ԹԱԳԱՒՈՐՈՒԹԵԱՆՑ ԵՐԿՐՈՐԴ 22:23 - Գրաբար Աստվածաշունչ (1895)

²³ Զի ամենայն իրաւունք նորա առաջի իմ են, եւ յարդարութեանց նորա ոչ հեռացայ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 22:23 ပူးပေါင်းရင်းမြစ်များ

ԳԻՐՔ ՍԱՂՄՈՍԱՑ 119:6

Բազում անգամ բնակեաց անձն իմ ընդ այնոսիկ ոյք ատէին զողջոյն։

ԱՒԵՏԱՐԱՆ ԸՍՏ ՂՈՒԿԱՍՈՒ 1:6

Եւ էին արդարք երկոքին առաջի Աստուծոյ, գնային յամենայն պատուիրանս եւ յիրաւունս Տեառն անարատք։

ԱՒԵՏԱՐԱՆ ԸՍՏ ՅՈՎՀԱՆՆՈՒ 15:14

Դուք բարեկամք էք իմ, եթէ առնիցէք զոր եսն պատուիրեմ ձեզ։

ԵՐԿՐՈՐԴՈՒՄՆ ՕՐԻՆԱՑ 17:20

զի մի՛ հպարտանայցէ սիրտ նորա ի վերայ եղբարց իւրոց, զի մի՛ անցանիցէ զպատուիրանօքս յաջ կամ յահեակ. զի երկայնակեաց լիցի յիշխանութեան իւրում ինքն եւ որդիք իւր ի մէջ որդւոցն Իսրայելի։

ԵՐԿՐՈՐԴՈՒՄՆ ՕՐԻՆԱՑ 7:12

Եւ եղիցի յորժամ լուիցէք զամենայն իրաւունս զայսոսիկ եւ պահիցէք եւ առնիցէք զսոսա, պահեսցէ քեզ Տէր Աստուած քո զուխտն եւ զողորմութիւն որպէս երդուաւ հարցն մերոց,

ԵՐԿՐՈՐԴՈՒՄՆ ՕՐԻՆԱՑ 8:11

Հայեաց յանձն քո, գուցէ մոռանայցես զՏէր Աստուած քո՝ չպահել զպատուիրանս նորա եւ զդատաստանս եւ զիրաւունս նորա զոր ես քեզ պատուիրեմ։