ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:7 - Գրաբար Աստվածաշունչ (1895)

⁷ Իմա՛ զինչ ասեմս. տացէ քեզ Տէր իմաստութիւն յամենայնի.

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:7 ပူးပေါင်းရင်းမြစ်များ

ՄՆԱՑՈՐԴԱՑ ԱՌԱՋԻՆ 22:12

Եւ տացէ քեզ Տէր հանճար եւ իմաստութիւն, եւ զօրացուսցէ զքեզ ի վերայ Իսրայելի, եւ պահեսցես առնել զօրէնս Տեառն Աստուծոյ քո։

ՄՆԱՑՈՐԴԱՑ ԱՌԱՋԻՆ 29:19

Եւ Սողոմոնի որդւոյ իմում տուր սիրտ բարի՝ առնել զպատուիրանս քո եւ զվկայութիւնս քո եւ զհրամանս քո, եւ ի կատարումն ածել զպատրաստութիւն տան քո՝՝։

ԳԻՐՔ ՍԱՂՄՈՍԱՑ 64:9

Եւ երկիցեն բնակիչք երկրի ի նշանաց քոց. յելս առաւօտու եւ ընդ երեկոյս զուարճասցին։՝՝

ԱՌԱԿՔ ՍՈՂՈՄՈՆԻ 24:32

Յետոյ ասիցէ թէ՝ Զղջացայ ես՝՝, հայեցայ եւ ընտրեցի զխրատ։

ՄԱՐԳԱՐԷՈՒԹԻՒՆ ԵՍԱՅԵԱՅ 1:3

Ծանեաւ եզն զստացիչ իւր, եւ էշ զմսուր տեառն իւրոյ. եւ Իսրայէլ զիս ոչ ծանեաւ, եւ ժողովուրդ իմ զիս ի միտ ոչ առ։

ՄԱՐԳԱՐԷՈՒԹԻՒՆ ԵՍԱՅԵԱՅ 28:26

Եւ խրատեսցիս դու իրաւամբք Աստուծոյ քո, եւ ուրախ եղիցես։՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 5:12

Փողովք եւ թմբկաւ եւ քնարաւ եւ երգովք զգինին ըմպեն, եւ ի գործս Տեառն ոչ հային, եւ զգործս ձեռաց նորա ոչ առնուն ի միտ։

ԱՒԵՏԱՐԱՆ ԸՍՏ ՂՈՒԿԱՍՈՒ 21:15

Զի ես տաց ձեզ բերան եւ իմաստութիւն, որում ոչ կարիցեն կալ հակառակ կամ տալ պատասխանի ամենայն հակառակորդքն ձեր։

ԱՒԵՏԱՐԱՆ ԸՍՏ ՂՈՒԿԱՍՈՒ 24:45

Յայնժամ եբաց զմիտս նոցա իմանալ զգիրս։

ԱՒԵՏԱՐԱՆ ԸՍՏ ՂՈՒԿԱՍՈՒ 9:44

Եւ զարմանային ամենեքեան ի վերայ մեծամեծացն Աստուծոյ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 14:26

Իսկ Մխիթարիչն, Հոգին Սուրբ, զոր առաքեսցէ Հայր յանուն իմ, նա ուսուսցէ ձեզ զամենայն, եւ յիշեցուսցէ զամենայն զոր ինչ ասացի ձեզ։

ԱՒԵՏԱՐԱՆ ԸՍՏ ՅՈՎՀԱՆՆՈՒ 16:13

Յորժամ եկեսցէ նա, Հոգին ճշմարտութեան, առաջնորդեսցէ ձեզ ամենայն ճշմարտութեամբ. զի ոչ եթէ յանձնէ ինչ խօսիցի, այլ զոր լսիցէ՝ խօսիցի, եւ զգալոցն պատմեսցէ ձեզ։

ԳՈՐԾՔ ԱՌԱՔԵԼՈՑ 7:10

եւ փրկեաց զնա յամենայն նեղութեանց նորա, եւ ետ նմա շնորհս եւ իմաստութիւն առաջի փարաւոնի արքային Եգիպտացոց. եւ կացոյց զնա իշխան Եգիպտացւոցն եւ ամենայն տան նորա։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 12:8

Ումեմն ի Հոգւոյն տուեալ է բան իմաստութեան. այլում՝ բան գիտութեան ըստ նմին Հոգւոյ.

ԵՐԿՐՈՐԴՈՒՄՆ ՕՐԻՆԱՑ 32:29

եւ ոչ խորհեցան ի միտ առնուլ զայս. արդ ընկալցին առ յապա ժամանակս՝՝։

ԵՐԿՐՈՐԴՈՒՄՆ ՕՐԻՆԱՑ 4:39

Եւ ծանիցես այսօր եւ դարձցիս մտօք, զի Տէր Աստուած քո՝՝, նա է Աստուած յերկինս ի վեր եւ յերկիր ի խոնարհ եւ չիք այլ ոք բաց ի նմանէ։

ԱՌ ՓԻԼԻՊԵՑԻՍ ԹՈՒՂԹ 4:8

Այսուհետեւ, եղբարք, որ ինչ ճշմարտութեամբ է, որ ինչ պարկեշտութեամբ, որ ինչ արդարութեամբ, որ ինչ սրբութեամբ, որ ինչ սիրով, որ ինչ համբաւ բարեաց, որ ինչ քաջութեամբ, որ ինչ գովութեամբ՝ զայն խորհիջիք։

ԱՌ ԿՈՂՈՍԱՑԻՍ ԹՈՒՂԹ 1:9

Վասն այնորիկ եւ մեք, յօրէ յորմէ լուաք, ոչ դադարեմք վասն ձեր աղօթս առնել եւ խնդրուածս մատուցանել, զի լնուցուք զգիտութիւն կամաց նորա ամենայն իմաստութեամբ եւ հոգեւոր հանճարով.

ԱՌ ՏԻՄՈԹԷՈՍ ԱՌԱՋԻՆ ԹՈՒՂԹ 4:15

Յայդ խորհեաց եւ ի դոյն կանխեսջիր, զի քո յառաջադիմութիւնդ ամենեցուն յայտնի լիցի։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:6

Եւ հողագործին աշխատելոյ պարտ է նախ ի պտղոյն վայելել։

ԱՌ ՏԻՄՈԹԷՈՍ ԵՐԿՐՈՐԴ ԹՈՒՂԹ 2:8

յիշեա զՔրիստոս Յիսուս յարուցեալ ի մեռելոց, ի զաւակէ Դաւթի, ըստ աւետարանիս իմում.

ԱՌ ԵԲՐԱՅԵՑԻՍ ԹՈՒՂԹ 12:3

Աղէ ածէք զմտաւ, որ զայսպիսի համբերութիւն ի մեղաւորաց հակառակութենէ անտի կրեաց, զի մի՛ աշխատք լինիցիք անձամբք ձերովք եւ լքանիցիք։

ԱՌ ԵԲՐԱՅԵՑԻՍ ԹՈՒՂԹ 13:7

Յիշեցէք զառաջնորդս ձեր որ խօսեցան ձեզ զբանն Աստուծոյ. հայեցեալք յելս գնացից նոցա՝ նմանողք եղերուք հաւատոցն։

ԱՌ ԵԲՐԱՅԵՑԻՍ ԹՈՒՂԹ 3:1

Ուստի, եղբարք սուրբք, երկնաւոր կոչմանն բաժանորդք, նայեցարուք ընդ Առաքեալն եւ ընդ Քահանայապետ խոստովանութեան մերոյ ընդ Յիսուս Քրիստոս.

ԱՌ ԵԲՐԱՅԵՑԻՍ ԹՈՒՂԹ 7:4

Արդ տեսէք որպիսի ոք էր սա, որում եւ Աբրահամ տասանորդս ետ յաւարէ անտի, նահապետն։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 1:5

Ապա թէ ոք ի ձէնջ իցէ նուազեալ յիմաստութենէ, խնդրեսցէ յԱստուծոյ որ տայն ամենայնի առատապէս եւ ոչ նախատէ, եւ տացի նմա։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:15

Ոչ է իմաստութիւնս այս իջեալ ի վերուստ, այլ՝ երկրաւոր, շնչաւոր եւ դիւական։

ՍՐԲՈՅ ԱՌԱՔԵԼՈՅՆ ՅԱԿՈՎԲԱՅ ԿԱԹՈՂԻԿԷ՝՝ 3:17

Իսկ վերին իմաստութիւնն նախ զի սուրբ է, եւ ապա խաղաղարար, հեզ, դիւրահաւան, լի ողորմութեամբ եւ պտղովք բարեաց, անխիղճ, առանց կեղծաւորութեան։

ՅՈՎՀԱՆՆՈՒ ԱՌԱՋԻՆ՝՝ 5:20

Եւ գիտեմք եթէ Որդին Աստուծոյ եկն, եւ ետ մեզ միտս զի ծանիցուք զճշմարիտն. եւ եմք ի ճշմարտին Որդւոյ նորա Յիսուսի Քրիստոսի. զի նա է ճշմարիտ Աստուած եւ կեանք յաւիտենական։