ԳՈՐԾՔ ԱՌԱՔԵԼՈՑ 16:12 - Գրաբար Աստվածաշունչ (1895)

¹² եւ անտի ի Փիլիպպուս, որ է առաջին վիճակ Մակեդոնացւոց՝ քաղաք Կողովնիա. եւ անդ ի քաղաքին դադարեալ մեր աւուրս ինչ,

ԳՈՐԾՔ ԱՌԱՔԵԼՈՑ 16:12 ပူးပေါင်းရင်းမြစ်များ

ԳՈՐԾՔ ԱՌԱՔԵԼՈՑ 16:10

Եւ իբրեւ զտեսիլն ետես, վաղվաղակի խնդրեցաք ելանել ի Մակեդոնիա, տեղեկացեալք թէ հրաւիրեաց զմեզ Տէր աւետարանել նոցա։

ԳՈՐԾՔ ԱՌԱՔԵԼՈՑ 16:21

եւ պատմեն մեզ օրէնս զոր չէ արժան մեզ ընդունել եւ ոչ առնել, զի Հռովմայեցիք եմք։

ԳՈՐԾՔ ԱՌԱՔԵԼՈՑ 16:9

Եւ տեսիլ երեւեցաւ ի գիշերի Պաւղոսի. այր ոմն Մակեդոնացի կայր, աղաչէր զնա եւ ասէր. Անցեալ ի Մակեդոնիա օգնեսցես մեզ։

ԳՈՐԾՔ ԱՌԱՔԵԼՈՑ 18:5

Իբրեւ իջին ի Մակեդոնիայ Շիղա եւ Տիմոթէոս, ստիպէր հոգւովն Պաւղոս դնել վկայութիւն Հրէիցն թէ Յիսուս է Քրիստոսն։

ԳՈՐԾՔ ԱՌԱՔԵԼՈՑ 19:21

Եւ իբրեւ կատարեցաւ այս, եդ Պաւղոս ի մտի շրջել ընդ Մակեդոնիա եւ ընդ Աքայիայ եւ գալ յԵրուսաղէմ. ասէր եթէ՝ Յետ երթալոյն իմ անդր՝ պարտ է ինձ եւ զՀռովմ տեսանել։

ԳՈՐԾՔ ԱՌԱՔԵԼՈՑ 19:29

Եւ լցաւ քաղաքն խռովութեամբ, դիմեցին առ հասարակ ի թէատրոնն, յափշտակեցին զԳայիոս եւ զԱրիստարքոս Մակեդոնացի, զուղղեկիցսն Պաւղոսի։

ԳՈՐԾՔ ԱՌԱՔԵԼՈՑ 20:1

Եւ յետ դադարելոյ ամբոխին՝ կոչեաց Պաւղոս զաշակերտսն, եւ մխիթարեաց.՝՝ ողջոյն ետ եւ ել գնաց ի Մակեդոնիայ։

ԳՈՐԾՔ ԱՌԱՔԵԼՈՑ 20:3

Իբրեւ արար անդ ամիսս երիս, եղեւ նմա դաւ ի Հրէիցն, մինչդեռ կամէր ելանել յԱսորիս. խորհուրդ կալաւ դառնալ ընդ Մակեդոնիա։

ԳՈՐԾՔ ԱՌԱՔԵԼՈՑ 20:6

Եւ մեք նաւեցաք յետ աւուրցն բաղարջակերաց ի Փիլիպպեայ, եւ եկաք առ նոսա ի Տրովադա՝ մինչեւ յաւուրս հինգ. անդ դադարեցաք աւուրս եւթն։

ԳՈՐԾՔ ԱՌԱՔԵԼՈՑ 27:2

Եւ ելեալ ի նաւ մի Ադրամինտացի, որ երթալոց էր ի կողմանս Ասիացւոց, գնացաք. էր ընդ մեզ եւ Արիստարքոս Մակեդոն Թեսաղոնիկեցի։

ՊԱՒՂՈՍԻ ԱՌԱՔԵԼՈՅ ԱՌ ՀՌՈՎՄԱՅԵՑԻՍ ԹՈՒՂԹ 15:26

Քանզի հաճոյ թուեցաւ Մակեդոնացւոցն եւ Աքայեցւոցն հաղորդութիւն ինչ առնել ընդ աղքատս սրբոցն որ ենն յԵրուսաղէմ։

ԱՌ ՓԻԼԻՊԵՑԻՍ ԹՈՒՂԹ 1:1

Պաւղոս եւ Տիմոթէոս, ծառայք Յիսուսի Քրիստոսի, ամենայն սրբոց ի Քրիստոս Յիսուս, որ են ի կողմանս Փիլիպեցւոց, եպիսկոպոսակցօք եւ սարկաւագօք.

ԱՌ ՓԻԼԻՊԵՑԻՍ ԹՈՒՂԹ 1:5

վասն հաղորդութեան ձերոյ ընդ աւետարանին յօրէ յառաջնմէ մինչեւ ցայժմ.

ԱՌ ԹԵՍԱՂՈՆԻԿԵՑԻՍ ԱՌԱՋԻՆ ԹՈՒՂԹ 2:2

այլ յառաջագոյն չարչարեալք եւ թշնամանեալք որպէս եւ դուք իսկ գիտէք, ի մէջ Փիլիպեցւոց, համարձակեցաք Աստուծով մերով՝ պատմել ձեզ զաւետարանն Աստուծոյ մեծաւ պատերազմաւ։