ԳՈՐԾՔ ԱՌԱՔԵԼՈՑ 17:13 - Գրաբար Աստվածաշունչ (1895)

¹³ Բայց իբրեւ գիտացին որ ի Թեսաղոնիկէ Հրեայքն էին եթէ եւ ի Բերիա պատմեցաւ ի Պաւղոսէ բանն Աստուծոյ, եկին եւ անդր շարժել եւ խռովեցուցանել զժողովուրդսն։

ԳՈՐԾՔ ԱՌԱՔԵԼՈՑ 17:13 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 21:25

Սակայն ի զուր մեծամտեաց Աքաաբ՝՝ առնել չար առաջի Տեառն, որպէս յիմարեցոյց զնա Յեզաբէլ կին իւր։

ԱՌԱԿՔ ՍՈՂՈՄՈՆԻ 15:18

Այր բարկացօղ նիւթէ զկռիւս. իսկ երկայնամիտն՝ եւ զհանդերձեալն ցածուցանէ։ Այր երկայնամիտ շիջուցանէ զդատաստանս, իսկ ամպարիշտն առաւել եւս գրգռէ՝՝։

ԱՌԱԿՔ ՍՈՂՈՄՈՆԻ 28:25

Այր ագահ գրգռէ զհակառակութիւն, իսկ որ յուսացեալ է ի Տէր՝ ընդ խնամով կեցցէ։

Մատթեոսի Աւետարան 23:13

Վա՜յ ձեզ դպրաց եւ փարիսեցւոց կեղծաւորաց, զի փակէք զարքայութիւն երկնից առաջի մարդկան. դուք ոչ մտանէք, եւ որոց մտանենն՝ չտայք թոյլ մտանել։

ԱՒԵՏԱՐԱՆ ԸՍՏ ՂՈՒԿԱՍՈՒ 12:51

Համարիք եթէ խաղաղութի՞ւն եկի տալ յերկիր. ոչ, ասեմ ձեզ, այլ բաժինս։

ԳՈՐԾՔ ԱՌԱՔԵԼՈՑ 14:2

Բայց անհաւան Հրեայքն յարուցին եւ չարացուցին զանձինս հեթանոսացն ի վերայ եղբարց։

ԳՈՐԾՔ ԱՌԱՔԵԼՈՑ 17:1

Եւ շրջեալ ընդ Ամփիպոլիս եւ ընդ Ապողոնիա՝ եկին ի Թեսաղոնիկէ, ուր էր ժողովուրդ Հրէիցն։

ԳՈՐԾՔ ԱՌԱՔԵԼՈՑ 17:10

Բայց եղբարք վաղվաղակի գիշերայն յուղարկեցին զՊաւղոս եւ զՇիղա ի Բերիա. որք իբրեւ հասին անդր, ի ժողովուրդն Հրէից գնացին։

ԳՈՐԾՔ ԱՌԱՔԵԼՈՑ 17:5

Եւ նախանձեցան Հրեայքն, եւ առեալ արս ոմանս գռեհիկս անօրէնս, ամբոխ արարեալ խռովեցին զքաղաքն. եւ կուտեալ յապարանսն Յասովնի, խնդրէին զնոսա ածել ի հրապարակ։

ԳՈՐԾՔ ԱՌԱՔԵԼՈՑ 20:4

Եւ երթայր ընդ նմա մինչեւ յԱսիա Սոսիպատրոս Պիւռեայ Բերիացի, եւ ի Թեսաղոնիկեցւոց Արիստարքոս եւ Սեկունդոս, եւ Գայիոս Դերբացի եւ Տիմոթէոս, եւ Ասիացիք՝ Տիւքիկոս եւ Տրոփիմոս։

ԳՈՐԾՔ ԱՌԱՔԵԼՈՑ 21:27

Եւ իբրեւ մերձ էին եւթն աւուրքն ի կատարել, տեսեալ զնա ի տաճարին Ասիացւոց Հրէիցն՝ զեղուին զնովաւ զամենայն զամբոխն. եւ արկեալ ի նա ձեռս՝ աղաղակէին.

ԳՈՐԾՔ ԱՌԱՔԵԼՈՑ 6:12

Եւ խռովեցին զժողովուրդն եւ զերիցունսն եւ զդպիրսն. եւ հասեալ ի վերայ՝ յափշտակեցին զնա եւ ածին յատեանն։

ԱՌ ԿՈՐՆԹԱՑԻՍ ԵՐԿՐՈՐԴ ԹՈՒՂԹ 11:26

ի ճանապարհս՝ բազում անգամ. վիշտս՝ ի գետոց, վիշտս՝ յաւազակաց, վիշտս՝ յազգէ, վիշտս՝ ի հեթանոսաց, վիշտս՝ ի քաղաքի, վիշտս՝ յանապատի, վիշտս՝ ի ծովու, վիշտս՝ ի սուտ եղբարց.