ԹԱԳԱՒՈՐՈՒԹԵԱՆՑ ԵՐԿՐՈՐԴ 14:26 - Գրաբար Աստվածաշունչ (1895)

²⁶ Եւ ի փոքրել զհերս իւր լինէր ի սկսանելոյ աւուրց յաւուրս՝՝ փոքրել, զի կարի ծանրանայր ի վերայ նորա, եւ յորժամ փոքրէր, եւ կշռէր զհեր գլխոյ իւրոյ երկերիւր սիկղ ըստ արքունական սկեղ։

ԹԱԳԱՒՈՐՈՒԹԵԱՆՑ ԵՐԿՐՈՐԴ 14:26 ပူးပေါင်းရင်းမြစ်များ

ԾՆՈՒՆԴՔ 23:16

Եւ իբրեւ լուաւ Աբրահամ յԵփրոնէ, կշռեաց զարծաթն Եփրոնի, զոր խօսեցաւ յականջս որդւոցն Քետայ, չորեքհարեւր սատեր արծաթոյ ընտրոյ վաճառականաց։

ԹԱԳԱՒՈՐՈՒԹԵԱՆՑ ԵՐԿՐՈՐԴ 18:9

Եւ դիպեցաւ Աբիսողոմ առաջի ծառայիցն Դաւթի. եւ Աբիսողոմ էր հեծեալ ի ջորւոջ իւրում, եւ եմուտ ջորին ընդ թաւ կաղնեաւ մեծաւ, եւ պատեցաւ գլուխ նորա ընդ կաղնեաւն, եւ կախեցաւ ընդ երկինս եւ ընդ երկիր, եւ ջորին անց ի ներքոյ նորա։

ՄԱՐԳԱՐԷՈՒԹԻՒՆ ԵՍԱՅԵԱՅ 3:24

Եւ եղիցի փոխանակ հոտոցն անուշից՝ փոշի, եւ փոխանակ կամարացն՝ չուան գօտի, եւ փոխանակ ոսկի զարդու գլխոյն՝ կնտութիւն՝ վասն գործոց քոց, եւ փոխանակ ոսկեհուռ դիպակին՝ քուրձ զգեցցիս։

ՄԱՐԳԱՐԷՈՒԹԻՒՆ ԵԶԵԿԻԵԼԻ 44:20

Եւ զգլուխս իւրեանց մի գերծցեն, եւ զվարսս իւրեանց մի՛ անօսրացուսցեն, ծածկելով ծածկեսցեն՝՝ զգլուխս իւրեանց։

ՂԵՒՏԱԿԱՆ 19:36

Զոյգք արդարք եւ կշիռք արդարք, եւ չափք արդարք, եւ կապիճ՝՝ արդար լինիցի ձեր, ես եմ Տէր Աստուած ձեր որ հանի զձեզ յերկրէն Եգիպտացւոց։

ԱՌ ԿՈՐՆԹԱՑԻՍ ԱՌԱՋԻՆ ԹՈՒՂԹ 11:14

Եւ ո՞չ բնութիւնն իսկ ուսուցանէ զձեզ, զի այր, եթէ գիսաւոր է, անարգանք են նմա.