ԳՈՐԾՔ ԱՌԱՔԵԼՈՑ 23:6 - Գրաբար Աստվածաշունչ (1895)

⁶ Իբրեւ գիտաց Պաւղոս եթէ մի կողմն սադուկեցւոց է եւ մեւսն փարիսեցւոց, աղաղակէր ի մէջ ատենին. Արք եղբարք, ես փարիսեցի եմ, որդի փարիսեցւոյ. վասն յուսոյ եւ յարութեան մեռելոց ես աւասիկ դատիմ։

ԳՈՐԾՔ ԱՌԱՔԵԼՈՑ 23:6 ပူးပေါင်းရင်းမြစ်များ

Մատթեոսի Աւետարան 10:16

Ահաւասիկ ես առաքեմ զձեզ իբրեւ զոչխարս ի մէջ գայլոց. եղերուք այսուհետեւ խորագէտք իբրեւ զօձս, եւ միամիտք իբրեւ զաղաւնիս։

Մատթեոսի Աւետարան 22:23

Յայնմ աւուր մատեան առ նա սադուկեցիքն որ ասէին թէ՝ Չիք յարութիւն. հարցին ցնա,

Մատթեոսի Աւետարան 3:7

Եւ տեսեալ զբազումս ի սադուկեցւոցն եւ ի փարիսեցւոց եկեալս ի մկրտութիւն նորա, ասէ ցնոսա. Ծնունդք իժից, ո՞ ցոյց ձեզ փախչել ի բարկութենէն որ գալոցն է։

ԳՈՐԾՔ ԱՌԱՔԵԼՈՑ 22:3

եւ նա ասէ.) Ես եմ այր Հրեայ ծնեալ ի Տարսոն Կիլիկեցւոց՝ սնեալ ի քաղաքիս յայսմիկ առ ոտս Գամաղիելի, խրատեալ ըստ ճշմարտութեան հայրենի օրինացն, նախանձայոյզ էի Աստուծոյ՝ որպէս ամենեքեան դուք այսօր։

ԳՈՐԾՔ ԱՌԱՔԵԼՈՑ 22:30

Եւ ի վաղիւ անդր կամէր գիտել զճշմարիտն, թէ զի՛նչ չարախօսութիւն իցէ Հրէիցն, արձակեաց զնա, եւ հրամայեաց կոչել զքահանայապետսն եւ զամենայն ատեանն. եւ իջուցեալ զՊաւղոս՝ կացոյց ի մէջ նոցա։

ԳՈՐԾՔ ԱՌԱՔԵԼՈՑ 22:5

որպէս եւ քահանայապետդ վկայէ ինձ եւ ամենայն ծերակոյտդ, յորոց եւ թուղթս առեալ առ եղբարս ի Դամասկոս երթայի, ածել եւ անտի կապեալս յԵրուսաղէմ, զի պատժեսցին։

ԳՈՐԾՔ ԱՌԱՔԵԼՈՑ 23:1

Եւ հայեցեալ Պաւղոսի յատեանն՝ ասէ. Արք եղբարք, ես ամենայն ուղիղ մտօք գնացեալ եմ առաջի Աստուծոյ մինչեւ ցայսօր։

ԳՈՐԾՔ ԱՌԱՔԵԼՈՑ 23:15

Բայց դուք զգացուցէք հազարապետին հանդերձ ատենիւն, զի իջուսցէ զնա առ ձեզ, որպէս թէ կամիցիք ճշմարտագոյնս ինչ գիտել զնմանէ. եւ մեք յառաջ քան զմօտել նորա՝ պատրաստ եմք ի սպանանել զնա։

ԳՈՐԾՔ ԱՌԱՔԵԼՈՑ 23:20

Եւ նա ասէ. Հրեայք միաբանեցին աղաչել զքեզ, զի ի վաղիւ զՊաւղոս իջուսցես յատեան, իբրեւ թէ կամիցին ինչ ճշմարտագոյնս հարցանել վասն նորա.

ԳՈՐԾՔ ԱՌԱՔԵԼՈՑ 23:7

Եւ զայս իբրեւ ասաց, եղեն հերձուածք փարիսեցւոցն եւ սադուկեցւոց, եւ պատառեցաւ բազմութիւնն։

ԳՈՐԾՔ ԱՌԱՔԵԼՈՑ 24:15

Ունիմ յոյս առ Աստուած, որում եւ դոքա իսկ ակն ունին թէ յարութիւն լինելոց է արդարոց եւ մեղաւորաց։

ԳՈՐԾՔ ԱՌԱՔԵԼՈՑ 24:21

Բայց միայն վասն միոյ բարբառոյս այսորիկ զոր աղաղակեցի մինչ կային ի մէջ նոցա, եթէ՝ Վասն յարութեան մեռելոց դատիմ ես այսօր ի ձէնջ։

ԳՈՐԾՔ ԱՌԱՔԵԼՈՑ 28:20

Վասն այսր պատճառանաց աղաչեցի զձեզ՝ տեսանել եւ խօսել. քանզի վասն յուսոյն Իսրայելի կամ ի շղթայս յայսոսիկ։

ԱՌ ՓԻԼԻՊԵՑԻՍ ԹՈՒՂԹ 3:5

թլփատութեամբ ութօրեայ, յազգէ Իսրայելի, ի ցեղէ Բենիամինի, Եբրայեցի յԵբրայեցւոյ, ըստ օրինացն փարիսեցի.

ԱՌ ԿՈՂՈՍԱՑԻՍ ԹՈՒՂԹ 1:5

վասն յուսոյն որ պահի ձեզ յերկինս, զորմէ յառաջագոյն լուարուք բանիւն ճշմարտութեան աւետարանին,

ԱՌ ԵԲՐԱՅԵՑԻՍ ԹՈՒՂԹ 6:19

զոր իբրեւ զխարիսխ հաստատուն եւ անշարժ ունիցիմք անձանց մերոց, որ եւ մտանիցէ ի ներքին կողմն վարագուրին.