ՅՈՎՀԱՆՆՈՒ ԵՐՐՈՐԴ՝՝ 1:2 - Գրաբար Աստվածաշունչ (1895)

² Սիրելի, վասն ամենայն իրաց քոց յաջողութեան եւ առողջութեան աղօթս առնեմ. որպէս է իսկ յաջողութիւն անձինդ քո։

ՅՈՎՀԱՆՆՈՒ ԵՐՐՈՐԴ՝՝ 1:2 ပူးပေါင်းရင်းမြစ်များ

Մատթեոսի Աւետարան 9:12

Իսկ Յիսուս իբրեւ լուաւ, ասէ ցնոսա. Ոչ է պիտոյ բժիշկ կարողաց, այլ՝ հիւանդաց։

ԱՌ ՓԻԼԻՊԵՑԻՍ ԹՈՒՂԹ 2:27

Եւ արդարեւ խօթացաւ մերձ ի մահ, այլ Աստուած ողորմեցաւ նմա. ոչ նմա միայն՝ այլ եւ ինձ, զի մի՛ տրտմութիւն ի վերայ տրտմութեան կրիցեմ։

ԱՌ ՓԻԼԻՊԵՑԻՍ ԹՈՒՂԹ 2:4

մի՛ զանձանց եւեթ գիտել, այլ՝ իւրաքանչիւր ոք զընկերին։

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 1:3

Գոհանալ պարտիմք զԱստուծոյ յամենայն ժամ վասն ձեր, եղբարք, որպէս եւ արժան իսկ է. զի եւս քան զեւս աճեն հաւատք ձեր, եւ յաճախէ սէր իւրաքանչիւր ամենեցուն ձեր առ միմեանս.

ԱՌ ԹԵՍԱՂՈՆԻԿԵՑԻՍ ԵՐԿՐՈՐԴ ԹՈՒՂԹ 2:13

յոր եւ կոչեացն զձեզ աւետարանաւն մերով ի փրկութիւն փառացն Տեառն մերոյ Յիսուսի Քրիստոսի։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 5:12

Յառաջ քան զամենայն ինչ, եղբարք իմ, մի՛ երդնուցուք, մի՛ յերկինս, մի՛ յերկիր, մի՛ յայլ ինչ երդումն, այլ եղիցի ձեր այոն՝ այո, եւ ոչն՝ ոչ, զի մի՛ ի կեղծաւորութիւն ինչ՝՝ անկանիցիք։

ՊԵՏՐՈՍԻ ԱՌԱՋԻՆ՝՝ 4:8

Նախ քան զամենայն սէր սերտ ունել ընդ միմեանս. զի սէր ծածկէ զբազմութիւն մեղաց։

ԹՈՒՂԹ ՊԵՏՐՈՍԻ ԵՐԿՐՈՐԴ 3:18

Աճեցէք շնորհօք եւ գիտութեամբն Տեառն մերոյ եւ Փրկչին Յիսուսի Քրիստոսի. նմա փառք ե՛ւ այժմ ե՛ւ յօրն յաւիտենից։ Ամէն։

ՅՈՎՀԱՆՆՈՒ ԵՐՐՈՐԴ՝՝ 1:1

Յերիցուէ առ Գայիոս սիրելի, զոր եսդ սիրեմ ճշմարտութեամբ։

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 2:9

Տեսի զգործս քո եւ զնեղութիւն եւ զաղքատութիւն, (այլ աղքատութիւն քո մեծութիւն եղիցի՝՝,) եւ զհայհոյութիւնն, որ ասէին զինքեանս Հրեայս գոլ՝ եւ չէին ինչ, այլ՝ ժողով Սատանայի։