ԳՈՐԾՔ ԱՌԱՔԵԼՈՑ 21:20 - Գրաբար Աստվածաշունչ (1895)

²⁰ Եւ նոցա լուեալ փառաւոր առնէին զԱստուած, եւ ասեն ցնա. Տեսանե՞ս, եղբայր, քանի բեւրք են հաւատացելոցն Հրէից, եւ ամենեքեան նախանձաւոր օրինացն են։

ԳՈՐԾՔ ԱՌԱՔԵԼՈՑ 21:20 ပူးပေါင်းရင်းမြစ်များ

Մատթեոսի Աւետարան 9:8

Իբրեւ տեսին ժողովուրդքն, զարմացան եւ փառաւոր առնէին զԱստուած, զտուիչն այնպիսի իշխանութեան՝ մարդկան։

ԱՒԵՏԱՐԱՆ ԸՍՏ ՂՈՒԿԱՍՈՒ 12:1

Որովք ի կուտել բիւրաւորաց ժողովրդեանն մինչեւ կոխել զմիմեանս, սկսաւ ասել ցաշակերտսն իւր. Նախ զգոյշ լերուք անձանց ի խմորոյ փարիսեցւոցն, որ է կեղծաւորութիւն։

ԱՒԵՏԱՐԱՆ ԸՍՏ ՂՈՒԿԱՍՈՒ 15:32

այլ ուրախ լինել եւ խնդալ պարտ էր, զի եղբայր քո այս մեռեալ էր եւ եկեաց, կորուսեալ՝ եւ գտաւ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 12:24

Ամէն ամէն ասեմ ձեզ. Եթէ ոչ հատն ցորենոյ անկեալ յերկիր մեռանիցի, ինքն միայն կայ. ապա եթէ մեռանիցի, բազում արդիւնս առնէ։

ԳՈՐԾՔ ԱՌԱՔԵԼՈՑ 11:18

Եւ լուեալ զայս լռեցին, եւ փառաւոր առնէին զԱստուած եւ ասէին. Ուրեմն եւ ի հեթանոսս ետ Աստուած զապաշխարութիւն կենաց։

ԳՈՐԾՔ ԱՌԱՔԵԼՈՑ 15:1

Եւ ոմանք իջեալ ի Հրէաստանէ ուսուցանէին զեղբարս. Եթէ ոչ թլփատիք ըստ օրինացն Մովսիսի՝ ոչ կարէք ապրել։

ԳՈՐԾՔ ԱՌԱՔԵԼՈՑ 15:24

Քանզի լուաք թէ ոմանք իբրեւ ի մէնջ խռովեցուցին զձեզ բանիւք՝ խախտել զանձինս ձեր, ասեն. Թլփատել եւ պահել զօրէնսն, որոց ոչ հրամայեցաք,

ԳՈՐԾՔ ԱՌԱՔԵԼՈՑ 15:5

Յարեան ոմանք ի հերձուածոյն փարիսեցւոց հաւատացեալք, եւ ասէին թէ՝ Պարտ է թլփատել զդոսա, եւ պատուիրել պահել զօրէնսն Մովսիսի։

ԳՈՐԾՔ ԱՌԱՔԵԼՈՑ 2:41

Ոմանք յօժարութեամբ ընկալեալ զբան նորա մկրտեցան, եւ յաւելան յաւուր յայնմիկ ոգիք իբրեւ երեք հազարք։

ԳՈՐԾՔ ԱՌԱՔԵԼՈՑ 22:3

եւ նա ասէ.) Ես եմ այր Հրեայ ծնեալ ի Տարսոն Կիլիկեցւոց՝ սնեալ ի քաղաքիս յայսմիկ առ ոտս Գամաղիելի, խրատեալ ըստ ճշմարտութեան հայրենի օրինացն, նախանձայոյզ էի Աստուծոյ՝ որպէս ամենեքեան դուք այսօր։

ԳՈՐԾՔ ԱՌԱՔԵԼՈՑ 4:21

Նոքա սպառնացեալ արձակեցին զնոսա, եւ ոչինչ գտեալ թէ որպէս պատուհասեսցեն զնոսա վասն ժողովրդեանն, զի ամենեքեան փառաւոր առնէին զԱստուած վասն իրացն եղելոց։

ԳՈՐԾՔ ԱՌԱՔԵԼՈՑ 4:4

Իսկ բազումք ի լսողաց բանին հաւատացին, եւ եղեւ թիւ մարդկանն իբրեւ հազարաց հնգից։

ԳՈՐԾՔ ԱՌԱՔԵԼՈՑ 6:7

Եւ բանն Աստուծոյ աճէր, եւ բազմանայր թիւ աշակերտացն յոյժ յԵրուսաղէմ. եւ բազում ժողովք ի քահանայիցն անսային հաւատոցն։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 10:2

Քանզի վկայեմ նոցա՝ թէ զնախանձ Աստուծոյ ունին, այլ՝ ոչ գիտութեամբ։

ԱՌ ԳԱՂԱՏԱՑԻՍ ԹՈՒՂԹ 1:14

Եւ յառաջադէմ էի ի Հրէութեանն քան զբազում հասակակիցս իմ որ յազգին իմում էին. առաւել նախանձախնդիր էի իմոյ հայրենի աւանդութեանցն։

ԱՌ ԳԱՂԱՏԱՑԻՍ ԹՈՒՂԹ 1:24

եւ փառաւոր առնէին ինեւ զԱստուած։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 1:10

յորժամ գայցէ փառաւոր լինել ի մէջ սրբոց իւրոց, եւ սքանչելի ի մէջ ամենայն հաւատացելոց, (զի հաւատարիմ եղեւ վկայութիւնն մեր ի վերայ ձեր,) յաւուր յայնմիկ։