ԳՈՐԾՔ ԱՌԱՔԵԼՈՑ 19:8 - Գրաբար Աստվածաշունչ (1895)

⁸ Եւ մտեալ ի ժողովուրդն՝ համարձակէր ամիսս երիս, խօսէր եւ հաւանեցուցանէր վասն արքայութեանն Աստուծոյ։

ԳՈՐԾՔ ԱՌԱՔԵԼՈՑ 19:8 ပူးပေါင်းရင်းမြစ်များ

ԳՈՐԾՔ ԱՌԱՔԵԼՈՑ 1:3

որոց յանդիման կացոյց զինքն կենդանի յետ չարչարանացն իւրոց ի բազում արուեստս յաւուրս քառասուն երեւել նոցա, եւ ասել վասն արքայութեանն Աստուծոյ։

ԳՈՐԾՔ ԱՌԱՔԵԼՈՑ 13:14

Եւ նոքա գնացեալ ի Պերգեայ՝ եկին յԱնտիոք Պիսիդեայ. եւ մտեալ ի ժողովուրդն յաւուր շաբաթու՝ նստան։

ԳՈՐԾՔ ԱՌԱՔԵԼՈՑ 13:46

Համարձակեալ Պաւղոսի եւ Բառնաբայ՝ ասէին. Առ ձեզ նախ պարտ էր խօսել զբանն Աստուծոյ. եւ քանզի դուք մերժէք զնա, եւ ոչ արժանիս համարիք զձեզ կենացն յաւիտենականաց, ահաւասիկ դառնամք ի հեթանոսս։

ԳՈՐԾՔ ԱՌԱՔԵԼՈՑ 14:1

Եւ եղեւ յԻկոնիոն ի միասին մտանել նոցա ի ժողովուրդ Հրէիցն եւ խօսել նոյնպէս, մինչեւ հաւատալ Հրէից եւ Յունաց բազմաց յոյժ։

ԳՈՐԾՔ ԱՌԱՔԵԼՈՑ 17:17

Եւ խօսէր ի ժողովրդեանն ընդ Հրեայս եւ ընդ պաշտօնեայսն, եւ ի հրապարակսն զամենայն օր որոց եւ պատահէին։

ԳՈՐԾՔ ԱՌԱՔԵԼՈՑ 18:19

Եւ հասեալ յԵփեսոս՝ զնոսա եթող անդ, եւ ինքն մտեալ ի ժողովուրդն խօսէր ընդ Հրեայսն։

ԳՈՐԾՔ ԱՌԱՔԵԼՈՑ 18:26

Սա սկսաւ համարձակել ի ժողովրդեանն. եւ լուեալ ի նմանէ Ակիւղայ եւ Պրիսկիղայ՝ առին զնա առ իւրեանս, եւ ճշմարտագոյնս պատմեցին նմա զճանապարհն Աստուծոյ։

ԳՈՐԾՔ ԱՌԱՔԵԼՈՑ 18:4

Եւ խօսէր ի ժողովրդեանն ըստ ամենայն շաբաթուց, եւ հաւանեցուցանէր զՀրեայս եւ զհեթանոսս։

ԳՈՐԾՔ ԱՌԱՔԵԼՈՑ 19:10

Եւ այս եղեւ զերկեամ մի, մինչեւ ամենայն բնակչացն Ասիացւոց լսել զբանն Տեառն, Հրէից եւ հեթանոսաց։

ԳՈՐԾՔ ԱՌԱՔԵԼՈՑ 19:7

Եւ էին ամենեքեան արք իբրեւ երկոտասան։

ԳՈՐԾՔ ԱՌԱՔԵԼՈՑ 19:9

Իբրեւ ոմանք խստանային եւ ընդդէմ դառնային բամբասել զճանապարհն առաջի բազմութեանն, մեկնեալ ի նոցանէ՝ որոշեաց զաշակերտսն, հանապազօր խօսէր ի դիւանին Տիւրանեայ որումն։

ԳՈՐԾՔ ԱՌԱՔԵԼՈՑ 20:31

Վասն այսորիկ արթուն կացէք եւ յիշեցէք զի զերեամ մի զցայգ եւ զցերեկ ոչ դադարեցի արտասուօք խրատել զմի մի իւրաքանչիւր։

ԳՈՐԾՔ ԱՌԱՔԵԼՈՑ 28:23

Ժամ եդեալ նմա օր մի, եկին ի վանսն առ նա բազումք, որոց պատմէր վկայութեամբ զարքայութիւն Աստուծոյ. եւ հաւանեցուցանէր զնոսա վասն Յիսուսի յօրինացն Մովսիսի եւ ի մարգարէից յայգուէ մինչեւ ցերեկոյ։

ԹՈՒՂԹ ՅՈՒԴԱՅԻ ԱՌԱՔԵԼՈՅ ԿԱԹՈՂԻԿԷ 1:3

Սիրելիք, զամենայն փոյթ յանձին կալեալ գրել ձեզ վասն մերոյ հասարակաց փրկութեանն, հարկ յանձին կալայ գրել ձեզ, եւ աղաչել զի ճգնիցիք ի վերայ հաւատոցն, որ միանգամ աւանդեցաւն սրբոց։