ԳՈՐԾՔ ԱՌԱՔԵԼՈՑ 18:26 - Գրաբար Աստվածաշունչ (1895)

²⁶ Սա սկսաւ համարձակել ի ժողովրդեանն. եւ լուեալ ի նմանէ Ակիւղայ եւ Պրիսկիղայ՝ առին զնա առ իւրեանս, եւ ճշմարտագոյնս պատմեցին նմա զճանապարհն Աստուծոյ։

ԳՈՐԾՔ ԱՌԱՔԵԼՈՑ 18:26 ပူးပေါင်းရင်းမြစ်များ

ԱՌԱԿՔ ՍՈՂՈՄՈՆԻ 1:5

որոց իբրեւ լուիցէ իմաստունն՝ իմաստնագոյն լիցի, իսկ որ հանճարեղն իցէ զառաջնորդութիւն ստասցի,

ԱՌԱԿՔ ՍՈՂՈՄՈՆԻ 25:12

Ի գինդ ոսկի սարդիոն պատուական յեռեալ, բան իմաստուն յունկնդիր լսելիս։

ԱՌԱԿՔ ՍՈՂՈՄՈՆԻ 9:9

Տուր իմաստնոյն պատճառս, եւ իմաստնագոյն եւս լիցի. տեղեկացո զարդարն, եւ յաւելցէ ընդունել։

ՄԱՐԳԱՐԷՈՒԹԻՒՆ ԵՍԱՅԵԱՅ 58:1

Գոչեա զօրութեամբ եւ մի՛ խնայեար, բարձրացո իբրեւ զփողոյ զբարբառ քո, պատմեա ժողովրդեան իմում զմեղս նոցա, եւ տանն Յակոբայ զանօրէնութիւնս նոցա։

ԱՒԵՏԱՐԱՆ ԸՍՏ ՄԱՐԿՈՍԻ 10:15

Ամէն ասեմ ձեզ. Որ ոչ ընկալցի զարքայութիւն Աստուծոյ իբրեւ զմանուկ՝ ոչ մտցէ ի նա։

ԱՒԵՏԱՐԱՆ ԸՍՏ ՂՈՒԿԱՍՈՒ 19:26

Ասեմ ձեզ եթէ՝ Ամենայնի որ ունիցի՝ տացի. եւ յայնմանէ որ ոչն ունիցի, եւ զոր ունիցին՝ բարձցի ի նմանէ։

ԱՒԵՏԱՐԱՆ ԸՍՏ ՂՈՒԿԱՍՈՒ 24:27

Եւ սկսեալ ի Մովսիսէ եւ յամենայն մարգարէիցն՝ մեկնէր նոցա որ ինչ յամենայն գիրս գրեալ է զնմանէ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 7:17

Եթէ ոք կամի զկամս նորա առնել, գիտասցէ վասն վարդապետութեանս, յԱստուծո՞յ իցէ արդեւք եթէ ես ինչ յանձնէ իմմէ խօսիմ։

ԳՈՐԾՔ ԱՌԱՔԵԼՈՑ 14:3

Բազում ժամանակս շրջէին, համարձակեալք Տեառն վկայութեամբ, բանի շնորհաց իւրոց, եւ տալ՝՝ նշանս եւ արուեստս լինելոյ ի ձեռս նոցա։

ԳՈՐԾՔ ԱՌԱՔԵԼՈՑ 18:18

Բայց Պաւղոսի տակաւին մնացեալ աւուրս բազումս, յեղբարց հրաժարեալ՝ նաւէր յԱսորիս, եւ ընդ նմա Պրիսկիղա եւ Ակիւղաս, փոքրել զգլուխ ի Կենքրա, քանզի ուխտադիր էր։

ԳՈՐԾՔ ԱՌԱՔԵԼՈՑ 18:25

Սա էր տեղեկացեալ ճանապարհին Տեառն, եւ եռայր հոգւով, խօսէր եւ ուսուցանէր ճշմարտութեամբ վասն Յիսուսի. գիտէր միայն զմկրտութիւնն Յովհաննու։

ԳՈՐԾՔ ԱՌԱՔԵԼՈՑ 19:8

Եւ մտեալ ի ժողովուրդն՝ համարձակէր ամիսս երիս, խօսէր եւ հաւանեցուցանէր վասն արքայութեանն Աստուծոյ։

ԳՈՐԾՔ ԱՌԱՔԵԼՈՑ 28:23

Ժամ եդեալ նմա օր մի, եկին ի վանսն առ նա բազումք, որոց պատմէր վկայութեամբ զարքայութիւն Աստուծոյ. եւ հաւանեցուցանէր զնոսա վասն Յիսուսի յօրինացն Մովսիսի եւ ի մարգարէից յայգուէ մինչեւ ցերեկոյ։

ԳՈՐԾՔ ԱՌԱՔԵԼՈՑ 8:31

Եւ նա ասէ. Զիա՞րդ կարիցեմ, եթէ ոչ ոք առաջնորդեսցէ ինձ։ Եւ աղաչեաց զՓիլիպպոս ելանել նստել ընդ նմա։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 12:21

Ոչ կարէ ակն ասել ցձեռն, թէ՝ Չես ինձ պիտոյ, եւ կամ դարձեալ գլուխ ցոտսն թէ՝ Չէք ինձ պիտոյ։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 3:18

Մի՛ ոք զանձն խաբեսցէ. եթէ ոք կամիցի ի ձէնջ իմաստուն լինել յաշխարհիս յայսմիկ, յիմար լիցի, զի եղիցի իմաստուն։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 8:2

Եթէ ոք կամիցի գիտել ինչ, չեւ եւս գիտաց որպէս արժան է գիտել։

ԱՌ ԵԲՐԱՅԵՑԻՍ ԹՈՒՂԹ 6:1

Վասն որոյ թողեալ զբան սկզբանն Քրիստոսի՝ ի կատարումն եկեսցուք. մի՛ միւսանգամ արկանել հիմն ապաշխարութեան ի մեռելոտի գործոց անտի, եւ հաւատոցն որ յԱստուած,

ԹՈՒՂԹ ՊԵՏՐՈՍԻ ԵՐԿՐՈՐԴ 3:18

Աճեցէք շնորհօք եւ գիտութեամբն Տեառն մերոյ եւ Փրկչին Յիսուսի Քրիստոսի. նմա փառք ե՛ւ այժմ ե՛ւ յօրն յաւիտենից։ Ամէն։