ԳՈՐԾՔ ԱՌԱՔԵԼՈՑ 13:31 - Գրաբար Աստվածաշունչ (1895)

³¹ որ ելեալ էին ընդ նմա ի Գալիլէէ յԵրուսաղէմ. որք եւ արդ իսկ վկայք են նորա առ ժողովուրդն։

ԳՈՐԾՔ ԱՌԱՔԵԼՈՑ 13:31 ပူးပေါင်းရင်းမြစ်များ

Մատթեոսի Աւետարան 28:16

Իսկ մետասան աշակերտքն գնացին ի Գալիլեա ի լեառնն՝ ուր ժամադիր եղեւ նոցա Յիսուս։

ԱՒԵՏԱՐԱՆ ԸՍՏ ՂՈՒԿԱՍՈՒ 24:48

Եւ դուք էք վկայք այսոցիկ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 15:27

եւ դուք վկայէք, զի ի սկզբանէ ընդ իս էք։

ԳՈՐԾՔ ԱՌԱՔԵԼՈՑ 1:11

որք եւ ասացին. Արք Գալիլեացիք, զի՞ կայք հայեցեալ ընդ երկինս. այս Յիսուս որ վերացաւն ի ձէնջ յերկինս՝ սոյնպէս եկեսցէ զոր օրինակ տեսէք զնա երթեալ յերկինս։

ԳՈՐԾՔ ԱՌԱՔԵԼՈՑ 1:22

սկսեալ ի մկրտութենէն Յովհաննու մինչեւ յօրն յորում վերացաւ ի մէնջ, վկայ յարութեան նորա ընդ մեզ լինել միում ի սոցանէ։

ԳՈՐԾՔ ԱՌԱՔԵԼՈՑ 1:3

որոց յանդիման կացոյց զինքն կենդանի յետ չարչարանացն իւրոց ի բազում արուեստս յաւուրս քառասուն երեւել նոցա, եւ ասել վասն արքայութեանն Աստուծոյ։

ԳՈՐԾՔ ԱՌԱՔԵԼՈՑ 1:8

այլ առջիք զօրութիւն ի հասանել Հոգւոյն Սրբոյ ի վերայ ձեր. եւ եղիջիք ինձ վկայք յԵրուսաղէմ եւ յամենայն Հրէաստանի եւ ի Սամարիա եւ մինչեւ ի ծագս երկրի։

ԳՈՐԾՔ ԱՌԱՔԵԼՈՑ 10:39

Եւ մեք վկայ եմք ամենայնի զոր արար յերկրին Հրէաստանի եւ յԵրուսաղէմ. զոր եւ սպանին կախեալ զփայտէ։

ԳՈՐԾՔ ԱՌԱՔԵԼՈՑ 10:41

ոչ ամենայն ժողովրդեանն, այլ մեզ վկայիցս յառաջագոյն ընտրելոցս յԱստուծոյ, որք եւ կերաք եւ արբաք ընդ նմա յետ յարութեան նորա ի մեռելոց։

ԳՈՐԾՔ ԱՌԱՔԵԼՈՑ 2:32

Զայս Յիսուս յարոյց Աստուած, որում ամենեքին մեք վկայ եմք։

ԳՈՐԾՔ ԱՌԱՔԵԼՈՑ 3:15

Եւ զԱռաջնորդ կենացն սպանէք, զոր Աստուած յարոյց ի մեռելոց, որում մեք իսկ վկայ եմք։

ԳՈՐԾՔ ԱՌԱՔԵԼՈՑ 5:32

Եւ մեք եմք նորա վկայք բանիցս այսոցիկ, եւ Հոգին Սուրբ զոր ետ Աստուած հնազանդելոց իւրոց։