17 Եւ ելին արք քաղաքին ի պատերազմ ընդ Յովաբայ, եւ անկան ի զօրուէ ծառայիցն Դաւթի եւ մեռան՝՝, եւ Ուրիա Քետացի մեռաւ։
Եւ եղեւ ի պահել Յովաբայ զքաղաքն, եւ ետ զՈւրիա ի տեղին ուր գիտէր թէ արք զօրութեան էին անդ։
Եւ առաքեաց Յովաբ եւ պատմեաց արքայի զամենայն զրոյց պատերազմին։
Ո՞ եհար զԱբիմելէք զորդի Յերոբաաղայ որդւոյ Ներեայ՝՝. ո՞չ ապաքէն կին մի բեկոր երկանի ընկէց ի վերայ նորա ի վերուստ ի պարսպէն, եւ մեռաւ ի Թամասի. ընդէ՞ր մօտեցայք ի պարիսպն. եւ ասասցես թէ՝ Եւ ծառայ քո Ուրիա Քետացի մեռաւ։
Եւ ընդէ՞ր անարգեցեր զբան Տեառն առնել չար առաջի աչաց նորա. զՈւրիա Քետացի հարեր դու սրով, եւ զկին նորա առեր դու քեզ կնութեան, եւ զնա սպաներ սրով որդւոցն Ամոնայ։