարգել առնէի, ի քահանայապետիցն առեալ իշխանութիւն. եւ զսպանելոցն նոցա բերէի համար՝՝։

ԳՈՐԾՔ ԱՌԱՔԵԼՈՑ 26:10 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 16:3

Փորձեցեր զսիրտ իմ եւ քննեցեր ի գիշերի, փորձեցեր զիս եւ ոչ գտաւ յիս անիրաւութիւն։

ԳՈՐԾՔ ԱՌԱՔԵԼՈՑ 7:58

Եւ քարկոծ առնէին զՍտեփանոս, որ կարդայր եւ ասէր. Տէր Յիսուս, ընկալ զոգի իմ։

ԳՈՐԾՔ ԱՌԱՔԵԼՈՑ 8:1

Եւ եղեւ յաւուր յայնմիկ հալածումն մեծ ի վերայ եկեղեցւոյն յԵրուսաղէմ. եւ ամենեքեան ցրուեցան ի գեղս Հրէաստանի եւ Սամարիայ բաց յառաքելոցն։

ԳՈՐԾՔ ԱՌԱՔԵԼՈՑ 8:3

Բայց Սաւղոս վնասակար էր եկեղեցւոյն, ի տունս տունս մտանէր, քարշեալ զարս եւ զկանայս՝ մատնէր ի բանտ։

ԳՈՐԾՔ ԱՌԱՔԵԼՈՑ 9:21

Զարմացեալ էին ամենեքեան որ լսէինն, եւ ասէին. Ո՞չ սա էր որ աւար հարկանէր յԵրուսաղէմ զայնոսիկ, որ կարդային զանուն Յիսուսի՝՝. եւ այսր նմին իրի եկեալ է, զի կապեալս զսոսա տարցի առ քահանայապետսն։

ԳՈՐԾՔ ԱՌԱՔԵԼՈՑ 9:26

Իբրեւ եկն Սաւղոս յԵրուսաղէմ, ընդելանէր յարել յաշակերտսն. եւ ամենեքեան երկնչէին ի նմանէ, չհաւատային թէ իցէ աշակերտ։

ԳՈՐԾՔ ԱՌԱՔԵԼՈՑ 9:32

Եւ եղեւ ի շրջելն Պետրոսի առ ամենեքումբք, իջանել նմա եւ առ սուրբսն որ բնակեալ էին ի Լիւդդա։

ԳՈՐԾՔ ԱՌԱՔԵԼՈՑ 9:41

Ձեռն ետ նմա եւ յարոյց զնա. կոչեաց զսուրբսն եւ զայրիսն, առաջի կացոյց զնա կենդանի։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 15:9

Զի ես իսկ եմ տրուպն առաքելոց, որ չեմ իսկ արժանի թէ կոչեցայց առաքեալ, զի հալածեցի զեկեղեցին Աստուծոյ։

ԱՌ ԳԱՂԱՏԱՑԻՍ ԹՈՒՂԹ 1:13

Քանզի լուեալ իսկ է ձեր զիմ գնացսն որ երբեմն ի Հրէութեան անդ, զի անչափ հալածէի զեկեղեցին Աստուծոյ, եւ աւար հարկանէի զնա։

ԱՌ ԵՓԵՍԱՑԻՍ ԹՈՒՂԹ 1:1

Պաւղոս, առաքեալ Յիսուսի Քրիստոսի կամօքն Աստուծոյ, սրբոց որ են յԵփեսոս, եւ հաւատացելոց ի Քրիստոս.

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 17:6

Եւ տեսի զկինն արբեցեալ յարենէ սրբոց եւ յարենէ ամենայն վկայիցն՝՝. եւ զարմացայ տեսեալ զնա՝ զարմացումն մեծ։