ԹԱԳԱՒՈՐՈՒԹԵԱՆՑ ԵՐԿՐՈՐԴ 15:27 - Գրաբար Աստվածաշունչ (1895)

²⁷ Եւ ասէ արքայ ցՍադովկ քահանայ. Տեսէք, զի դու դառնաս՝՝ խաղաղութեամբ ի քաղաք, եւ Աքիմաաս որդի քո եւ Յովնաթան որդի Աբիաթարայ՝ երկոքին որդիք ձեր ընդ ձեզ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:27 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐԿՐՈՐԴ 17:17

Եւ Յովնաթան եւ Աքիմաաս կային առ աղբերն Ռովգելայ, եւ չոգաւ աղախին մի եւ պատմեաց նոցա, եւ նոքա գնացին եւ պատմեցին զայս արքայի Դաւթի. զի ոչ կարէին մտանել երեւել ի քաղաքին։

ԹԱԳԱՒՈՐՈՒԹԵԱՆՑ ԱՌԱՋԻՆ 9:9

Եւ յառաջ ի մէջ Իսրայելի այսպէս ասէր իւրաքանչիւր ոք յորժամ երթայր հարցանել զԱստուած. Եկայք երթիցուք առ տեսանօղն։ Զի զմարգարէ յառաջ տեսանօղ կոչէր ժողովուրդն։

ՄՆԱՑՈՐԴԱՑ ԱՌԱՋԻՆ 25:5

Ամենեքեան սոքա որդիք Եմանայ, որք նուագէին առաջի՝՝ արքայի բանիւքն Աստուծոյ՝ բարձրացուցանել եղջերեաւն. եւ ետ Աստուած որդիս Եմանայ հնգետասան, եւ դստերս երիս։

ԹԱԳԱՒՈՐՈՒԹԵԱՆՑ ԵՐԿՐՈՐԴ 24:11

Եւ յարեաւ Դաւիթ ընդ առաւօտն. եւ բան Տեառն եղեւ ի վերայ Գադայ մարգարէի տեսանողի առ Դաւիթ՝՝, եւ ասէ.

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:36

Եւ ահա են ընդ նոսա երկոքեան որդիք իւրեանց, Աքիմաաս որդի Սադովկայ եւ Յովնաթան որդի Աբիաթարայ. եւ առաքեսջիք ի ձեռն նոցա առ իս զամենայն բան զոր եւ լսիցէք։

ԹԱԳԱՒՈՐՈՒԹԵԱՆՑ ԵՐԿՐՈՐԴ 15:34

ապա թէ դարձցիս ի քաղաք, եւ ասասցես ցԱբիսողոմ, եթէ՝ Անցին եղբարք քո, եւ արքայ կաթոգին էր զկնի իմ, եւ անց հայր քո. եւ արդ՝՝ ծառայ քո եմ, արքայ, եւ թող կացից առաջի քո.՝՝ ծառայ հօր քո էի յայնժամ, եւ արդ քո ծառայ եմ ես, արքայ. եւ ցրեսցես յինէն զխորհուրդն Աքիտոփելայ։

ԹԱԳԱՒՈՐՈՒԹԵԱՆՑ ԱՌԱՋԻՆ 9:6

Եւ ասէ ցնա պատանին. Ահա այր Աստուծոյ է ի քաղաքիս յայսմիկ, այր փառաւոր, եւ զամենայն զոր ինչ խօսիցի՝ լինելով լինի. եւ արդ երթիցուք անդր, զի պատմեսցէ մեզ զճանապարհս մեր, եւ գնասցուք։

ԹԱԳԱՒՈՐՈՒԹԵԱՆՑ ԵՐՐՈՐԴ 1:42

Եւ մինչդեռ նա խօսէր ահա Յովնաթան որդի Աբիաթարու քահանայի եհաս. եւ ասէ Ադոնիա. Մուտ զի այր զօրութեան ես դու, եւ բարութիւնս աւետարանես։

ԹԱԳԱՒՈՐՈՒԹԵԱՆՑ ԵՐՐՈՐԴ 4:15

Աքիմաս՝ ի Նեփթաղիմ. սա առ զՄասեմաթ դուստր Սողոմոնի կնութեան.

ՄՆԱՑՈՐԴԱՑ ԱՌԱՋԻՆ 6:8

Աքիտովբ ծնաւ զՍադովկ, Սադովկ ծնաւ զԱքիմաաս,

ԹԱԳԱՒՈՐՈՒԹԵԱՆՑ ԵՐԿՐՈՐԴ 18:19

Եւ Աքիմաաս որդի Սադովկայ ասէ. Ընթացայց տարայց աւետիս արքայի, զի արար նմա Տէր իրաւունս ի ձեռաց թշնամեաց իւրոց։