ԳՈՐԾՔ ԱՌԱՔԵԼՈՑ 21:5 - Գրաբար Աստվածաշունչ (1895)

⁵ Եւ իբրեւ եղեւ մեզ կատարել զաւուրսն՝ ելեալ գնացաք, յուղարկեալ զմեզ ամենեցուն հանդերձ կանամբք եւ որդւովք մինչեւ արտաքոյ քաղաքին. եւ եդեալ ծունր առ ծովեզերին՝ կացաք յաղօթս։

ԳՈՐԾՔ ԱՌԱՔԵԼՈՑ 21:5 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:54

Եւ եղեւ իբրեւ կատարեաց Սողոմոն կալ յաղօթս առ Տէր զամենայն աղօթս զայս եւ զխնդրուածս, յարեաւ յերեսաց սեղանոյն Տեառն ուր կայր ի գուճս ի վերայ ծնգաց իւրոց, եւ ձեռք իւր ընդ երկինս տարածեալ,

ՄՆԱՑՈՐԴԱՑ ԵՐԿՐՈՐԴ 20:13

Եւ ամենայն Յուդաս կայր առաջի Տեառն եւ մանկունք նոցա եւ կանայք նոցա։

ԳԻՐՔ ՆԷԵՄԵԱՅ 12:43

Եւ զոհեցին յաւուր յայնմիկ զոհս մեծամեծս, եւ ուրախ եղեն յոյժ. վասն զի Աստուած արար ուրախ զնոսա յուրախութիւն մեծ. եւ կանայք նոցա եւ որդիք նոցա ուրախ եղեն, եւ լսելի եղեւ ուրախութիւն նոցա յԵրուսաղեմէ՝՝ մինչեւ ի հեռաւոր տեղիս։

ԳԻՐՔ ՍԱՂՄՈՍԱՑ 95:6

Խոստովանութիւն եւ վայելչութիւն է առաջի նորա, սրբութիւն եւ մեծվայելչութիւն ի սրբութեան նորա։

Մատթեոսի Աւետարան 14:21

Եւ որք կերանն՝ էին արք իբրեւ հինգ հազար, թող զկանայս եւ զմանկտի։

ԱՒԵՏԱՐԱՆ ԸՍՏ ՄԱՐԿՈՍԻ 1:40

Գայ առ նա բորոտ մի, աղաչէր, ի ծունր իջանէր եւ ասէր. Տէր, եթէ կամիս, կարող ես զիս սրբել։

ԱՒԵՏԱՐԱՆ ԸՍՏ ՂՈՒԿԱՍՈՒ 22:41

Եւ ինքն մեկնեցաւ ի նոցանէ իբրեւ քարընկէց մի, եդ ծունր, կայր յաղօթս,

ԳՈՐԾՔ ԱՌԱՔԵԼՈՑ 15:3

Նոքա յուղարկեալք յեկեղեցւոյն՝ շրջեցան ընդ Փիւնիկէ եւ ընդ Սամարիա. պատմէին զդարձն հեթանոսաց, եւ առնէին ուրախութիւն մեծ ամենայն եղբարց։

ԳՈՐԾՔ ԱՌԱՔԵԼՈՑ 17:10

Բայց եղբարք վաղվաղակի գիշերայն յուղարկեցին զՊաւղոս եւ զՇիղա ի Բերիա. որք իբրեւ հասին անդր, ի ժողովուրդն Հրէից գնացին։

ԳՈՐԾՔ ԱՌԱՔԵԼՈՑ 20:36

Եւ զայս իբրեւ ասաց, եդեալ ծունր ամենեքումբք՝ եկաց յաղօթս։

ԳՈՐԾՔ ԱՌԱՔԵԼՈՑ 20:38

Մորմոքէին մանաւանդ ի վերայ բանին զոր ասէր թէ ոչ եւս տեսանելոց են զերեսս նորա. եւ յուղարկեցին զնա ի նաւ անդր։

ԳՈՐԾՔ ԱՌԱՔԵԼՈՑ 9:40

Եւ հանեալ արտաքս զամենեսեան Պետրոսի՝ եդ ծունր, եկաց յաղօթս, եւ դարձաւ ի մարմինն եւ ասէ. Տաբիթա, արի կաց յանուն Տեառն Յիսուսի Քրիստոսի՝՝։ Եւ նա եբաց զաչս իւր, եւ տեսեալ զՊետրոս նստաւ կանգուն։

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 24:15

Ապա թէ ոչ իցէ ձեզ հաճոյ պաշտել զՏէր, ընտրեցէք այսօր թէ զո՛ պաշտիցէք. զաստուածս հա՞րցն ձերոց որ յայնկոյս Գետոյն էին, թէ զաստուածս Ամովրհացւոցն յորոց դուք բնակեալ էք յերկրի նոցա. այլ ես եւ տուն իմ պաշտեմ զՏէր, զի սուրբ է։՝՝

ԳԻՐՔ ՅԵՍՈՒԱՅ ՈՐԴՒՈՅ ՆԱՒԵԱՅ 8:35

Եւ ոչ էր բան յամենայնէ զոր պատուիրեաց Մովսէս Յեսուայ՝ զոր ոչ ընթերցաւ Յեսու յականջս ամենայն եկեղեցւոյն Իսրայելի, արանց եւ կանանց եւ մանկանց, եւ եկացն յեցելոցն յԻսրայէլ։