ԹԱԳԱՒՈՐՈՒԹԵԱՆՑ ՉՈՐՐՈՐԴ 23:6 - Գրաբար Աստվածաշունչ (1895)

⁶ եւ զանտառն ի տանէ Տեառն արտաքոյ Երուսաղեմի ի հեղեղատն Կեդրոնի. եւ այրեաց զայն ի հեղեղատին Կեդրոնի, եւ մանրեաց իբրեւ զփոշի, եւ ցանեաց զմոխիրն նորա ի գերեզմանս որդւոց ժողովրդեանն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:6 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 14:23

Եւ շինեցին նոքա իւրեանց բարձունս եւ անտառս ի վերայ ամենայն բլրոյ բարձու, եւ ի ներքոյ ամենայն վարսաւոր ծառոց։

ԹԱԳԱՒՈՐՈՒԹԵԱՆՑ ԵՐՐՈՐԴ 15:13

Եւ զՄաաքա զմայր իւր ի բաց արար ի տիկնութենէ. քանզի արար ժողովս յանտառին իւրում.՝՝ եւ կոտորեաց Ասա զամրոցս նորա, եւ այրեաց հրով ի հեղեղատին Կեդրոնի։

ԹԱԳԱՒՈՐՈՒԹԵԱՆՑ ԵՐՐՈՐԴ 16:33

Եւ արար Աքաաբ անտառ. եւ յաւել Աքաաբ առնել առ ի բարկացուցանել զՏէր Աստուած Իսրայելի քան զամենայն թագաւորս Իսրայելի եղեալս յառաջ քան զնա։

ԹԱԳԱՒՈՐՈՒԹԵԱՆՑ ԵՐՐՈՐԴ 2:37

եւ եղիցի յաւուր ելանելոյ քո թէ անցանիցես ընդ հեղեղատն Կեդրոնի, գիտելով գիտասջիր զի մահու մեռանիցիս, եւ արիւն քո ի գլուխ քո եղիցի։ Եւ երդուաւ նմա արքայ յաւուր յայնմիկ։՝՝

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:26

եւ հանին զարձան տանն Բահաղու, եւ այրեցին զնա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 10:27

Եւ կործանեցին զարձանսն Բահաղու, եւ քակեցին զտունն Բահաղու, եւ կարգեցին զնա ի լուալիս մինչեւ ցայսօր։

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:7

Եւ եդ զդրօշեալս անտառաց ի տան Տեառն՝՝, զորմէ ասաց Տէր ցԴաւիթ եւ ցՍողոմոն որդի նորա, թէ՝ Ի տանս յայսմիկ եւ յԵրուսաղէմ զոր ընտրեցի յամենայն ցեղիցն Իսրայելի՝ եդից զանուն իմ յաւիտեան,

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:12

Եւ զսեղանս որ ի վերայ տանեաց վերնատանն, զոր արարին թագաւորք Յուդայ, եւ զսեղանս զոր արար Մանասէ յերկուս սրահս տանն Տեառն, քակեաց զայն արքայ եւ կործանեաց անտի, եւ ընկէց զհողն նոցա ի հեղեղատն Կեդրոնի։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:15

Եւ զսեղանն որ ի Բեթէլ զբարձր՝՝, զոր արար Յերոբովամ որդի Նաբատայ որ մեղոյցն զԻսրայէլ, եւ զայն եւս սեղան զբարձր կործանեաց եւ խորտակեաց զքարինս նորա՝՝, եւ մանրեաց իբրեւ զփոշի, եւ այրեաց զանտառն։

ՄՆԱՑՈՐԴԱՑ ԵՐԿՐՈՐԴ 15:16

Եւ զՄաաքա զմայրն իւր ի բաց մերժեաց, վասն զի էր Աստարտեայ պաշտօնեայ. եւ խորտակեաց զկուռսն եւ այրեաց ի հեղեղատին Կեդրոնի։

ՄՆԱՑՈՐԴԱՑ ԵՐԿՐՈՐԴ 33:3

Եւ դարձաւ շինեաց զբարձաւանդակս զորս կործանեաց Եզեկիաս հայրն նորա, եւ կանգնեաց արձանս Բահաղիմայ. եւ արար անտառս. եւ երկիր եպագ ամենայն զօրութեան երկնից, եւ ծառայեաց նոցա։

ՄՆԱՑՈՐԴԱՑ ԵՐԿՐՈՐԴ 34:4

Եւ կործանեաց դէմ յանդիման իւր զսեղանս Բահաղիմայցն եւ զբարձաւանդակսն յորոց վերայ էին. եւ կոտորեաց զանտառսն՝՝, եւ զդրօշեալսն եւ զձուլածոյսն փշրեաց եւ մանրեաց եւ ընկէց յանդիման շիրմացն այնոցիկ որք զոհէին նոցա։

ԵԼՔ 32:20

Եւ առեալ զորթն զոր արարին՝ այրեաց հրով, եւ խարտեաց զնա մանր, եւ ցանեաց ի վերայ ջրոցն եւ արբոյց որդւոցն Իսրայելի։

ՄԱՐԳԱՐԷՈՒԹԻՒՆ ԵՐԵՄԵԱՅ 17:2

ի ժամանակի յորում՝՝ յիշեսցեն որդիք նոցա զսեղանս իւրեանց, եւ զանտառս իւրեանց ի վերայ ծառոց վարսաւորաց եւ ի վերայ բլրոց բարձանց,

ՄԱՐԳԱՐԷՈՒԹԻՒՆ ԵՐԵՄԵԱՅ 22:18

Վասն այդորիկ այսպէս ասէ Տէր ի վերայ Յովակիմայ որդւոյ Յովսեայ արքայի Յուդայ. Զայրդ զայդ մի՛ կոծեսցեն, եւ մի՛ ասասցեն. Վա՜յ, վա՜յ, եղբայր, վա՜յ, վա՜յ, եղբայր. մի՛ կոծեսցեն եւ ասասցեն. Վա՜յ, վա՜յ, Տէր, վա՜յ, վա՜յ, սիրելի։

ՄԱՐԳԱՐԷՈՒԹԻՒՆ ԵՐԵՄԵԱՅ 31:40

Եւ ամենայն ձորն Փաքադիմայ եւ մոխրոցն, եւ ամենայն Սարեմովթն, մինչեւ ի ձորն Կեդրոնի, մինչեւ ցանկիւն դրան Ասպաստանացն արեւելից, սրբութիւն Տեառն. եւ մի՛ եւս խլեսցին, եւ մի՛ եւս քակեսցին մինչեւ յաւիտեան։

ԱՒԵՏԱՐԱՆ ԸՍՏ ՅՈՎՀԱՆՆՈՒ 18:1

Զայս իբրեւ ասաց Յիսուս, ել աշակերտօքն հանդերձ յայնկոյս ձորոյն Կեդրովնի, ուր էր պարտէզ, յոր եմուտ ինքն եւ աշակերտքն իւր։

ԵՐԿՐՈՐԴՈՒՄՆ ՕՐԻՆԱՑ 7:25

Զդրօշեալս դից նոցա այրեսցես հրով, եւ մի՛ ցանկանայցես արծաթոյ եւ ոսկւոյ ի նոցանէ, եւ մի՛ առնուցուս քեզ, եւ մի՛ յանցանիցես նովաւ. զի գարշելի է այն Տեառն Աստուծոյ քում։

ԵՐԿՐՈՐԴՈՒՄՆ ՕՐԻՆԱՑ 9:21

Եւ զմեղսն ձեր զոր արարէք, զորթն, առի եւ այրեցի զնա հրով, եւ կոտորեցի եւ խորտակեցի զնա յոյժ, մինչեւ եղեւ մանր իբրեւ զփոշի, եւ ընկեցի զփոշին ի վտակն որ իջանէր ի լեռնէ անտի։

ԴԱՏԱՒՈՐՔ 3:7

Եւ արարին որդիքն Իսրայելի չար առաջի Տեառն, եւ մոռացան զՏէր Աստուած իւրեանց եւ պաշտեցին զԲահաղ եւ զանտառսն։