ԹԱԳԱՒՈՐՈՒԹԵԱՆՑ ԵՐԿՐՈՐԴ 8:1 - Գրաբար Աստվածաշունչ (1895)

¹ Եւ եղեւ յետ այսորիկ եհար Դաւիթ զայլազգիսն եւ վանեաց զնոսա, եւ ա՛ռ Դաւիթ զզատուցեալսն ի ձեռաց այլազգեացն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 8:1 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 19:9

Եւ ամենայն ժողովուրդն խղճէր յամենայն ցեղսն Իսրայելի. եւ ասէին. Արքայ Դաւիթ փրկեաց զմեզ յամենայն թշնամեաց մերոց, եւ նա ապրեցոյց զմեզ ի ձեռաց այլազգեաց. եւ արդ փախստական է յերկրէս եւ ի թագաւորութենէ իւրմէ յԱբիսողոմայ.

ԹԱԳԱՒՈՐՈՒԹԵԱՆՑ ԵՐԿՐՈՐԴ 2:24

Եւ պնդեցան Յովաբ եւ Աբեսսա զկնի Աբեններեայ. եւ արեւն եմուտ, եւ նոքա մտին մինչեւ ցբլուրն Ամմանայ որ է յանդիման Գայեայ, ընդ ճանապարհ անապատին Գաբաւոնի։

ԹԱԳԱՒՈՐՈՒԹԵԱՆՑ ԵՐԿՐՈՐԴ 22:44

Եւ փրկեսցես զիս ի կռուոյ ժողովրդոց, եւ պահեսցես զիս ի գլուխ ազգաց. ժողովուրդ զոր ոչ գիտէի՝ ծառայեաց ինձ, եւ ի լուր ունկան լուան ինձ։՝՝

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:17

Եւ լուան այլազգիքն եթէ օծեալ է Դաւիթ թագաւոր ի վերայ Իսրայելի, եւ ելին ամենայն այլազգիքն խնդրել զԴաւիթ. եւ լուաւ Դաւիթ եւ էջ յամրոցն։

ԹԱԳԱՒՈՐՈՒԹԵԱՆՑ ԵՐԿՐՈՐԴ 5:25

Եւ արար Դաւիթ որպէս հրաման ետ նմա Տէր, եւ եհար զայլազգիսն ի Գաբաւոնէ մինչեւ ցԳազերա։

ԹԱԳԱՒՈՐՈՒԹԵԱՆՑ ԵՐԿՐՈՐԴ 7:9

եւ էի ընդ քեզ ամենայն ուրեք ուր եւ երթայիր. եւ սատակեցի զամենայն թշնամիս քո յերեսաց քոց, եւ արարի զքեզ անուանի ըստ անուանց մեծամեծաց որ ի վերայ երկրի։

ԳԻՐՔ ՍԱՂՄՈՍԱՑ 60:2

Լուր, Աստուած, աղօթից իմոց, եւ նայեաց, Տէր, յաղօթս իմ։

ԳԻՐՔ ՍԱՂՄՈՍԱՑ 60:8

Կայ եւ մնայ յաւիտեան առաջի Աստուծոյ. ողորմութիւն, եւ ճշմարտութիւն ոյք խնդրեսցեն ի նմանէ՝՝։

ԱՌ ԵԲՐԱՅԵՑԻՍ ԹՈՒՂԹ 11:33

որք հաւատովք պարտեցին զթագաւորութիւնս, գործեցին զարդարութիւն, հասին աւետեաց. խցին զբերանս առիւծուց,

ԱՌ ԵԲՐԱՅԵՑԻՍ ԹՈՒՂԹ 11:34

շիջուցին զզօրութիւն հրոյ, ապրեցան ի բերանոյ սրոյ, զօրացան ի տկարութենէ, եղեն զօրաւորք ի պատերազմի, առին զբանակս օտարաց.

ԹԱԳԱՒՈՐՈՒԹԵԱՆՑ ԱՌԱՋԻՆ 7:13

Եւ կորացոյց Տէր զայլազգիսն. եւ ոչ եւս յաւելին ելանել ի վերայ սահմանացն Իսրայելի. եւ եղեւ ձեռն Տեառն ի վերայ այլազգեացն զամենայն աւուրս Սամուելի։