ԳՈՐԾՔ ԱՌԱՔԵԼՈՑ 23:11 - Գրաբար Աստվածաշունչ (1895)

¹¹ Եւ ի վաղուեան գիշերին եկաց առ նմա Տէր եւ ասէ. Քաջալերեաց, Պաւղէ, զի որպէս վկայեցեր վասն իմ յԵրուսաղէմ, սոյնպէս պարտ է քեզ եւ ի Հռովմ վկայել։

ԳՈՐԾՔ ԱՌԱՔԵԼՈՑ 23:11 ပူးပေါင်းရင်းမြစ်များ

ՄԱՐԳԱՐԷՈՒԹԻՒՆ ԵՍԱՅԵԱՅ 41:10

Մի՛ երկնչիր, զի ընդ քեզ եմ. մի՛ խաբիր, զի ես եմ Աստուած քո, որ զօրացուցի զքեզ եւ օգնեցի քեզ, եւ զգուշացայ քեզ աջով արդարութեան իմոյ։

ՄԱՐԳԱՐԷՈՒԹԻՒՆ ԵՍԱՅԵԱՅ 41:14

Մի՛ երկնչիր, որդնդ Յակոբեան, զածածդ Իսրայելեան. ես օգնեցի քեզ, ասէ Աստուած, որ փրկելոցն է զքեզ՝ Սուրբն Իսրայելի։

ՄԱՐԳԱՐԷՈՒԹԻՒՆ ԵՍԱՅԵԱՅ 43:2

Եւ եթէ անցանիցես ընդ ջուրս՝ ընդ քեզ եմ, եւ գետք զքեզ մի՛ ողողեսցեն. եւ եթէ անցանիցես ընդ հուր՝ մի՛ այրեսցիս, եւ բոց նորա զքեզ մի՛ կիզցէ։

ՄԱՐԳԱՐԷՈՒԹԻՒՆ ԵՍԱՅԵԱՅ 46:10

որ պատմիցէ յառաջագոյն զվերջինսն մինչչեւ եղեալ իցեն, եւ միանգամայն կատարեսցին՝՝. եւ ասացի թէ՝ Ամենայն խորհուրդք իմ հաստատեսցին, եւ զամենայն զոր կամիմ արարից,

Մատթեոսի Աւետարան 14:27

Եւ վաղվաղակի խօսեցաւ ընդ նոսա Յիսուս եւ ասէ. Քաջալերեցարուք, ես եմ, մի՛ երկնչիք։

Մատթեոսի Աւետարան 28:20

Ուսուցէք նոցա պահել զամենայն որ ինչ պատուիրեցի ձեզ. եւ ահաւասիկ ես ընդ ձեզ եմ զամենայն աւուրս, մինչեւ ի կատարած աշխարհի։

Մատթեոսի Աւետարան 9:2

Եւ ահա մատուցին առ նա անդամալոյծ մի որ դնէր ի մահիճս. եւ տեսեալ Յիսուսի զհաւատս նոցա՝ ասէ ցանդամալոյծն. Թողեալ լիցին քեզ մեղք քո։

ԱՒԵՏԱՐԱՆ ԸՍՏ ՂՈՒԿԱՍՈՒ 16:28

են իմ անդ եղբարք հինգ, որպէս զի տացէ նոցա վկայութիւն, զի մի՛ եւ նոքա գայցեն յայս տեղի տանջանաց։

ԱՒԵՏԱՐԱՆ ԸՍՏ ՅՈՎՀԱՆՆՈՒ 14:18

Ոչ թողից զձեզ որբս, գամ առ ձեզ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:33

Զայս խօսեցայ ընդ ձեզ, զի ընդ իս խաղաղութիւն ունիցիք. յաշխարհի աստ նեղութիւն ունիցիք, այլ քաջալերեցարուք, զի ես յաղթեցի աշխարհի։

ԳՈՐԾՔ ԱՌԱՔԵԼՈՑ 18:9

Եւ ասէ Տէր ի գիշերի տեսլեամբ ցՊաւղոս. Մի՛ երկնչիր, այլ խօսեաց եւ մի՛ լռեր,

ԳՈՐԾՔ ԱՌԱՔԵԼՈՑ 19:21

Եւ իբրեւ կատարեցաւ այս, եդ Պաւղոս ի մտի շրջել ընդ Մակեդոնիա եւ ընդ Աքայիայ եւ գալ յԵրուսաղէմ. ասէր եթէ՝ Յետ երթալոյն իմ անդր՝ պարտ է ինձ եւ զՀռովմ տեսանել։

ԳՈՐԾՔ ԱՌԱՔԵԼՈՑ 2:25

Դաւիթ իսկ ասէ զնմանէ. Յառաջագոյն տեսանէի զՏէր առաջի իմ յամենայն ժամ, զի էր ընդ աջմէ իմմէ, զի մի՛ սասանեցայց.

ԳՈՐԾՔ ԱՌԱՔԵԼՈՑ 20:22

Եւ արդ ահաւասիկ ես կապեալ հոգւով երթամ յԵրուսաղէմ, եւ որ ինչ անդ ընդ իս անցանելոց իցէ՝ չգիտեմ։

ԳՈՐԾՔ ԱՌԱՔԵԼՈՑ 22:15

զի եղիցես վկայ նորա առ ամենայն մարդիկ որոց տեսերն եւ լուար։

ԳՈՐԾՔ ԱՌԱՔԵԼՈՑ 22:18

եւ տեսանել զնա զի ասէր ցիս. Փութա ել յԵրուսաղեմէ վաղվաղակի, քանզի չեն ընդունելոց զքո վկայութիւնդ վասն իմ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 9:1

Ո՞չ ապաքէն ազատ եմ, ո՞չ ապաքէն առաքեալ եմ, ո՞չ ապաքէն զՏէր մեր Յիսուս Քրիստոս աչօք իմովք՝՝ տեսի, ո՞չ ապաքէն գործ իմ դուք էք ի Տէր։

ԱՌ ՓԻԼԻՊԵՑԻՍ ԹՈՒՂԹ 1:13

մինչեւ կապանաց իմոց յայտնի լինել ի Քրիստոս յամենայն հրապարակիս եւ առ այլս ամենեսեան.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 4:17

Այլ Տէր օգնեաց ինձ, եւ զօրացոյց զիս, զի ինեւ քարոզութիւնն հաստատեսցի, եւ լուիցեն ամենայն հեթանոսք. եւ ապրեցայ ես ի բերանոյ առիւծուն։