ԳՈՐԾՔ ԱՌԱՔԵԼՈՑ 16:16 - Գրաբար Աստվածաշունչ (1895)

¹⁶ Եւ եղեւ մինչ երթայաք մեք յաղօթս, պատահեաց մեզ աղախին ոմն զոր ունէր այս հարցուկ. որ շահս բազումս տայր տերանց իւրոց մոլելովն։

ԳՈՐԾՔ ԱՌԱՔԵԼՈՑ 16:16 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:6

Եւ անցոյց զորդիս իւր ընդ հուր, եւ հմայէր եւ հաւահարց լինէր. եւ արար վհուկս եւ գէտս. եւ յաճախեաց առնել չար առաջի Տեառն առ ի բարկացուցանելոյ զնա։

ՄՆԱՑՈՐԴԱՑ ԱՌԱՋԻՆ 10:13

Եւ մեռաւ Սաւուղ յանօրէնութիւնսն իւր զորս անօրինեցաւ ի Տէր, ըստ բանին Տեառն զի ոչ պահեաց. վասն զի՝՝ եհարց Սաւուղ վհկաւն խնդրել, եւ պատասխանի արար նմա Սամուէլ մարգարէ,՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 8:19

Եւ եթէ ասիցեն ցձեզ. Խնդրեցէք զվհուկս եւ զգետնակոչս եւ զզրախօսս եւ զորովայնակոչս, ոչ իբրեւ զազգ ոք որ՝՝ յԱստուծոյ իւրմէ խնդրիցէ. զի՞նչ խնդրիցեն վասն կենդանեաց ի մեռելոց անտի.

ՂԵՒՏԱԿԱՆ 19:31

Զհետ վհկաց մի՛ երթայցէք եւ ի գէտս մի՛ յարիցիք պղծել նոքօք. ես եմ Տէր Աստուած ձեր.

ՂԵՒՏԱԿԱՆ 20:27

Եւ այր կամ կին որ լինիցի վհուկ կամ գէտ, մահու մեռցի. քարամբք քարկոծեցէք զնոսա զի մահապարտք են։

ՂԵՒՏԱԿԱՆ 20:6

Եւ անձն որ երթիցէ զհետ վհկաց կամ գիտաց՝ պոռնկել զկնի նոցա, հաստատեցից զերեսս իմ ի վերայ անձինն այնորիկ, եւ կորուսից զնա ի ժողովրդենէ իւրմէ։

ԳՈՐԾՔ ԱՌԱՔԵԼՈՑ 16:13

յաւուր շաբաթու ելաք արտաքոյ քաղաքին առ գետափնն ուր համարէին աղօթս մատուցանել, եւ նստեալ խօսէաք ընդ ժողովեալ կանայսն։

ԳՈՐԾՔ ԱՌԱՔԵԼՈՑ 16:18

Եւ զայս առնէր ի բազում աւուրս. զայրացեալ Պաւղոս՝ դարձաւ եւ ասէ ցայսն. Պատուիրեմ քեզ յանուն Յիսուսի Քրիստոսի ելանել ի դմանէ։ Եւ ել ի նմին ժամու։

ԳՈՐԾՔ ԱՌԱՔԵԼՈՑ 16:19

Իբրեւ տեսին տեարք նորա եթէ հատաւ յոյս շահի նոցա, առեալ զՊաւղոս եւ զՇիղա՝ ձգեցին ի հրապարակ առ իշխանսն։

ԳՈՐԾՔ ԱՌԱՔԵԼՈՑ 19:24

Իսկ Դեմետրիոս ոմն անուն արծաթագործ գործէր մեհեանս արծաթիս Արտեմիս դից, եւ տայր ճարտարացն լինել ոչ սակաւ շահ.

ԱՌ ԳԱՂԱՏԱՑԻՍ ԹՈՒՂԹ 5:20

կռապաշտութիւն, կախարդութիւն, թշնամութիւն, հեռ, նախանձ, բարկութիւն, հակառակութիւնք, երկպառակութիւնք, հերձուածք,

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 6:10

Զի արմատ ամենայն չարեաց արծաթսիրութիւն է. որում ոմանց ցանկացեալ՝ վրիպեցան ի հաւատոցն, եւ զանձինս արկին ընդ բազում ցաւովք։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 3:8

Այլ որպէս Յանէսն եւ Յամրէս հակառակ կացին Մովսիսի, նոյնպէս եւ սոքա հակառակ կան ճշմարտութեանն. մարդք ապականեալք մտօք՝ անպիտանք ի հաւատս։

ԹՈՒՂԹ ՊԵՏՐՈՍԻ ԵՐԿՐՈՐԴ 2:3

Եւ ագահութեամբ մտացածին բանիւք առնիցեն զձեզ վտարանդիս. որոց դատաստանն ի բնէ ոչ դատարկանայ, եւ կորուստն նոցա ոչ նիրհէ։

ԹԱԳԱՒՈՐՈՒԹԵԱՆՑ ԱՌԱՋԻՆ 28:3

Եւ Սամուէլ մեռաւ, եւ կոծեցան զնա ամենայն Իսրայէլ, եւ թաղեցին զնա ի քաղաքին իւրում յԱրիմաթեմ։ Եւ Սաւուղ եբարձ զվհուկս եւ զգէտս յերկրէ։

ԹԱԳԱՒՈՐՈՒԹԵԱՆՑ ԱՌԱՋԻՆ 28:7

Եւ ասէ Սաւուղ ցծառայս իւր. Խնդրեցէք ինձ կին մի վհուկ, եւ երթայց առ նա եւ խնդրեցից նովաւ։ Եւ ասեն ծառայքն նորա ցնա. Ահա է կին մի վհուկ յԱյենդովր։