ԳՈՐԾՔ ԱՌԱՔԵԼՈՑ 21:28 - Գրաբար Աստվածաշունչ (1895)

²⁸ Արք Իսրայելացիք, օգնեցէք. այս այր է որ հակառակ ժողովրդեանն եւ օրինացն եւ տեղւոյս այսորիկ ամենեցուն ամենայն ուրեք ուսուցանէ, մինչեւ հեթանոսս եւս եմոյծ ի տաճարն եւ պղծեաց զսուրբ տեղին։

ԳՈՐԾՔ ԱՌԱՔԵԼՈՑ 21:28 ပူးပေါင်းရင်းမြစ်များ

ՈՂԲՔ 1:10

Զձեռն իւր ձգեաց նեղիչն ի վերայ ցանկալեաց իմոց. տեսի ես զհեթանոսս զի մտին ի սրբութիւն քո՝՝, որոց պատուիրեցեր թէ մի՛ մտցեն ի տեղի ժողովրդոց քոց։

Մատթեոսի Աւետարան 24:15

Արդ յորժամ տեսանիցէք զպղծութիւն աւերածոյն, որ ասացեալն է ի ձեռն Դանիելի մարգարէի, զի կայցէ ի տեղւոջն սրբութեան. (որ ընթեռնուն ի միտ առցէ.)

ԳՈՐԾՔ ԱՌԱՔԵԼՈՑ 21:21

Բայց իրազեկ եղեն վասն քո թէ ապստամբութիւն ուսուցանես ի Մովսիսէ որոց ի հեթանոսս ամենայն Հրեայք են. ասես, մի՛ թլփատել նոցա զորդիս, եւ մի՛ ըստ կրօնիցն գնալ։

ԳՈՐԾՔ ԱՌԱՔԵԼՈՑ 24:18

որովք գտին զիս սրբեալ ի տաճարին, ոչ բազմօք եւ ոչ ամբոխիւ։