ԹԱԳԱՒՈՐՈՒԹԵԱՆՑ ՉՈՐՐՈՐԴ 23:33 - Գրաբար Աստվածաշունչ (1895)

³³ Եւ փոխեաց զնա փարաւոն Նեքաւով ի Ռեբղաթա յերկիրն Եմաթայ՝ չթագաւորել նմա յԵրուսաղէմ. եւ արկ հարկ երկրին հարեւր տաղանդ արծաթոյ եւ տասն տաղանդ՝՝ ոսկւոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:33 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 8:65

Եւ արար Սողոմոն յաւուր յայնմիկ տօն, եւ ամենայն Իսրայէլ ընդ նմա եկեղեցի մեծ, ի մտիցն Եմաթայ մինչեւ ցգետն Եգիպտացւոց. առաջի Տեառն Աստուծոյ մերոյ ի տանն զոր շինեաց, ուտելով եւ ըմպելով եւ ուրախ լինելով առաջի Տեառն Աստուծոյ մերոյ՝՝ զեւթն օր եւ զեւթն օր, աւուրս չորեքտասան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:14

Եւ առաքեաց Եզեկիա արքայ Յուդայ հրեշտակս առ արքայ Ասորեստանեայց ի Լաքիս եւ ասէ. Մեղայ, դարձիր յինէն, եւ զոր ինչ դիցես ի վերայ իմ՝ բարձից։ Եւ եդ արքայն Ասորեստանեայց ի վերայ Եզեկեայ արքայի Յուդայ երեքհարեւր տաղանդ արծաթոյ եւ երեսուն տաղանդ ոսկւոյ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:29

Յաւուրսն յայնոսիկ՝՝ ել փարաւոն Նեքաւով արքայ Եգիպտացւոց ի վերայ արքային Ասորեստանեայց առ Եփրատ գետով. եւ գնաց Յովսիա արքայ ընդ առաջ նորա. եւ սպան զնա ի Մակեդով ի տեսանելն նորա զնա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:35

Եւ զարծաթն եւ զոսկին ետ Յովակիմ փարաւոնի. սակայն ճշդով գրեցին զերկիրն տալ զարծաթն բանիւ փարաւոնի. այր ըստ սակի իւրում ետուն զարծաթ եւ զոսկի հանդերձ ժողովրդեամբ երկրին տալ փարաւոնի Նեքաւովայ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:20

Եւ առ զնոսա Նաբուզարդան դահճապետ, եւ տարաւ զնոսա առ արքայն Բաբելոնի ի Ռեբղաթա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 25:6

եւ կալան զթագաւորն եւ ածին առ արքայն Բաբելոնի ի Ռեբղաթա. եւ խօսեցաւ ընդ նմա դատաստանօք։

ԵԼՔ 21:22

Իսկ եթէ կռուիցին արք երկու, եւ հարկանիցեն զկին յղի եւ ելանիցէ սաղմն աննկար, կէս վնասու՝՝ տուժեսցի, որչափ ինչ արկանիցէ նմա այր կնոջն, եւ տացէ աղաչելով։

ԱՌԱԿՔ ՍՈՂՈՄՈՆԻ 19:19

Այր չարաբար՝ բազումս տուժեսցի, եւ եթէ եւս ժանտանայցէ՝ եւ զանձն եւս դիցէ ի վերայ։

ՄԱՐԳԱՐԷՈՒԹԻՒՆ ԵՐԵՄԵԱՅ 46:2

Եգիպտացւոց՝՝, ի վերայ զօրացն փարաւոնի Նեքաւովայ արքային Եգիպտացւոց, որ էր առ Եփրատ գետով ի Քարքամիս, զոր եհար Նաբուքոդոնոսոր արքայ Բաբելացւոց, յամին չորրորդի Յովակիմայ որդւոյ Յովսեայ արքայի Հրէաստանի։

ՄԱՐԳԱՐԷՈՒԹԻՒՆ ԵԶԵԿԻԵԼԻ 19:7

Որսայր յանդգնութեամբ իւրով. զքաղաքս՝՝ կործանէր, եւ զերկիրն լրիւ իւրով ապականէր ի մռնչելոյ բարբառոյ իւրոյ։

ՄԱՐԳԱՐԷՈՒԹԻՒՆ ԵԶԵԿԻԵԼԻ 19:9

Գայլ ի բերան հարին, եւ տարան գայռագղիւ առ արքայն Բաբելացւոց, եւ արկին զնա ի բանտ. զի մի՛ եւս լուիցի բարբառ նորա ի վերայ լերանցն Իսրայելի։

ԹԻՒՔ 13:21

եւ զի՞նչ իցէ երկիրն, պարա՞րտ իցէ եթէ տկար. եթէ իցէ՞ ի նմա ծառատունկ եթէ ոչ։ Եւ ժրասջիք, առջիք ի պտղոյ երկրին։ Եւ աւուրք գարնայնոյ էին աւուրքն՝՝ խայծուածոյ խաղողոյ։

ԹԻՒՔ 34:11

եւ իջանիցեն սահմանքն ի Սեպփամարայ ցԲեղա, յարեւելից կողմանէ աղբերացն. եւ իջցեն սահմանքն ի Բեղայ մինչեւ ցծովն Քենարայ յարեւելից կողմանէ.