ԹԱԳԱՒՈՐՈՒԹԵԱՆՑ ՉՈՐՐՈՐԴ 21:3 - Գրաբար Աստվածաշունչ (1895)

³ Եւ դարձաւ շինեաց զբարձունսն զոր կործանեաց Եզեկիա հայր նորա, եւ կանգնեաց զսեղանն Բահաղու, եւ արար անտառ՝ որպէս արար Աքաաբ արքայ Իսրայելի. եւ երկիր եպագ ամենայն զօրութեան երկնից եւ ծառայեաց նոցա.

ԹԱԳԱՒՈՐՈՒԹԵԱՆՑ ՉՈՐՐՈՐԴ 21:3 ပူးပေါင်းရင်းမြစ်များ

ԹԱԳԱՒՈՐՈՒԹԵԱՆՑ ԵՐՐՈՐԴ 18:21

Եւ մերձեցոյց Եղիա զամենայն՝՝ ժողովուրդն, եւ ասէ ցնոսա Եղիա. Մինչեւ ցե՞րբ կաղայք յերկուս հետս. եթէ Տէր է Աստուած, երթայք զհետ նորա, եւ եթէ Բահաղն իցէ, երթայք զհետ նորա։ Եւ ոչ ետ ժողովուրդն նմա պատասխանի։

ԹԱԳԱՒՈՐՈՒԹԵԱՆՑ ԵՐՐՈՐԴ 18:26

Եւ առին զզուարակն զոր ետ նոցա, եւ արարին. եւ կարդացին զանուն Բահաղու յայգուէ մինչեւ ցհասարակ օր. եւ ասէին. Լուր մեզ, Բահաղ, լուր մեզ։՝՝ Եւ ոչ գոյր բարբառ եւ ոչ ունկնդրութիւն. եւ ընթանային շուրջ զսեղանովն զոր արարին։

ԹԱԳԱՒՈՐՈՒԹԵԱՆՑ ՉՈՐՐՈՐԴ 13:6

Սակայն ոչ մեկնեցան ի մեղացն Յերոբովամայ որդւոյ Նաբատայ որ յանցոյցն զԻսրայէլ, այլ ի նոսա գնացին. նա եւ անտառն կայր ի Սամարիա։

ԹԱԳԱՒՈՐՈՒԹԵԱՆՑ ՉՈՐՐՈՐԴ 17:16

Թողին զամենայն պատուիրանս Տեառն Աստուծոյ իւրեանց, եւ արարին իւրեանց ձուլածոյս, երկուս երինջս, եւ երկիր պագին՝՝ զօրութեան երկնից, եւ պաշտեցին զԲահաղ,

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:22

Եւ զի ասացեր ցիս՝ թէ ի Տէր Աստուած յուսացեալ եմք, ո՞չ դա այն է՝ զորոյ մերժեաց Եզեկիա զբարձունս նորա եւ զսեղանս նորա, եւ ասէ ցՅուդա եւ ցԵրուսաղէմ. Առաջի սեղանոյս այսորիկ երկիր պագէք յԵրուսաղէմ։

ԹԱԳԱՒՈՐՈՒԹԵԱՆՑ ՉՈՐՐՈՐԴ 18:4

Նա եբարձ զբարձունսն եւ խորտակեաց զամենայն արձանսն՝՝ եւ կոտորեաց զանտառսն, եւ զօձն պղնձի զոր արար Մովսէս, զի մինչեւ ցայն աւուրս զոհէին նմա որդիքն Իսրայելի, եւ կոչեցին զնա Նէեսթան։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:18

Եւ գնաց զճանապարհ թագաւորացն Իսրայելի, որպէս արար տունն Աքաաբու. զի դուստր Աքաաբու էր նորա կնութեան. եւ արար չար առաջի Տեառն։

ԹԱԳԱՒՈՐՈՒԹԵԱՆՑ ՉՈՐՐՈՐԴ 8:27

Եւ գնաց զճանապարհ տանն Աքաաբու, եւ արար չար առաջի Տեառն որպէս եւ տունն Աքաաբու. քանզի փեսայ էր տանն Աքաաբու։

ՄՆԱՑՈՐԴԱՑ ԵՐԿՐՈՐԴ 32:12

Ո՞չ այդ Եզեկիաս է, որ քակեաց զսեղանս նորա եւ զբարձունս նորա, եւ ասաց ցՅուդայ եւ ցբնակիչսն Երուսաղեմի. Առաջի սեղանոյս այսորիկ միայն երկիր պագէք, եւ ի վերայ սորա զոհեցէք։

ՄՆԱՑՈՐԴԱՑ ԵՐԿՐՈՐԴ 34:3

Եւ յութերորդ ամի թագաւորութեանն իւրոյ, եւ ինքն էր տակաւին եւս մանուկ, սկսաւ խնդրել զՏէր Աստուած՝՝ Դաւթի հօր իւրոյ. եւ յերկոտասաներորդ ամի թագաւորութեանն իւրոյ սկսաւ սրբել զՅուդա եւ զԵրուսաղէմ ի բարձանցն եւ յանտառացն եւ ի ձուլածոյիցն։

ԳԻՐՔ ՅՈԲԱՅ 31:26

կամ թէ ո՞չ տեսանիցեմք զարեգակն լուսաւորիչ նուաղեալ, եւ զլուսին մաշեալ. եւ ոչ ի նոցանէ.՝՝

ՄԱՐԳԱՐԷՈՒԹԻՒՆ ԵՍԱՅԵԱՅ 65:11

Այլ դուք թողէք զիս եւ մոռացարուք զլեառն սրբութեան իմոյ, եւ կազմէիք դիւաց սեղան եւ խառնէիք խառնելիս բախտից.

ՄԱՐԳԱՐԷՈՒԹԻՒՆ ԵՐԵՄԵԱՅ 7:30

Զի արարին որդիքն Յուդայ չար առաջի իմ, ասէ Տէր. կարգեցին զգարշելիսն իւրեանց ի տանն յորոյ կոչեցեալ էր անուն իմ ի վերայ նորա՝ պղծել զնա։

ՄԱՐԳԱՐԷՈՒԹԻՒՆ ՄԻՔԻԱՅ 6:16

Եւ ապականեսցին անօրէնք ժողովրդեան իմոյ՝՝, եւ ամենայն գործք տանն Աքաաբու. եւ գնացէք ըստ խորհրդոց նոցա. զի մատնեցից զձեզ յապականութիւն, եւ զբնակիչս քո ի շչիւն, եւ զնախատինս ժողովրդոց ընկալջիք։

ԵՐԿՐՈՐԴՈՒՄՆ ՕՐԻՆԱՑ 16:21

Մի՛ տնկեսցես քեզ անտառ զամենայն փայտի առ սեղանով Տեառն Աստուծոյ քո։

ԵՐԿՐՈՐԴՈՒՄՆ ՕՐԻՆԱՑ 17:2

Եւ եթէ գտցի ի միջի քում, ի միում ի քաղաքացն զոր Տէր Աստուած քո տացէ քեզ, այր կամ կին որ առնիցէ զչար առաջի Տեառն Աստուծոյ քո, անցանել զուխտիւ նորա,

ԵՐԿՐՈՐԴՈՒՄՆ ՕՐԻՆԱՑ 17:3

եւ երթեալ պաշտիցեն զաստուածս օտարս, եւ երկիր պագանիցեն նոցա, արեգական կամ լուսնի, կամ ամենայնի որ իցէ ի զարդուէ երկնից, զորս ոչ հրամայեցի.

ԵՐԿՐՈՐԴՈՒՄՆ ՕՐԻՆԱՑ 20:18

զի մի՛ ուսուցանիցեն ձեզ առնել զամենայն գարշութիւնս իւրեանց, զոր արարին դիցն իւրեանց, եւ մեղանչիցէք առաջի Տեառն Աստուծոյ ձերոյ։

ԵՐԿՐՈՐԴՈՒՄՆ ՕՐԻՆԱՑ 4:19

Եւ մի՛ հայեցեալ ընդ երկինս տեսանիցես զարեգակն եւ զլուսին եւ զաստեղս եւ զամենայն զարդ երկնից, եւ մոլորեալ երկիր պագանիցես նոցա եւ պաշտիցես զնոսա, զոր բաժանեաց Տէր Աստուած ամենայն ազգաց որ ի ներքոյ երկնից։