ԹԱԳԱՒՈՐՈՒԹԵԱՆՑ ՉՈՐՐՈՐԴ 23:11 - Գրաբար Աստվածաշունչ (1895)

¹¹ Եւ այրեցին զձիսն զորս ետ արքայն՝՝ Յուդայ արեգական ի մուտս տան Տեառն ի գանձանակի Նաթանայ ներքինւոյ արքայի՝՝ որ ի Փարուրիմ. եւ զկառսն արեգական այրեաց հրով։

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:11 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ՉՈՐՐՈՐԴ 23:5

Եւ այրեաց զքովմարիմսն՝՝ զոր տուեալ էր արքայից Յուդայ. եւ արկանէին խունկս ի բարձունսն եւ յամենայն քաղաքս Յուդայ եւ շուրջ զԵրուսաղեմաւ, եւ զխնկարկուսն զարեգական եւ զլուսնի եւ զաստեղաց եւ զամենայն զօրութեան երկնից

ՄՆԱՑՈՐԴԱՑ ԱՌԱՋԻՆ 26:18

Եւ ընդ արեւմուտս չորս, եւ ի ճանապարհ երկուս երկուս փոխանակաւ՝՝։

ՄՆԱՑՈՐԴԱՑ ԵՐԿՐՈՐԴ 14:5

Եւ ի բաց արար յամենայն քաղաքացն Յուդայ զսեղանս եւ զկուռս.

ՄՆԱՑՈՐԴԱՑ ԵՐԿՐՈՐԴ 34:4

Եւ կործանեաց դէմ յանդիման իւր զսեղանս Բահաղիմայցն եւ զբարձաւանդակսն յորոց վերայ էին. եւ կոտորեաց զանտառսն՝՝, եւ զդրօշեալսն եւ զձուլածոյսն փշրեաց եւ մանրեաց եւ ընկէց յանդիման շիրմացն այնոցիկ որք զոհէին նոցա։

ԳԻՐՔ ՅՈԲԱՅ 31:26

կամ թէ ո՞չ տեսանիցեմք զարեգակն լուսաւորիչ նուաղեալ, եւ զլուսին մաշեալ. եւ ոչ ի նոցանէ.՝՝

ՄԱՐԳԱՐԷՈՒԹԻՒՆ ԵԶԵԿԻԵԼԻ 40:17

Եւ տարաւ զիս ի ներքին սրահն. եւ ահա դահլիճք եւ սիւնք շրջանակօք՝ շուրջ զսրահիւքն յօրինեալք, երեսուն դահլիճք ի մէջ սեանցն շրջանակաց։

ՄԱՐԳԱՐԷՈՒԹԻՒՆ ԵԶԵԿԻԵԼԻ 8:16

Եւ եմոյծ զիս ի ներքին սրահ տանն Տեառն, եւ ահա ի վերայ դրաց տաճարին Տեառն ընդ սեղանն եւ ընդ վանդակն՝՝ իբրեւ արք քսանեւհինգ, որոց զթիկունս ի տաճարն Տեառն դարձուցեալ էր, եւ զերեսս ընդ արեւելս, եւ երկիր պագանէին արեգական։

ԵՐԿՐՈՐԴՈՒՄՆ ՕՐԻՆԱՑ 4:19

Եւ մի՛ հայեցեալ ընդ երկինս տեսանիցես զարեգակն եւ զլուսին եւ զաստեղս եւ զամենայն զարդ երկնից, եւ մոլորեալ երկիր պագանիցես նոցա եւ պաշտիցես զնոսա, զոր բաժանեաց Տէր Աստուած ամենայն ազգաց որ ի ներքոյ երկնից։