ԹԱԳԱՒՈՐՈՒԹԵԱՆՑ ՉՈՐՐՈՐԴ 4:14 - Գրաբար Աստվածաշունչ (1895)

¹⁴ Եւ ասէ. Զի՞նչ պարտ իցէ առնել նմա։ Եւ ասէ Գէեզի պատանեակն նորա. Եւ կարի իսկ քաջ, քանզի որդի ոչ գոյ նմա, եւ այրն իւր չէ ինչ ծեր՝՝։

ԹԱԳԱՒՈՐՈՒԹԵԱՆՑ ՉՈՐՐՈՐԴ 4:14 ပူးပေါင်းရင်းမြစ်များ

ԾՆՈՒՆԴՔ 17:17

Անկաւ Աբրահամ ի վերայ երեսաց իւրոց եւ ծիծաղեցաւ. եւ խօսեցաւ ի սրտի իւրում եւ ասէ, թէ՝ Հարիւրամենի՝ որդի՞ լինիցի, եւ Սառա՝ իննըսնամեայ ծնանիցի՞։

ԾՆՈՒՆԴՔ 25:21

Եւ աղաչէր Իսահակ զՏէր վասն Ռեբեկայ կնոջ իւրոյ զի ամուլ էր։ Եւ լուաւ նմա Աստուած, եւ յղացաւ Ռեբեկա կին նորա։

ԾՆՈՒՆԴՔ 30:1

Իբրեւ ետես Ռաքէլ եթէ ոչ ծնաւ որդի Յակոբայ, նախանձեցաւ Ռաքէլ ընդ քեռն իւրում, եւ ասէ ցՅակոբ. Տուր ինձ որդիս, ապա թէ ոչ՝ մեռանիմ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 4:13

Եւ ասէ ցպատանին. Ասա ցնա. Ահա կազմեցեր մեզ զայս ամենայն կազմած, զի՞նչ պարտ իցէ առնել քեզ. եթէ իցե՞ն քո բանք ինչ առ արքայ եւ կամ առ իշխան զօրուն։ Եւ նա ասէ. Ի մէջ ժողովրդեան իմոյ բնակեալ եմ ես։

ԹԱԳԱՒՈՐՈՒԹԵԱՆՑ ՉՈՐՐՈՐԴ 4:15

Եւ ասէ. Կոչեա զնա։ Եւ կոչեաց զնա, եւ եկաց առ դուրսն։

ԱՒԵՏԱՐԱՆ ԸՍՏ ՂՈՒԿԱՍՈՒ 1:7

Եւ ոչ գոյր նոցա որդեակ, քանզի Եղիսաբեթ ամուլ էր, եւ երկոքեան անցեալ էին զաւուրբք իւրեանց։

ԴԱՏԱՒՈՐՔ 13:2

Եւ եղեւ այր մի ի Սարաայ ի ցեղէ Դանայ, եւ անուն նորա Մանովէ. եւ կին նորա ամուլ էր եւ ոչ ծնանէր։

ԹԱԳԱՒՈՐՈՒԹԵԱՆՑ ԱՌԱՋԻՆ 1:2

Եւ էին նորա երկու կանայք. անուն միումն Աննա, եւ անուն երկրորդին՝ Փեննանա. եւ էին Փեննանայի որդիք եւ Աննայի ոչ գոյր որդի։

ԹԱԳԱՒՈՐՈՒԹԵԱՆՑ ԱՌԱՋԻՆ 1:8

Եւ ասէ ցնա Եղկանա այր իւր. Աննա։ Եւ ասէ ցնա. Աւասիկ եմ, տէր։ Եւ ասէ ցնա. Զի՞ է քեզ զի՝՝ լաս, եւ ընդէ՞ր ոչ ուտես, եւ ընդէ՞ր հարկանէ զքեզ սիրտ քո. ո՞չ լաւ եմ ես քեզ քան զտասն որդի։