ԳՈՐԾՔ ԱՌԱՔԵԼՈՑ 21:31 - Գրաբար Աստվածաշունչ (1895)

³¹ Եւ խնդրէին զնա սպանանել. եհաս զրոյց ի հազարապետ գնդին, եթէ խռովեալ է ամենայն Երուսաղէմ։

ԳՈՐԾՔ ԱՌԱՔԵԼՈՑ 21:31 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 1:41

Եւ լուաւ Ադոնիա եւ ամենայն բազմականք նորա, եւ կատարեցին նոքա զուտելն. եւ լուաւ Յովաբ զձայն եղջերոյն, եւ ասէ. Զի՞նչ է բարբառն որ հնչէ ի քաղաքին։

Մատթեոսի Աւետարան 26:5

Բայց ասէին թէ՝ Մի՛ ի տօնի աստ, զի մի՛ խռովութիւն լինիցի ի ժողովրդեանն։

Մատթեոսի Աւետարան 27:27

Յայնժամ զինուորք դատաւորին առին զՅիսուս յապարանս, եւ ժողովեցին ի վերայ նորա զամենայն զգունդն.

ԱՒԵՏԱՐԱՆ ԸՍՏ ՄԱՐԿՈՍԻ 14:2

Բայց ասէին թէ՝ Մի՛ ի տօնի աստ, զի մի՛ խռովութիւն լինիցի ի ժողովրդեանն։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:2

Ի ժողովրդոց իւրեանց հանիցեն զձեզ. այլ եկեսցէ ժամանակ զի ամենայն որ սպանանիցէ զձեզ՝ համարիցի պաշտօն մատուցանել Աստուծոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 18:12

Իսկ գունդն եւ հազարապետն եւ սպասաւորք Հրէիցն կալան զՅիսուս եւ կապեցին.

ԳՈՐԾՔ ԱՌԱՔԵԼՈՑ 10:1

Այր մի էր ի Կեսարիա անուն Կոռնելիոս, հարիւրապետ ի գնդէ որ կոչէր Իտալացի.

ԳՈՐԾՔ ԱՌԱՔԵԼՈՑ 17:5

Եւ նախանձեցան Հրեայքն, եւ առեալ արս ոմանս գռեհիկս անօրէնս, ամբոխ արարեալ խռովեցին զքաղաքն. եւ կուտեալ յապարանսն Յասովնի, խնդրէին զնոսա ածել ի հրապարակ։

ԳՈՐԾՔ ԱՌԱՔԵԼՈՑ 19:40

Քանզի եւ մեզ վիշտ վտանգի է ընդ կռուոյս այսր աւուր՝ առանց իրիք յանցանաց լինելոյ, զորմէ ոչ կարասցուք պատասխանի տալ վասն ժողովոյս այսորիկ։ Եւ զայս ասացեալ՝ արձակեաց զժողովսն։

ԳՈՐԾՔ ԱՌԱՔԵԼՈՑ 21:38

մի՛ արդեւք դու իցես Եգիպտացին, որ յառաջ քան զայս աւուրս ապստամբեցուցեր եւ հաներ յանապատ չորս հազարս արս սիկարեանս։

ԳՈՐԾՔ ԱՌԱՔԵԼՈՑ 22:22

Եւ ունկն դնէին նմա մինչեւ ցայս բան, ապա բարձին զձայնս իւրեանց եւ ասեն. Բարձ յերկրէ զայդպիսիդ, զի չէ պարտ այդպիսւոյդ կեալ։

ԳՈՐԾՔ ԱՌԱՔԵԼՈՑ 23:17

Եւ կոչեցեալ Պաւղոսի առ իւր զմի ի հարիւրապետաց անտի՝ ասէ. Զպատանիս զայս տար առ հազարապետն, զի ունի ինչ պատմել նմա։

ԳՈՐԾՔ ԱՌԱՔԵԼՈՑ 24:22

Եւ յապաղեաց զնոսա Փելիքս, զի ստուգագոյնս գիտէր վասն ճանապարհին, ասէ. Յորժամ Լիւսիաս հազարապետ իջցէ այսր՝ տեղեկացայց վասն ձեր։

ԳՈՐԾՔ ԱՌԱՔԵԼՈՑ 24:6

Որ եւ զտաճարն իսկ կամեցաւ պղծել. զոր եւ կալաք, եւ ըստ մերոց օրինաց դատել կամեցաք։

ԳՈՐԾՔ ԱՌԱՔԵԼՈՑ 24:7

Եկեալ Լիւսիաս հազարապետ՝ մեծաւ բռնութեամբ ի ձեռաց մերոց եհան։

ԳՈՐԾՔ ԱՌԱՔԵԼՈՑ 25:23

Եւ ի վաղիւ անդր իբրեւ եկն Ագրիպպաս եւ Բերինիկէ բազում երեւելի սպասուք, եւ մտին յատեանն հանդերձ հազարապետօքն եւ արամբք պատուականօք քաղաքին. եւ հրամայեալ Փեստոսի՝ ածին զՊաւղոս։

ԳՈՐԾՔ ԱՌԱՔԵԼՈՑ 26:21

Վասն այսորիկ Հրէից կալեալ զիս ի տաճարին՝ կամէին սպանանել։