ԹԱԳԱՒՈՐՈՒԹԵԱՆՑ ՉՈՐՐՈՐԴ 23:2 - Գրաբար Աստվածաշունչ (1895)

² Եւ ել արքայ ի տուն Տեառն, եւ ամենայն այր Յուդայ եւ ամենայն բնակիչք Երուսաղեմի ընդ նմա, եւ քահանայք եւ մարգարէք եւ ամենայն ժողովուրդն ընդ նմա ի փոքուէ մինչեւ ցմեծ. եւ ընթերցաւ յականջս նոցա զամենայն բանս մատենի ուխտին գտելոյ ի տան Տեառն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:2 ပူးပေါင်းရင်းမြစ်များ

ԾՆՈՒՆԴՔ 19:11

Եւ զարսն որ առ դուրս տանն կային՝ հարին կուրութեամբ ի փոքուէ մինչեւ ցմեծն, եւ լքան խնդրել զդուրսն։

ԹԱԳԱՒՈՐՈՒԹԵԱՆՑ ԵՐՐՈՐԴ 8:9

Եւ ոչ ինչ գոյր ի տապանակին, բայց երկու տախտակքն քարեղէնք տախտակք ուխտի՝՝, զորս եդ անդ Մովսէս ի Քորեբ, զորս ուխտեաց Տէր ընդ որդիսն Իսրայելի յելանել նոցա յերկրէն Եգիպտացւոց։

ԹԱԳԱՒՈՐՈՒԹԵԱՆՑ ՉՈՐՐՈՐԴ 22:8

Եւ ասէ Քեղկիա քահանայ մեծ ցՍափան դպրապետ. Մատեան օրինաց գտի ի տան Տեառն։ Եւ ետ Քեղկիա ցՍափան. եւ ընթերցաւ զայն։

ՄՆԱՑՈՐԴԱՑ ԵՐԿՐՈՐԴ 15:13

եւ ամենայն որ ոչ խնդրիցէ զՏէր Աստուած Իսրայելի՝ մեռցի յերիտասարդէ մինչեւ ի ծերն եւ յառնէ մինչեւ ցկին։

ՄՆԱՑՈՐԴԱՑ ԵՐԿՐՈՐԴ 17:9

եւ ուսուցանէին զՅուդա, եւ ընդ նոսա գիրք օրինացն Տեառն, եւ անցանէին ընդ քաղաքսն Յուդայ, եւ ուսուցանէին զժողովուրդն։

ԳԻՐՔ ՆԷԵՄԵԱՅ 13:1

Յաւուր յայնմիկ կարդային զգիրս Մովսիսի ի լսելիս ժողովրդեանն. եւ գտաւ ի նմա գրեալ այսպէս, եթէ՝ Մի՛ մտցէ Ամոնացի եւ Մովաբացի յեկեղեցի Աստուծոյ յաւիտեանս ժամանակաց,

ԳԻՐՔ ՆԷԵՄԵԱՅ 9:3

Եւ կային ի կարգի իւրեանց. եւ կարդայր Եզրա զգիրս օրինացն Տեառն Աստուծոյ. եւ երկիր պագանէին ամենայն ժողովուրդքն՝՝ Տեառն Աստուծոյ իւրեանց։

ԳԻՐՔ ՅՈԲԱՅ 3:19

Փոքր եւ մեծ անդ են, եւ ծառայ աներկեւղ ի տեառնէ իւրմէ։

ՄԱՐԳԱՐԷՈՒԹԻՒՆ ԵՐԵՄԵԱՅ 34:8

Բանն որ եղեւ առ Երեմիա ի Տեառնէ, յետ կատարելոյ Սեդեկեայ արքայի զուխտն ընդ ամենայն ժողովրդեանն որ յԵրուսաղէմ, կոչել նոցա թողութիւն,

ԳՈՐԾՔ ԱՌԱՔԵԼՈՑ 26:22

Օգնութիւն հասեալ առ յԱստուծոյ՝ մինչեւ ցայսօր կացի վկայեալ փոքու եւ մեծի, ոչ ինչ արտաքոյ ասել քան զոր մարգարէքն եւ Մովսէս խօսեցան զհանդերձելոցն լինելոյ.

ԵՐԿՐՈՐԴՈՒՄՆ ՕՐԻՆԱՑ 31:26

Առեալ զմատեան օրինացդ այդոցիկ դնիցէք ի կողմանէ տապանակի ուխտին Տեառն Աստուծոյ ձերոյ, եւ եղիցի անդ ընդ քեզ ի վկայութիւն.

ՍՐԲՈՅՆ ՅՈՎՀԱՆՆՈՒ ԱՌԱՔԵԼՈՅ ԵՒ ԱՍՏՈՒԱԾԱԲԱՆ ԱՒԵՏԱՐԱՆՉԻ՝՝ 20:12

Եւ տեսի զմեռեալս մեծամեծս եւ զփոքունս, որ կային առաջի աթոռոյն. եւ գրեանք բանային, եւ այլ գիրք բացան կենաց. եւ դատեցան մեռեալք ի գրելոցն ըստ գործոց իւրեանց։

ԹԱԳԱՒՈՐՈՒԹԵԱՆՑ ԱՌԱՋԻՆ 30:2

եւ գերեաց զկանայս եւ զամենայն ինչ՝՝ որ ի նմա ի փոքուէ մինչեւ ցմեծ. եւ ոչ սպանին զայր եւ զկին՝՝, այլ գերեցին եւ գնացին զճանապարհ իւրեանց։

ԹԱԳԱՒՈՐՈՒԹԵԱՆՑ ԱՌԱՋԻՆ 5:9

Եւ եղեւ յետ փոխելոյ նորա անդր, լինէր ձեռն Տեառն ի վերայ քաղաքին եւ խռովութիւն մեծ յոյժ. եւ չարչարեաց զարս քաղաքին ի փոքուէ մինչեւ ցմեծամեծս, եւ եհար զնոսա յերաստանս իւրեանց. եւ արարին Գեթացիքն իւրեանց երաստանս՝՝։